الله يرحمـنا من المواطـن السعودي

[عسل]

السلام عليكم ..

عسى الجميع بخير ..

بما ان الامتحانات على الدرايش قلت انزل هالموضوع اللي مأثر فيني

معنويا ً ونفسياً ويدوياً

المهم كلكم عارفين إننا نحن البنات ( ياحبي لنا ) متأذين منكم يا الشباب

ومع هذا صابرين عليكم

وانتم برضو صابرين علينا< انتهت بالتعادل واحد واحد

بس موب متأذين مننا لأننا "عسل" وملح هالدنيا << مايختلف اثنين على

هالجمله والي يختلف فيه نقص تفهم يا ولد الناس:KIJ:

وكلن يدري انكم بدونا ولا شيء ..وبرضو العكس صحيح ..

بس بالنسبه انا لي طفح الكيل ..

خلاص جبتوا لي الصمرقع ..

خلاص جا لي مغص بحواجبي منكم

اكرهكم ... واستحاله ابلعكم

اكرهكم واكره جفاستكم .. نعم جفاستكم ..

الجفاسه هي كلمة روتينيه تتكون من خمسة أحرف .. الجيم والفاء والألف

والسين والهاء << احلفي:rolleyes:

مؤخراً أكتشفت هالنظريه في شبابنا المكافح في سبيل تحطيم و تكفيخ

البنات وذلك بسبب الأغلبيه عرابجه وطعوس بمعنى الحروف ..

وأيضاً أثبتت الدرسات أن بعض البنات تأثروا وصاروا عرابجه وطعوس بس

الا شوي ..

وبأذن الله بكلم نابليون ولا كوسيمو كارفانيا لكي اعقد صفقه مربحه ومرزيه

ويخترعون لنا حبوب لمنع الجفاسه والدفاشه

وبرضو يخترعون لي الجزمه ( الله يكرمكم ) الي بها زر يخليك تطير من

مكان لمكان

وبالطريق يخترعون لي السعفه لانها عمليه


( لحظة تأمل )



والله وناسه لو اني من بنات السعفه كان كل يوم بديره

وكل صبح اروح اسلم على خوالي ..

وكل 6 ساعات بالسوق ..

وارتاح من سواقنا الـ ..... << مشفره من الاداره


( انتهت لحظة التأمل )



حتى تتأكدون من نظريتي الخنفشاريه هذي بعض الأمثله:

* هذا واحد توه مملك على زوجة المستقبل .. وهي ياعمري ماتدري

بجفاسة ودفاشة رجل المسقبل وفي احد المكالمات الرومانسيه< ايه هين

سألها عن لونها المفضل << بالله ذا سؤال ؟ ياقدمك :ttm:

المهم البنت جا على بالها اللون الاخضر .. وقالت اخضر ياعيوني

قال خير ماخذ لي عنز انا << آهـ ياقلبي


* وهذي وحده ذابحها رجلها كل ماراح عند ناس يمدح اكلهم وشربهم ..

لدرجه يوم جاي منهبل من العصير الي حطته مرت خويه ..

والبنت تحلف له انه تانج وانه موب عصير طبيعي ولا شيء غريب علينا ..

والرجال ماش مايبي يصدق .. صارت البنت تطنشه وتسايره

ومره من المرارير كانت معزومه واخذت معاها حلا .. ورجلها بالعزيمه انهبل

على الحلا طبعا يحسبه حلا راعية البيت .. والمسكين برجعتهم للبيت ماغير

يمدح الحلا .. والبنت ساكته ولا قالت شيء ..

يوم وصلوا للبيت وعينوا من الله خير سألها عن الحلا اللي كانت تسويه

امس .. قالت له هالحلا هو الي زاطه بالعزيمه

رد عليها بكل برود .. ايه وانا اقول انه في طعم ثلاجه << آهـ ياقلبي


* وهذي وحده بـ شهر العسل كانت نازله الدرج هي ورجلها ..

ومن زود الرزه اللي بالبنت طحت بالدرجه الاخيره ..

وردة فعل رجلها .. ياحياتي ياعمري ماتشوفين شر بسم الله عليك تبين اشيلك<< هنا الوضع تمام

بس بعد مرور 7 سنين راحوا للفندق نفسه وبرضو طاحت بالدرج ..

ردة فعل رجلها .. وجع قومي فشلتنيا قدام الناس .. << آهـ ياقلبي


وبالمناسبه هذي كتبت هالمعلقه الخطيره

>>> اهــداء إلى الرجل السعـودي <<<

دامك سعودي جفاستك جاوزت كل حدودي **دفشً جفسً والرومنس مالها عندك أي وجودي

اسمعوا واحكموا على قصة ريوم مع عـبودي**بينكت معاها قـام وعطـاها بُقس عالخــدودي !!

