النقد في موقع الجوهرة ارجوا المشاركة من الجميع ؟

[ناااايف]

بسم الله الرحمن الرحيم

السلام عليكم ورحمة الله وبركاته

لا شك بأن النقد البناء من أهم وسائل الرقي للموقع والمنتدى الى قمة التطور والازدها.

ونحن في موقع الجوهرة نرحب بالنقد الهادف البناء

ونشد على يد كل مخلص يملك أدوات النقد واداب الحوار

ولديه ما يقدمه في خدمة تطوير الموقع لإخوانه الجواهر والزوار

انتم ترون المنتدى كل يوم يكثر عدد اعضاءه وزواره وهذا شي يبشر بالخير ان شاءالله

وقد تم تقفيل المنتدى قبل يومين باند ويث لان المنتدى استهلك حده فالترافيك

من كثرة المشاركات والدعاايات للموقع وعدد الزوار وايضاً هذا يبشر بخير

و كلمنا الشركة المستضيفه وماقصروا رفعوا الترفيك

واليوم ان شاءالله سوف يتم رفع مساحة الموقع كامل الى مساحة تليق بالموقع

بعد الاتفاق مع افضل شركة استضافه على مستوى المملكة

وكل هذا لا جلكم والله ولأجل ابداعاتكم معنا

ومن اراد لموقعه التطوير لايجلس مكبل اليدين ويفعل مايعجبه فقط

نحن في موقع الجوهرة همنا الاول هو رضاء جميع الاعضاء والزوار على موقعنا

وان يرونه في احسن حااال ويد بيد صدقوني راح يكون المنتدى من افضل المنتديات

فمن لديه نقد هادف لتطوير الموقع او المنتدى فل يتفضل بآراءه واقتراحاته

فنحن نرحب بالجميع

تمنياتي للجميع بالتوفيق


نااااااااايف

[*المنتهي*]

وعليكم السلام ورحمة الله وبركاته

بالتوفيق إن شاء الله يا صديق الكل ومن تقدم إلى تقدم
لهذا المنتدى المعطاء ويكفي إنه يجمع بين أعضاء
مميزين قادرين على الإرتقاء به إلى أعلى المستويات
وإلى الأمام يا شلة الفرفشة والأنس http://www.algohrh.com/vb/images/smilies/biggrin.gif

اخوكم
*المنتهي*
باشا غصبن على الدباشا

تشااااو تشااااو

[ناااايف]

هلا فيك المنتهي

الله يوفق الجميع أن شاءالله يارفيق الكل

والحمد لله الاعضاء المتواجدون بالمنتدى

فيهم الخير والبركه كلهم .

وراح نسوي الي نقدر عليه لأجلهم

شكرا لك .


ناااايف

[عندما]

هلا أخوي ناايف ..... عندي كم ملاحظه يمكن تحتاجون الى معرفتها .... من الملاحظ كثرة الزوار والمشتركين في هذا المنتدى بصورة ملفته للنظر ........... وهذي مهمة كبيرة على عاتقكم بحيث يتم تشجيع الناس على البقاء ..... فليس مجرد التسجيل مهم ..... بل الإعجاب والبقاء هو الأهم .... والبقاء لا يكون الا من بعد إهتمام القائمين على هذا المنتدى بمتابعة مواضيع ومشاركة العضو بكل موضوعية ومصداقية .... ومحاولة تسخير جميع الإمكانيات الموجودة لخدمة هذا الشيء وهذي بعض النقاط اللي أشوف أنها تنفع ولكم حرية العمل بها من دونه :

1- تثبيت المواضيع المميزة في كل قسم من أقسام هذا المنتدى .... مما يحسس العضو بأنه قدم شيء مهم وجيد ولا يذهب هباء منثور..... ومن الملاحظ في هذا المنتدى كثرة تثبيت مواضيع المشرفين فقط .... وإنحصارها على التعليمات وبعض المداخلات اليومية .....

2- عدم وجود أقسام للمواضيع المميزة في كل قسم .... أو على الأقل في المنتدى بكاملة .... ولا يغيب على الجميع مدى فائده هذة الأقسام من الناحية المعنوية ...... فهي أولا وأخرا لا تتطلب شيء وعلى قولتهم إن مانفعت ماظرت ابد ..... فأرجو منكم الإهتمام بهذه النقطة ...

