عندما تتساقط وريقات الخريف في فصل الشتاء <<ابو لحسة المخ

[عندما]

سلام عليكم يا أعضاء الجوهرة ....

البارح كنت ناوي أشتري دفاية .... ماعاد الا بتكسر جنوبي من البرد وكتوفي قامت تطق طق تسنها ثلاجة في تالي الليول لا مريت من عندها والمطبخ ظلمة والبيت مافية أحد <<<نعنبو ذالثلاجات هي وأصواتها ..ماجاني إنفصام في الشخصيةمن هالحركة ابد ....

عاد قعدت أفكر متى يجي الصيف <<<سعودي بحت لا طلع الشتاء فكر في الصيف والعكس صحيح
الزبدة أني عاتبت نفسي وقلت وشو صيفة بعد أنت وين طس فصل الخريف ...... اها .... ومن هنا نبعت فكرة التصميم :D <<<يمديكم على جوي الخياس ... واضح أن إلهامي التصميمي أو مدري وش يسمونه ما يجي بالساهل :D

مالكم من طولت الهرج الماصخ وخلونا نخش على التصاميم

الأول وقد أطلقت علية ((ورقة في مهب الريح وتناظره حرمة عيونها زايغة :D ))

http://endama.jeeran.com/images/aut1.jpg

الثاني ويحمل أسم .... ((السيراميك العندماني :D ))

http://endama.jeeran.com/images/aut2.jpg

الثالث وقد أطلقت علية ((طوفرية مافيها بيالات :D )) <<الطوفرية هي صحن مزكرش للي مايعرفونها ترجمناها لكم
http://endama.jeeran.com/images/aut3.jpg

الرابع بأسم ((يالريمي إن تسانتس تبينة فهو حلالتس :D )) <<فعل ماضي مكسور بالخاء ماعاد هوب أسم ذا :D
http://endama.jeeran.com/images/aut4.jpg

تدرون عاد وش أكتشفت في الآخير .... فصل الربيع هو اللي يجي بعد الشتاء على طول <<<<<< يا صبر الأرض على السماجة


نأمل منكم النقد والنصح ..... وعلى فكره تراها أكبر من تسذا بس مالي نفس أعيد تنزيلها مره ثانية

فمان الكريم
ونلتقي مجددا مع تصاميم عندمانية

[الريمي]

يالله حيه .. :lsi:

تسني بك تهذري وتقول .. هذي وش جابه :confused:

هالحين هذي كله مقدمه .. انا احسب اني قالطتن بالصرقعه بالغلط ..

عاد تبي الصدز ..

يوم ان شفت اول تصميم .. قلت هذي التصاميم .. ماهوب هاك التوقيع تقل مزينه لي من ورى خشمه :D << لاحمدا .. ولا شكورا ..

ويوم ان دحدرت ..

ثم دحدرت ..

ثم جيت 7
..............7


**الرابع بأسم ((يالريمي إن تسانتس تبينة فهو حلالتس )) **


وانا اللي مدري وش جاني ..

هذا السنع .. ايه اشوى من الاول على الاقل .. نقدر نضيف عليه شي ماهوب ذاك يادافع البلا .. من شفته خلص اشتراكي << طيب تلايط

شف عاد دامك ابلشتني بذا العيوون .. ابيك تكتب به جمله الله لا يهينك :cool:

اصبر وش نكتب ..



:l,k: وش نكتب ياعندما وش نكتب ..

ايه ..


وش رايك نكتب .. العين حق .. :ss1:

<< فاهمه الدعوه خطا ..

دام الدعوه عيون .. مالنا الا قولت .. الاتي :

اما :

1/ الله اكبر كيف يجرحن العيون ...

2/ عيون الحب لايمكن تناظر .. عيوب الخل لو هو عيب كله ..

3/ هالعيون شلون املها خخخخخخخ << هذي عاد مسخره ..

8
8

اختر الاجابه الزينه :D


والله لا يهينك ابيك تحط له ايطار .. بس تكفى ترى مالي بالمطبخ يعني مابيه مثل حق الطوفريه :p

هذا ولك جزيل الشكر والخرفان ..

يعطيك العافيه على هالتصاميم .. وعجل بالباقي يمكن اغير رايي بذولي خخخخ

<< تشرط ..

لاعدمناك ..

[عندما]

هلا الريمي .......... والظاهر اللي فهمته من كلامتس تبين التوقيع تسذا

http://endama.jeeran.com/reeemy.jpg
مع العلم أنك ما وضحتي لي وجة نظرك مظبوط

والفوتو شب عله صعبة صنع الإطارات فية .... بس طلع معي هذا بعد الطقاق وحب الخشوم :D ....

