المساعد الشخصي الرقمي

مشاهدة النسخة كاملة : الفزعه يا الربع

**جلابص**
09 Jan 2005, 08:00 AM
هلا بكم كل ابوكم

انا جلست احبرش في الستينق حقت الأيميل عشان اخلي حجمه 250 ميقا ولعلي جبت العيد وحولت نفسي الى ورع ويحتاج الى أذن من ولي امره وطلعت لي هالمسج

Permission Required

You need a parent's permission to continue. Is a parent with you right now?


وعجزت افتح أيميلي ولا ماسنجري

وللمعلوميه أخذتهم على قد عقلهم وعطيتهم ايميل ولي امري الي هو ايميلي الثاني بس يوم دخلت في أيميلي الثاني قالوا لي لازم تعطينا ماستركارد او فيزا عشان نتأكد انك بالغ! وراح نجمد دولار واحد فقط!

وانا مدري وش اسوي ولا عندي ماستر كارد ولا فيزا ما عندي الا ميكرويف وخربان بعد وقالبينه مطبقه للخبز

لذلك قلت مالي الا الله ثم انتم

وهل اذا رضخت للأمر الواقع ودبرت فيزا هل بيرجع أيميلي زي ما كان؟؟؟!!!
طاغي النظره
09 Jan 2005, 08:33 AM
ياجلابص ياصديقي ودي اساعدك بس انا مثلك راس مالي ثلاجه محروقه . .


تبي فزعه بهوشه ماعندي مانع . . .



تحيااااااااااتي ،،
**جلابص**
09 Jan 2005, 08:53 AM
ههههههههههههههههه حلوه

وما تقصر يا خلفهم

وبالهوشات ما علينا قاصر انت كان تبي فزعه تراني جاهز انا والتسع طعش الي معي بالأستراحه ههههههههه عصابه مهوب شله ذي

اما الأيميل فأنا بعطيهم مهله ثلاث أيام اذا ما فتحوه راح اخترق الهوت ميل بكبره << لا تزلق بس ههههههههه
*عازف شجن*
09 Jan 2005, 10:53 AM
جلابص ابشرر بعززك


كم جلابص عندنا


المهم الموضوع قريت فيه فزعه قلت ابشر بعزك قبل لا اقرأ الموضوع


بس مدام الدعوه فيها اختراق وهكرز لا تدورلي بالشغله هذي 00


انا حدي طال عمرك دورة بلاي ستيشن وتخب بعد 00

لكن ابشر تحصلني بعلوم الرجال شرواك تبي شبت ضو قهوه فقع ضبان

وغير كذا ابشرك من يوم علمتك بعلوم العمل والفطور وانا لليوم والله العظيم مانزل راتبي < يحلف من قلب ياحليله

يعني مثلك خابر الطفره الشبابيه تشكل نقله نوعيه للسلف والتلف والدين العام < يازينك ساكت بس


تحياتي ,,,,,,,,,,


عازفـ ...............ـأ
عندما
09 Jan 2005, 11:20 AM
خخخخخخخخخخخخخخ هلا ابو بص ..... ياحليلك ..... والله دورت لك حل ولقيت شيء يمكن يفيدك ..... المشكلة هذي اللي صارت لك صارت مع واحدن الماني <<<يعني مشكلتك شف من تكررت عنده خخخخخ سبحان الله الدنيا ذي صغيرة ...... المهم أن الرجال ذاك الألماني أستفزع بأخوياه في منتداهم ..... وماقصرو الشقردية الألمان .... عطوه الحل ....

هذا هو الرابط الله يعينك على فك الشفره خخخخ (http://forum.gamers.nl/printthread.php?t=59334&page=2&pp=25)

بس يبيلك ترطن ألماني :D والا إن تسان فية أحد من أخوياك يعرف يهرج الماني .....وعلى قولت المثل العوض ولا القطيعة

وإذا لقيت شيء عطيتك خبر ....
**جلابص**
09 Jan 2005, 12:26 PM
هلا بعازف وشراوك الطيب يا خلفهم وما تقصر

وانا نقطة ضعفي في هالدنيا الأمور التقنيه

لكن يسلموا على مئازرتي

-----

هلا ابوعتن

صح اني سبق وزرت المانيا البلد المفضل لدي

حتى اذكر اول المانيه قابلته كانت نقيبه (يعني ثلاث نجوم) وكانت قطعه ام الف وجلست افحط على رجليني قدامها عشان تمسكني هههههههههه<<< مسك خط بالسواليف

بس ما اعرف الا كلمات رئيسيه

مثل سلام

رقم ثمانيه <<الله يخلي دعايات القنوات الأوربيه

اعرف تبييته قصدي شقه هههههه ومن هالأمور بس رحت شفت هرجهم وجاني مغص في بطني وجلست ساعه اصقع في صدري واسوي حركة هتلر بس ماش ما نفعت ههههههههه

لكن بحاول فيها مره ثانيه ويسلموا ابوعتن وانا قالي واحد من الشباب احاول ارسل للمسؤلين في الهوتميل لعل وعسى
Mr.SmRmDi
09 Jan 2005, 01:49 PM
<=====جاكم الالماني


هلا بك جلابص
عالبركه خراب الايميل


ماشاء الله


وش بتسوي انت

الله يعينك.؟بس


اسمع فيه واحد اسمه عاشق الريم معانا بالمنتدى خبير نت

تعال لي عالايميل واعطيك ايميله وتفاهم معه لانه بيصلحه لك.

وتحياتي يابو تتنه.
عـاشـق الـريـم
10 Jan 2005, 05:31 AM
هلا وغلا جلابص
بالنسبة للايميلك ما يروح عليك ولا تشيل هم
اذا كنت طبقت مثل اللي بالموضوع اللي اللي منزله انشاءالله بتضبط امورك
وهذا راببط الموضوع :
http://www.algohrh.com/vb/showthread.php?t=779
واذا كان طلعتلك الصوره هذي :
http://3ashiq.hala.cc/joorcopy.jpg
اختار اللي محدد بالصوره
واذا كان طلعلك غيره يا الغالي
حاول انك تصور لي الشاشةوترسلها لي
وانشاءالله احلها لك والله يقدرني
واشكرك اخوي وحبيب قلبي سمرمدي
وانا بخدمتك يا جلابص
واتشرف بمعرفتك واضافتك عندي بالماسنجر
تحياتي لكم يا الغلا
**جلابص**
10 Jan 2005, 03:00 PM
ابشركم اشتغل أيميلي وجابوه الرجال

بفضل الله ثم بفضل الهكر اخوياي الله لا يخليني منهم

عز الله انهم سنايديين ويقولون انه المشكله اني مغير عمري وصاير بدال ثمانيه وعشرين صاير اربع شهور هههههههههه

وشاكر لكل من وقف معي و واساني او حاول يساعدني

وسلامتكم...
!!المطرطع!!
10 Jan 2005, 03:47 PM
مبروك ياجلابص انا قايل لك والله لو يروح عليك الايميل انك لتنهبل خخخخخخخخخخخخخخخخخخخخخخخخخخخ

وخل الحبرشه لأهلها هع هع هع
عـاشـق الـريـم
11 Jan 2005, 08:41 PM
مبروك اخوي جلابص
انا بعد اعطيته اخوياي وقالو لي نفس الكلام اللي قلته
والله يا اخوي كنت ابي اخدمك
لكن في الجايات انشاءالله
الف ميروك
تحياتي