وهي بــأول يــوم مــن زواجـهــا المنــكـودي **ويـاكـثر مواقـف فيــها مـثل دفـــاشة عــبودي

وأعرفوا كل جفاسة مصدرها المواطن السعودي **حـتى لـو تميــلح ونـعــم اللحـيه وركــب أودي

وبالأخيــر أدعــوا ربـنا الرحـمن المعـبودي **يأخذ بيدنــا ويرحمـنا من المواطــن السعودي

صح لســـاني :dd2d:


الموضوع موب تهجم على الشباب بالعكس والله .. بس انا اكره هالصفه

الشينه اللي فيكم ..

والله القصص عندي كثيره بس اللي ابيه انكم تكتبون قصص الجفاسه

علشان نأكد هالنظريه للعــذال

يالله عاد عطيتكم وجه وتصبحون على خير << ياحبي لي :sssa1:



عسوووووووووووله:m22:

[عندما]

خخخخخخخخخخخخ أنتي وموضوعك الفلة ........... أطلعي على حقيقتك يا عسولة حاقده علينا نحن معشر الشباب والرجال :d ....

عاد ماشالله عليكم يالحريم كلكم عيني عليكم باردة ذربات وفي شوفة رجلها .... من يوم يقولها زوجها شيء وهي طامرة من غير وعيها .... الا أعوذ بالله منكدين علينا..
والواحد يطلع من الدوام يبي يرتاح في بيتة ... تقابله المرة وشوشتها تسحبها وراها تسنها طرف زولية نقول ماعلية قاعدة تطبخ وتنفخ ....وين الغداء يافلانة ....ترد وبكل برود ماطبخت اليوم ...مهوب لازم تاكل كل يوم!!!<<<ماودكم تصطرونها ذي :d
لو سؤلت هذه الحرمة: طيب الحين ليش ماتطبخين لرجلك يا بنت الحلال
بتجاوب وتقول: أقل شيء يسوية هو ويا وجهه أنه يساعدني بالطبخ...لأنه بياكل معي جعل بطنة ينشق <<<خافو الله في رجالكم :( ...

على فكرة تراني عزوبي .....بس كل أخوياي متزوجين كان الله في عونهم ....بس ماعلية مادامني خويهم بضبط لهم الخطط المنتازة للتغلب على الغولة الساكنة في بيتة :d .....

ولي رجعه يا عسولة هذا الهرج على الطاير .....

[عسل]

اعوذ بالله من شرك


هذا وهرجك على الطاير اجل لو مروق تبي تشرشح اهلنا بعد


اقووول لايكثر ومهما صدر منا على الاقل نعومات مو مثلكم

الجفاسه والدفاسه تسري فيكم مسرى الدم في بطن الشاعر < هيه شوي شوي



لي رجعه بعد رجعتك خخخخخخخخخخخخ


عسووووووووووووله

[آيس كيوب]

خير :mad:

الموضوع موب تهجم على الشباب بالعكس والله .. بس انا اكره هالصفه

الشينه اللي فيكم ..

هاذا كله موب تهجم ,, نعنبو إبليسك نازلة فينا عشرة بلدي و حش وماخليتي فينا شئ الا وعيبتيه

حتى الجانب الرومانسي اللي هو عزائنا الوحيد <= أعترف إن خششنا تقطع الخمير من البيت

حسيت نفسي برغي مصدي ومفاصلي قامت تعورني حسبي الله عليك .

أول شئ ياعسووولخ هانم قبل ماتشنين الحرب على معشر التماسيح

أنا كنت من المؤيدين للشاعر الجاهلي حينما قال :


لابنادي ولابعشق دي ولادي الليلة دي

انا اخترت بنت بلادي اموت اموت عليها دي


وكنت اقول ياولد مالك إلا بنت ديرتك ,,

وماكان مشجعنا الا إننا نكسب أجركم

يعني مايهون علينا تتزوجون هنود وصوماليين <= هذا اذا وافقوا


نجي لموضوع الدفاشة والجفاسة <= مدري من وين تجيبين هالمصطلحات :rolleyes:

وشلون تبين الرجل يصير رومانسي ولون زوجته المفضل أخضر

تلاقينه كان بيشتري قميص نوم وتوقع بتقوله وردي والا أحمر:d4r:

وإنصدم المسكين:eek: بجوابها وقفلت معاه . هازا وإن دل فأنما

يدل على أن رصيدكم في الرومانسية زيرو . لكن وش نسوي ادي الله وادي حكمته:frd:


ويقولون هذا رجال مره فيه واحد <= موضوع التكرن مأثر شوي

كان ناوي ليلة رومانسية مع المصيبة اللي عنده في البيت

إتصل عليها وقال : عمري ,, فيه شموع في البيت <= نستنتج إن التماسيح مقطعين اربع بالرومانسية