3- عدد المشرفين حاليا يعتبر قليل لحجم هذا المنتدى وكثرة أقسامة ...... فياليت يتم إيجاد مشرفين ليتم الإهتمام بمواضيع الأعضاء .... وحقيقة العدد الحالي من المدراء والمشرفين ليس بإستطاعتهم التجول والرد في جميع الأقسام ..

4- المنتدى في طريقة تحميلة بطيئة نوعا ما مقارنه مع مواقع أخرى ....مع العلم أن تصفحي يصل لسرعة عالية جدا وملاحظ الشيء هذا ..... فمابالك بالأخوان الأخرين .....

5- هذه الملاحظه ليست بتلك الأهمية عند البعض ولكنها مفيدة جدا عند الآخرين ومنهم أنا ....الا وهي الوجوه التعبيرية في الردود والمشاركات ....فمن الملاحظ أنها غير مرتبة وأحجامها غريبة نوعا ما وليست شاملة ....ومنها ماهو مكرر ومنها لا يعمل أيضا .... وزيادتها وتنوعها أمر مطلوب وجميل ويساعد العضو في تنسيق مشاركاته... على العكس تماما من مربع نص الموضوع ...فهو ماشاءالله متكامل من جميع الجهات ومتميز وتندر في كثير من المنتديات أن نجد مثله .....فلماذا الشذوذ من ناحية الإبتسامات والوجوه التعبيرية ...من الأولى أن تكون مثل مربع النص إن لم تكن أفضل <<<<ياهو يحب يستخدم الوجية اللي مثل ذا >:D

6-ياليت لو تضيفون خاصية الوجوه بجانب الأسم ....بحيث يستطيع العضو وضعها من جهازة أو من موقع في النت .... صحيح أنها موجوده حاليا ولكن فقط من قبل المنتدى ومحدده بالصور الموضوعه مسبقا والناس أذواقها تختلف وإذا كان عدد الأعضاء كثير بيكثر تكرر الوجية بالعربي بتصير الدعوى قطة كل واحد معه وجه الثاني :D ....والشغله مهيب صعبة ولا تأثر أو تكلف .. كلها كم هاك وينتهي الموضوع .... وفيه هاكات كثيرة وحلوه تساعد في ترتيب المنتدى وتكثير الخصائص وفيه هاكات مالها داعي :D خاصة بالمدراء ما يدري عنها بعض الأعضاء ;) ..... ياويلكم لو أستخدمتوها ترى بأعلم :D <<<يسموني الكفيش يومني صغير
عاد أمزح عليكم يا أعضاء مافية شيء تسايد كلها في مصلحة المنتدى

7- الإنتباه لتكرر المواضيع من حيث الطابع والموضوعية وياليت يكون فيه قسم للمواضيع المكررة والمحذوفة ليتسنى للعضو مشاهدة موضوعه وسبب حذفة يكون بواسطة رد من الشخص اللي حاذف ..... وعلى فكرة أنا قد أنحذف علي رد ولا أدري من حذفه ولا جاني شيء بهالخصوص ...... لم تؤثر هذه الحركة معي نظرا لأنها ما حصلت الا مره واحده .... أو يمكن أني مستعجل وما تأكددت أني ضغطت على زر الإعتماد ((ترى هذا حسن ظن والاالظاهر إن فيه أحد ناتفها الله يصلحه ويخلية لأهله :D )) وقد تؤثر عند بعض الأعضاء فالناس مهيب سوا فأرجو الحرص الله يخليكم <<<يعني بتعلمهم أنك سمح وماتقول شيء ... الا انت من أنجس ماخلق ربي في مثل هالأمور والا وشوله مطريها :D

وختاما <<<أحس أني طولت وبرد غداي ...... أرجو على الأقل النظر في بعض هذه الملاحظات .....مع العلم أن المنتدى بشكل عام جميل ومن الواضح إهتمامكم فيه ...<<والا تسان ماقبلت عندكم ولا جلست الا الحين
ولكن قد يحصل غفله في بعض الأمور ونحن مقدرين ومتفهمين لذا حبينا نشارككم بعض مشاعرنا ولو أنكم ما طريتو شيء يا نايف والا تسان ما حتسيت وقلت شيء <<<واضح يا خراب السفينة