[ناااايف]

وعليكم السلام ورحمة الله


اقول مالت علي يوم ماعرف اصمم مثلك:(


الصراحه انا اعجبتني كل التصاميم وخاصه الاخير

لكن الي اقدر اقول الله يعينك عندما على الريمي وعلى ذوقها

والله لو اني مكانك كان بطلت تصاميم :D

سلمت يدينك اخوي عندما على هالتصاميم

ولاتبخل علينا بجديدك ;d5:


ناااايف

[عسل]

والله منت بسهل يا فان جوخ:D

لا ومسمي كل تصميم باسم كانهم عيالك خخخخخخخ



اما ثاني تصميم ..كانه طاوله ومرمي عليها اعداد مجلة سيدتي :dd2d:


بس ارجع واقول يجي منك يا مبدع

وحليلها الريمي اللي صايره كانها فار تجارب مع هالتواقيع

كل يوم مهبل فيها ومعطيها واحد .. الاغصب تشبكها خخخخ


< خلاص بتطلع قبل تنطق:frd:


عسوووووووووووله

[الجوهرة]

ادوووووخ انا مع العنوان

ههههههههههههههههههههههههههههه

الله يرجك يا عندما تسمع بالمقدمات والدخلات في المواضيع انت خخخخخ


بس بصراحه التصميم الاول حق ام عيون زايغه شييييييء

رااايق الوان وفكره وتنسيق وكله على كله


والباقيات مابهم شي بس الاول احلى بكثير ..لكن ارجع واقول

الخط عندك دايم يخرب على روعة التصميم

شكلي بكره بنزل لكم مجموعة خطوط وحمل منها يالزول:D



اما توقيع الريمي الاخير يذكرني بشباك الحرامي اللي بدريشتنا خخخخ


تسلم الايادي ابو عتن وطيع شوري وحمل خطوط زي الناس < بدت تدف





الجوهرة

[البنت التوب]

هلا ياابو عتـــــــــــــــــــــن

ماشاءالله عليك.في كل شئ جاهـــــــــــــــــــز


بس عقل مفكر..تصميم حلوو واحد..وتنويع وقص وحركتتااااات

انا مع الجوهرة في الخط..مو بالحيل


هذا اللي اشوفه..


يعطيك العافيه


تووووووووووب

[عندما]

نايف: هلا حياك ..... بعدين تعال من قالك أني أعرف أصمم .... ترى ذي كلها بربسة وأنتم مصدقين وماكلين فيني مقلب ... وكلها كم خربطة في الفوتو شوب وصدقني يطلع معك شين يهول ....
شاكر لك عزيزي زيارتك وتذوقك لتصميمي المالح :D ... وترى برادة الموية في ثاني قسم على حجاجك الأيمن :D لا عدمناك أخوي وشكرا لردودك وزياراتك

عسل: قصدك والله فان مليان خوخ :D <<<<أقدر طعم شيء أسمه أيس تي بالخوخ
وبعدين وشهوله أشبك الريمي دجاجة وبتنحاش هي :D الله يهديك بس غلطتي على البنية وهي ماقالت لك شيء ولا تعرضتك يعني لازم تفشلينا يا عسيله مع الضيوف <<<< ويلك ياللي تحارشني ياويلك ويل :D خخخخ عسولة يا مال العافية لاعاد تنشبين لي وتدققين وراي في كل موضوع ونقلبة تشات ونتوهق مع الإدارة ... والا علشانك متعنزه على ظهر قوي تبين تورطيني أنا ياحيل الله اللي ما أعرف أحد
متعنزه = متركية = متسنده= متكية :D
شاكر لك زيارتك ياعسل وردودك اللي تظيف للموضوع نكهة خاصة :D أبسميك من اليوم مكعب الماجي ... والا ماجي المنتدى ... والا كرتون الماجي :D إختاري واحد

الجوهرة:
اما توقيع الريمي الاخير يذكرني بشباك الحرامي اللي بدريشتنا خخخخ
حسبي عليتس إن تسانتس ناوية تتعبيني :D
وبعدين تراكم أبلشتوني بالخطوط يعني لها الدرجة هي شينة ياعالم .... والله أني أقول وش ملحها ووش زينها وماعند أحد خطوط مثلي <<<عزالله عرفنى البلاء وينه فيه مهوب في خطوط الفوتوشب في خطوط مخك يالي مسوي فيها ذويق
وشاكر لك زيارتك ونقدك وملاحظاتك يالجوهرة ..... وبإذن اللي ماتنام عينة أبنزل الخطوط من جديد وبسوي للفوتوشب فورمات مره وحده

البنت التوب: أسفرت وأنورت الصفحة يالتوب .... وذوقك أحلى من التصميم بس سيري علينا دايم وتشوفين مايسر ذوقك <<<يمدحون الدعايات ذا اليومين

شاكر لك زيارتك وملاحظتك .... وإن شالله مستقبلا نتفادى الغلطات التقنية :D

[عسل]

ماجي ماجي


شورك وهداية الله < حشى رايحه تخطب


الا وش رايك في نكهة الماجي موب احلى خخخخخخخ

< بترووح تكلم الاداره في تغيير الصفه قبل يخلوها بفلوس هع


مغسيه باكو وبالتوفيق في جميع اعمالك يا فان :D




عسوووووووووووله