Messages

[الريمي]

*
*
*

قالوا تهوجس فيه .. !!

قلت اتركوني ..

قلبي يبي شوفه .. لو بالهواجيس ..


*
*
*


اشتقت لك ..

جيت اتصل ثم هونت ..

دامك مطنش .. وش يفيد اتصالي .؟


*
*
*


بعض الغلا ..

يقضي على ضيقة البال ..

وبعض الغلا ..

يقضي عليه التغلي ..


*
*
*


عــطنـي سبـب واحد يـبرر غيابك ..
........................ يعني اذا طمنتني مابها عيب ..

ارسل على الاقل اتصل وش غدى بك ..
........................ انس المحبه واعتبرها مواجيب ..


*
*
*


اضرب رقم تسعه مع صفر واثنين ..
.......................... واطلب من المامور رقم الشريحه ..

يمكن نسيت الرقم ياكامل الزين ..
......................... والا يدين الوصل صارت شحيحه ..

ترى الوفا يجمع على الحب قلبين ..
....................... وترى الجفا والصد عاده قبيحه ..


*
*
*


اقرا معاناة قلبي وسط جوالي ..
........................ ..نتـايج الصـد حلـلها وفسرها ..

مانامت العين ليله من سبة اهمالك..
..................... كن الرسايل تضرك في خسايرها ..


*
*
*


افطن لوقتك لو بدا لك بصافيه ..
...................... الوقت مايرحم ولاهو بياوي ..

راع الردى ياصاح بالك تخاويه ..
...................... من رفقته لازم تشوف البلاوي ..

عليك باللي يرفع الراس طاريه ..
...................... وان ماحصل ماهو ضروري تخاوي ..


*
*
*


انا وقلبي يم صوتك تسابقت ..
.................. مدري سبقني القلب والا سبقته ..

بس الوكاد اني بقلبه تعلقت ..
.................. الا الوكاد ان اغلب الوقت وقته ..

على النقا لاخنت , لابعت . لابقت ..
.................. الا غلاه ان ماعطاني ايه بقته ..


*
*
*


الرفاقه شهادة حسن خلق وسلوك ..
...................... وانت والله رفيق ٍ مانجي مستواك ..

فيك طيبة فقر وفيك حشمة ملوك ..
....................... وفيك شخص ٍ مثالي في عيون اصدقاك..


*
*
*



حي الله اللي غيبته لوعتني ..

كني بدونه ياعرب ..




>> فاقد الروح <<


*
*
*


طاريك يسرقني لوني مع الناس ..

واروح مع ذكراك ..




(( محدن درابي ))


*
*
*

تمت ..

[ناااايف]

هلا فيك الريمي

مسجات حلووووه

والحين بسرق منها الي اعجبني وارسل هههههههههههههه

وياليت الي عنده مسجات منتازه يسدحها فيذا

حتى يستفيد منها الي محد يرسله

الف شكر لك لاعدمناك


نااايف

[عندما]

هلا الريمي

افطن لوقتك لو بدا لك بصافيه ..
...................... الوقت مايرحم ولاهو بياوي ..

راع الردى ياصاح بالك تخاويه ..
...................... من رفقته لازم تشوف البلاوي ..

عليك باللي يرفع الراس طاريه ..
...................... وان ماحصل ماهو ضروري تخاوي ..

شدتني هذه الأبيات ..... وأحب أضيف مسج سامج من عندي :D

ليتني أنا وخلي مثل عقرب الساعة أثنين
............................................نلتقي كل ساعة ونتسامر في الدقيقة ثمن طعش

ماعلينا من عقرب الثواني أبو وجهين
........................................كل دقيقة ناشب لنا تسنه حارس مرمى الثمن طعش


^
^
^
هذه الأبيات منقوله بتصرف <<<<يعني محورفن بها :D

وشكرا يالريمي على مسجاتك الروعة

[الريمي]

** النايف ..

:55:


الشكر كله لك يالنايف على التواجد ..

وبالنسبه للسرقه .. ترى الدعوه بتصير فيها ضرايب .. خصوصا على الكباريه امثالكم :D

واذا على المسجات .. ابشر على خشمي ..

كل ماخذيت ابنزل لي كمن مسج في موضوع مستقل .. عشان تفطنون له << بعيدة نظر ذا المودميه ..

يعطيك العافيه ..

لاعدمناك


** عندما تغرد البعارين ..

:55:

((شدتني هذه الابيات ... ))

8
8

طيب واللي كتبت الابيات ؟؟ << تميلح

وش ذا المسج الفاصل ؟؟ << اشبكيه ..

ياوالله عندي مسج .. اخاف ان كتبته يلغون عضويتي وانا عاد ماامداني اتهنا :cool:

يعطيك العافيه ياخيي ..

وحياك ..

[الغـــلا]

بعض الغلا ..

يقضي على ضيقة البال ..

وبعض الغلا ..

يقضي عليه التغلي ..


يا زين اسمي بهالمسج ههههههه


يعطيك الف عافيه الريمي

مسجات حلوووه جدا ..كلماتها راقيه ومعانيها قويه.



الغــــلا

[الريمي]

** الغلا ..

:55:

اجل الدعوه فيها عصبيه اسميه :p

الله يعز مألف هالمسج اللي خلاتس تقلطين ..

الف شكر لتس ياخيه على التواجد ..

حياتس ..

[عسل]

يا عيني يا عيني

وش هالمسجات الحلووووووه الريمي

ما خبرتس رومانصيه وحقت مسجات < شوي شوي على البنت:f35:

بس المسج اللي فيه حسن سيره وسلوك عاجبني

ودي ارسله للعميده حقتنا هع هع هع



يسلمووووو الريمي.


عسووووووووووله

[الريمي]

** عسوله ..

:55:


اني داريه اني ماني برومنسيه .. لكن عاد الشكوى لله يوم حدتني صواديف الايام << ماهي بعاقله مليحه الفودري ..

**بس المسج اللي فيه حسن سيره وسلوك عاجبني **

8
8

ياوالله اللي على هالدباشه .. شكله بعيتدن عن شواربتس هالشهاده ..

اما شورابتس ؟؟ << شقريهن :D << خشت بسواليف طويله ..

اصبري يابعدي لا ترسلين الى ان يبدا شغل اتحاد الاتصالات << نكايه باللي عندنا ..

يعطيتس العافيه خيتو على هالمداخله الطيبه ..

حيتاس ..