والله يوفكقم ويرعاكم ولا تنسون ترى مواضيعنا في أعناقكم ومسؤلون عنها أمامنا وفي غيابنا .......
لا أجي يوم وألقا موضوع لي والا رد مطقوق والا يشتكي من فلان وفلتان ...<<< ترى بعض من السماجه لتلطيف الرد موصن عليها من الدختور وما تضر :D :D

[ناااايف]

هلا وغلا فيك عندما تغرد البعارين

هذا الكلام الي يشرح الصدر ويدل على ان فيه ناس مهتمين بالمنتدى

من الملاحظ كثرة الزوار والمشتركين في هذا المنتدى بصورة ملفته للنظر .
وهذي مهمة كبيرة على عاتقكم بحيث يتم تشجيع الناس على البقاء

الحمد لله هذا الشي يدل على ان الموقع استطاع في وقت قصير جلب الكثير من الزوار والاعضاء

لس ماكملنا 3 شهور من افتتاح الموقع والله ياعندما قاعدين نسوي كل شي عشانهم

حتى سوينا دعوه للاخوه الزوار بالمشاركة معنا وتبادل الاراء والافكار معهم

ويكونون اخوة لنا بالمنتدى

وبالنسبه للردود بالمنتدى الحمد لله مثل ماتشوف ماينزل موضوع الا تلقى الردود منهاله عليه

وهذا شي طيب من الجميع .


تثبيت المواضيع المميزة في كل قسم من أقسام هذا المنتدى .... مما يحسس العضو بأنه قدم شيء مهم وجيد ولا يذهب هباء منثور..... ومن الملاحظ في هذا المنتدى كثرة تثبيت مواضيع المشرفين فقط .... وإنحصارها على التعليمات وبعض المداخلات اليومية .....

كلامك في محله بس مثلك عارف عدد المشرفين عندنا قليل جداً

وان شاءالله الايام القادمه راح يتم تعيين مشرف على كل قسم

ويصير مسؤل عنه وعن تثبيت المواضيع المهمه فيه


عدم وجود أقسام للمواضيع المميزة في كل قسم .... أو على الأقل في المنتدى بكاملة

ان شاءالله قريب راح نفتتح منتدى للمواضيع المميزه لاجل عيونك;d5:

عدد المشرفين حاليا يعتبر قليل لحجم هذا المنتدى وكثرة أقسامة ...... فياليت يتم إيجاد مشرفين ليتم الإهتمام بمواضيع الأعضاء .... وحقيقة العدد الحالي من المدراء والمشرفين ليس بإستطاعتهم التجول والرد في جميع الأقسام ..

ولا يهمك عندما حنا الحين حاطين عيونا على كم واحد بالمنتدى << بنخطبهم هههههههههههه

راح يتم ترشيحهم للاشراف بأذن الله

المنتدى في طريقة تحميلة بطيئة نوعا ما مقارنه مع مواقع أخرى ....مع العلم أن تصفحي يصل لسرعة عالية جدا وملاحظ الشيء هذا ..... فمابالك بالأخوان الأخرين .....


والله ياعندما عندي انا ماشاءالله عليه سريع

بس فيه ناس يشتكون من البطء بالمنتدى

وتم الاتفاق مع الشركة المستضيفه ورفعنا مساحة الموقع

وان شاءالله ماعاد يصير بطي عندك يارب



وبالنسبه للوجوه التعبيريه والله مثل ماتشوف

نحاول نجيب اشياء جديده للابتسامات ومركبين بالمنتدى كثير وجوه تعبيرريه

واذا تبي نغيرها ابشر نغيرها اعرف وش تبي مثل هذا :OIU: صح

مالها داعي خاصة بالمدراء ما يدري عنها بعض الأعضاء

هههههههههههههههههههههههههههههههههههههههههههههههه

وش تقصد بالهاك الي ماله داعي هاااه :5tg:

لا ان شاءالله الهاك هذا مانستخدمه ابد بالمنتدى مهما صار



الإنتباه لتكرر المواضيع من حيث الطابع والموضوعية وياليت يكون فيه قسم للمواضيع المكررة والمحذوفة

موجود قسم بالملتقى الاداري للمحذوفات والمواضيع المكرره

بحيث ان المشرف الذي يحذف موضوع مكرر

او موضوع فيه اشياء تخل بالمنتدى يتم مناقشة الموضوع معه لماذا حذف الموضوع

ويتم ارسال رساله خاصه او بريديه للعضو من قبل الاداره او المشرف.