ردت عليه : إيه فيه ,, بس الكهرباء شغالة , واذا انقطعت عندنا فانوس بس جيب قاز معك

الرجال كان في بدي شوب ناوي يشتري السلة هذيك ام صابون وورد وعطور ومدري وشو

وانتي تقولين قاز ,, وين عايشين في سكاكا <= جنب مختبر ابوعتن الذري خخخخ


هذا مجرد غيض من فيض ,, غير ريحة الكشنة اللي تفحفح وين ماراحت

لو تنقعها في خل ثلاثة ايام بلياليهن برضو ريحة الكشنة طالعة


وش فيهن اللبنانيات ,, على الأقل الوحدة فيهم لا عرقت تطلع ريحة فانيلا <= صارت كيك:D


خلاصة القول : إحمدوا ربكم إن الله رزقكم بشباب حلوين طعمين رومانسيين مثلنا .

يكفيك إن بشرتنا حنطية مشهبة لاعنة ام امها الشمس وهذا اللون بالذات مرغوب

في أروربا والدول النامية , يعني لو عندما عايش في ايطاليا إمديه عارض أزياء<=معليييييييش



وننتظر رد التماسيح الباقين على خزعبلات عسوووولة ويامواطن ماذرب مايهزك ريح :cool:

[عندما]

<<<هذا المستخدم دخل ماسحن طبلونة وعيونة قايلتن تسذا :eek:

الله الله يا أيس .... وش ذا الرد اللي يقطر ملح >>تسنه قاعة مكيف صحراوي :D

وشلون تبين الرجل يصير رومانسي ولون زوجته المفضل أخضر
أنت تشوف ..... ويقولون البنات ذوقهم عالي ورفيع .....

على العموم انا لي رجعة ..... بس ننتظر كم واحدن يجي يرد ...

<<<عسولة جمعي البنات وخليهم يفزعون معتس ...... ناوينكم نية قشراء :D

[Mr.SmRmDi]

هع
جاكم ابو السمرمد يكبس ويكبس وطرطب<===صدم
بزقاره جلابص

جلابص يالتيس رح دخان في السيب مو بالصاله ترى تمر ماما الجوهره وتشوووتك.



اقول عسيل<===كانها غسيل مع تايد للغسيل مافيش مستحيل.شامبو جرجنز للاطفال ومدري ايش ومدري ايش.


متزاينه رومانسيتكم يالبنات واللله الرومانسيه بوادي وانتم بهضبه.<===يشوف حسن كراني واجد.


انا بااقول قصه وحده وابشيل عفشي وشيشتي.

انتي ماقد سمعتي بالبنت اللي سالها خطيبها قال لها وين تحبين نقضي شهر العسل ياعمري قالت يمدحووون الفيصليه.

هذا احد دلائل الرومانسيه عندكم يالبني.

لي رجعه بس من دون شيشه.

[تشيز كيك]

صـــــــــــح لسااااااانك يالخنساء:rolleyes:


ايه هذي المواضيع اللي تبرد التسبد والفشه خخخخخخخخخخ


الله يرحم حالك ذولا ما يعرفون الرومنسيه ولا حتى شموها :D


فاكره اللي تقول لزوجها ..قولي كلمه حلوه

قام قال لها: حلاوه طحينيه ..قالت لا ابي كلمه تحسسني بالامان

قال : الحرس الوطني ..قالت ابي كلمه قويه تهزني ..قال : مرجيحه

خخخخخخخخخخخخخخخخخخخخخ



خليها على ربك < تقولها من قلب


واحد عمره ما مدح زوجته ولا قد قالها لبسك حلو ولا شي تقولين

ما يشوف < جعل عيونه البط < البط والا الوز خخخخخ

ويوم وداها السوق مرة وحده من قدام السياره قال شوفي بنطلونها

لونه حلوووووووو مره

اللحين شاف اللي مرت بعبايه ولا شاف اللي قدام خشته 24 ساعه:gty:



وبالنسبه لكلامك يا عندما ان الواحد يرجع من الدوام ووده يسمع كلمة حلوه

اي كلمة حلوه اذا الواحد داخل ماد براطمه يعنني من الكرف وهو اصلا طول

الوقت جالس بمكتب وبس حكي عن المذيعات والقنوات ولااااا البلى ماوده

يسمع اي شي عن عياله تقولون اولاد الجيران ,,ومتى مانخمد الظهر

صحي وطلع يسهر ولعب بلوت ,,والادهى والامر الاجازات ماتحلى الا

بالسفر الا مع الاصحاب

وزوجته لها اهلها تسير عندهم هي وعيالها لين يرجع حضرته وسكتهم

بربوع بلادي وياويلاها لو شكت او حكت

< تحسونها بتصيح



برب ولي عوده لاكمال الببقيه الباقيه:bv:


تشيزكووو

[عبدالله القرني]

دعاء الزجات

*****************

اللهم ابعد رجالنا عن النذاله
وغض ابصارهم عن البرتقاله
ومن شر باقي اغاني الفواكه في البقاله
وخلي نانسي وروبي بعيونهم حثاله
وان نكون اجمل نساء الارض في عيونهم
ولو كانا في اردي حاله

******

دعوا كثير يا بنات حتي ازواجكم يرضوا عنكم

[**جلابص**]

انا بصراحه معك ولاني معك <<اخلص الباص بيمشي بتركب والا نروح ههههههههههه

لا بس الي اشوفه في نفسي اني بصراحه بصراحه من جنب الرومنسيه يعني اذكر قبل اسبوعين كان الجو غيم وجلست افكر في نفسي واتخيل واقول يا ربي ما نقصني الا بنت الحلال والونيت وجالسين نتمشى انا وياها في الربع الخالي هههههههههههههههههههههه بالله هذي رومنسيه ههههههههه عقبها دريت اني من جنب ام الرومنسيه

وماني معك لأنه زي ما تفضلوا الأخوان عندما وآيس كيوب وزيادة على ما ذكروا احب اقول قصة الرجال الي تزوج سعوديه وسوريه ومصريه دخل الصبح على المصريه لقاها في المطبخ وش تسوين قالت أعملك الفطار يا سي سيد خمس دئايئ وهو قاهز دخل على السوريه لقاها تتزين قدام المرايه قالها وش تسوين قالت بزبط عمري لألك يا روح روحي دخل على السعوديه لقاها قايمه من الفراش وشوشتها طايره وتتثاوب وريحة اثمها خياس قالها وش مصحيك قالت حسرانه وبرجع انام ههههههههههههههههههه

آي رومنسيه يا بنت الحلال وذيك الي تقول لخويها احبك موووووووت يا خبل !!! ههههههههههههه وين عايشه ذي!!!

على العموم الموضوع طويل ومتشعب واتوقع لو ننهيه بالتعادل على قولتك اصرف

ونسيت اقولك صح لسانك وسلمي لي على عبودي ههههههههههههه

[سرفيس]

دخل على السعوديه لقاها قايمه من الفراش وشوشتها طايره وتتثاوب وريحة اثمها خياس قالها وش مصحيك قالت حسرانه وبرجع انام ههههههههههههههههههه
8
8
8
8
8
8
هههههههههههههههههههههههههههههههههههههههههههههههههه هههههههههههههه ههههههههه



هههههههههههههههههههههههههههههههههههههههههههههههههه هههههههههههههه




كنت اقرى وانا اعصاابي محرووقه الين شفت الجمله هااذي خلااص انا هنا تشققت



خير الكلام ماقل ودل




اي رومنسيه واي هبااب

واي جفاسه ودفااشه وأي بطيخ



كيف تبون الشااب يطلع رومنسي وهو عاايش مع غوريلا تحت سقف وااحد



عجب عجاااااااب






سرفيس

[نـــدى]

هههههههههههههههههههههااااي

<<واااي انتي

عسوله صدقتي صدقتي صدقتي

وكمان مو عاجبهم شي

تشكر11111تي عسوووله على الطرح

يعطيك الف عافيه

[سكـــــــــر]

:bsm: السلام عليكم ورحمة الله وبركاته صح ان الموضوع حار وقوي بس توني مسجل بالمنتدى والميانه ماش لاكن على ماقال خويي راشد الماجد :s5t: مردوده مردود واللله ما اخليها صبرك علي صبرك وافاجئك فيها

[عسل]

يا حليلكم والله مصدقين انفسكم يا معشر الرجاجيل

الحين كلكم ملح وذرابه والواحد منك ينحط على الجرح يلتهب اعوذ بالله

اقوول لا يكثر ..شكلكم بتخلوني اطلع الفضايح الباقيه

وانا اللي كنت باستر عليكم يا اللي الرومنسيه تقوطر مع شوشتكم


اها مناااااااك يا مال الثالول خخخخخخخخخخ




بنوتات طعمات حبوبات نعومات ذربات رومنسيات

ما عليكم من هالجلوف ولا يخوفونكم بهالكلمتين اللي حافظينها


يالله شدوا حيلكم ووروني القصص والفضايح حقتهم:D


برايفت سكر

ايه تعذر بانك جديد < الا تتنبشه خخخخخخ

بعدين شكلك مغلط في خويك تراه راشد الفارس مو الماجد هع




عسوووووووووووووله