وان شاءالله كل اقتراحاتك سيتم تلبيتها باذن الله

بس اصبروا علينا شوي

اكل العنب حبه حبه .

والله يوفقك الجميع لما فيه الخير

[عسل]

مراااااااااحب انا جيت:D


ما شفت اي تواجد للبنوتات بالموضوع المهم هذا

قلت خليني اجيب سطلي وسطول البنات وادلدلها كلها معكم خخخخخخخ

المهم بما اني قاطه في الموقع سبعه ريال ونص :lsi:

فيحق لي احط ضوابط وحركتات زي الاداره < ماعندها الا الدجه

بالنسبه للابتسامات خلوها علي ابحط لكم اشكال حلوه وجديده

ومميزه ولا بعد نزلت السوق ..ها وش قلتم ؟؟

شي ثاني الصور الرمزيه اللي بجنب اسماء الاعضاء اللي اعرفه

انها متاحه للكل بس حجمها صغير 50 *50

ثالثا وهو مهم بالنسبه للي مرشحين للاشراف لا يقعدون يتعذرون

ويسون فيها ما عندنا وقت .. لانه مو ضروري تخشون كل يوم وتردون

على كل المواضيع ..المهم تشيكون عليها وبقت الفضاوه والمزاج ردوا


<<خذوها قدوه لها اربع ايام ماطبت المنتدى وقسمها صاير سبيل

كل من جا فزع ورد فيه خخخخخخخخخخخخخ


بس ماعاد عندي حتسي بس زي ماقلت ابمثل العنصر النسائي

وقبل لا انسى هالايام الكل معذور بسبب الاختبارات لا تنسون.





عسوووووووووله

[ناااايف]

اما جيتي عسوووله قولي قسسسسسسسم:D

الله يعينا على طلباتك

المهم بما اني قاطه في الموقع سبعه ريال ونص

^^
^^

طيب اول شي هاتي القطة حقت زيادة مساحة الموقع

ترى باقي مارسلتيها علي:thum:

بالنسبه للابتسامات خلوها علي ابحط لكم اشكال حلوه وجديده

ومميزه ولا بعد نزلت السوق ..ها وش قلتم ؟؟

تم تم اذا بتصير طازه ولاحد يعرفها نزليها وخلينا كل ماكتبنا رد

نعبيه ابتسامات

شي ثاني الصور الرمزيه اللي بجنب اسماء الاعضاء اللي اعرفه

انها متاحه للكل بس حجمها صغير 50 *50

الحمد لله الصور الرمزيه فيه صور وراح نزود بعد ان شاءالله صور تعجبكم

وأعتقد محد يحتاج صوره اكبر من 50×50 تراها صوره مو توقيع :8u:


ثالثا وهو مهم بالنسبه للي مرشحين للاشراف لا يقعدون يتعذرون

ويسون فيها ما عندنا وقت .

هذا الشي انتهينا منه وتم ترشيح مشرفين بس ننتظر الوقت المناسب

عشان نعلن اسمائهم .

مايدخل الواحد الا قدام اسمه مشرف ولاحد يقول انا مابي اشراف

يعطيك العافيه عسوووله مثلتي العنصر النسائي احسن تمثيل

والله يوفق الجميع باختباراتهم

ونشوفهم بعد الاختبارات متواجدين



ناااااايف

[سرفيس]

السلااااام علاااااكم


هلااا ناااااااايف


هلا بنور المنتدى كله <<<< يتمصلح



اخووووووووي ناااايف الموضوووع هاذا المفرووض من زمااان ناازل




الحقيقه الشباااب اللي فوووق ماقصروا جابوا اشيااء حتى ماطرت على الباااال




بس انا عندي اقترااح واحد بس


الا وهو لون الخط والخلفيه حق المنتدى الالوان متقاربه وهاذا ياطويل العمر يتعب العين في القراءه بالذات المواضيع الطويله



انا ما أدري يمكن بس انا اللي اتعب منها ويمكن فيه غيري نفس الحكاايه


<<<<<<<< الشيااااب مشكله






اخوووي نايف الشكر كل الشكر لك انت ومشرفيننا لحرصكم على نجااح المووقع



الله يوفقكم وترى ماافيه شي يجي بالسااهل لازم تتعب فيه







اخوووووووووووك سرفيس