برنامجين جربوها يمكن تعجبكم الأول للمحترفين والثاني للكل

[عندما]

سلام عليكم ......

البرنامج الأول عبارة عن برنامج تستطيع من خلاله تقسيم الشاشة لديك الى أربعة أقسام ............ يمكن البعض منكم مايحتاجه ...... ولكنه مفيد جدا في بعض الحالات التي تستدعي التصميم وشرح البرامج وغيرها الكثير على حسب عمل الشخص على الجهاز ..........

رابط البرنامج (http://www.ezy2use.com/4Screens.exe)

والباسوورد وكود التفعيل في المرفقات ...<<خلكم يازوار المنتدى سجل وحملوه :D


وهذا برنامج فله ...... الصراحه واحد من أخوياي أزعجني وضيق صدري بهالبرنامج لين طعته .... وطلع في النهاية مهوب بطال...

وهو عباره عن سمكه موبي <<يمكن سمعتو بها قبل ..... هذي سمكه تطلع عندك في حوض سمك وتقعد تأكلها وتلاعبها ....... بس يبيلها إهتمام جدا ..... لو تخليها تسذا على طول تموت <<<من ثالث يوم ماتت ...فاضين حنا تربية أسماك ماربيت نفسي فأربي سمكة :D

ومع كل إهتمام تطلع لك خصائص جديدة على حسب كلام خويي وأهم شيء الأكل والنقر بالفأره عليها <<<هذي علشان تلاعبها
وهذا هو رابط الموقع ويمكنكم تنزيلها مباشره من هناك وهي مجانية ....لكن بحوس على الكراك وأجيبة لكم

فاضي وتبي تربي سمك أنقر (http://www.mopyfish.net/mopysite/index.html)


:d34: نلتقي مجددا عندماتغردالبعارين :199:

[الجوهرة]

هلااا بك عندما


وهلا بمشاركاتك الحلوه ..


برنامجين روووووعه


الاولى احتاجه بقووه تسلم يدك عليه


والثاني سمعت فيه وخلاص نزلت موبي وهذي هي

قاعده تلعب رايحه جايه بجهازي ههههههه

وشكلها بتموت مني مو من قل الاكل الا من كثره

كل شوي احشيها هههههههههه


الله يعطيك الف عافيه .. ولا خلى ولا عدم



الجوهرة

[قلم بنص ريال]

جارى تحميل السمكه <<<<<< ناوي شر



اما الاول خله لأهله * المحترفين * انا يبيلي تقدر تقول اربع سنوات واستفيد منه



يسلمووو يا عندما على طرحك وبرامجك




قلم بنص ريال

[عندما]

الجوهرة: أنا ما أقول الى الله يعين بزرانتس عليتس ....... بشويش على السمكة تراها في ذمتي :D .......وإن شالله تستفيدين من البرنامج الأو ل ..... لأني خابر أنك مصممة من العيار الثقيل ;) .... وشكر لمرورك

ابو نص : ياخي وراك ناشبلي في ذا القسم :D ... يا حبني لك بس ...... وأنتبةللسمكه دلعها وضبطها..... ولا تراها تقلب قرش ....وبتلعب بجهازك :D
والف شكر على الزيارة

[الغـــلا]

يا قلبي يا مووبي تجنن

نزلتها وغديتها وغطيتها والحين نايمه هشششش < الله من النصب


الا ما قلت لنا يا عندما مافيه الوان ثانيه

غير هالبرتقاليه:D

بعدين مادري انا نزلتها بطريقه صحيحه والا بس كذا

لانها تصير عندي شاشة توقف لما ما احرك الماوس !


الف شكر لك على هالبرامج انا استفدت من الثاني بس

الاول خليته لاهله :: كيف الحال جوجو ::



الغـــــلا

[عـاشـق الـريـم]

الف شكر يا الغالي
بصراحه البرنامج احتاجه من جد
لاني اذا جيت اصمم جعلك ما تشوف حالتي
بس بعد هذا البرنامج احس اني بضبط وضعي
والبرنامج الثاني
ما يصلح لي لاني ماني مربي الشمكة الا ابذبحها
هههههههههههههههههههه
عموما
الف شكر يا الغالي
تحياتي لك

[عندما]

الغلا: هلابك .... فيه ألوان ثانية بس لازم تغدينها وتعشينها وتهتمين بها ....وطبعا البرنامج حاليا مجاني بس بحاول أدور الرقم السري له وأجيبة ...... وبعدين طريقة عملة تقدرين تخلينة شاشة توقف والا تلعبين معها ....وأنا ماجربته كثير .....بس أذكر اني دغدغتها كثير واكلتها شوي ....

عاشق الريم: تستاهل برامج النت كلها مهوب بس الأول ..... وإن شالله تتم الإستفاده منه ..... وحياك أخوي أي وقت وشاكر لك ردك ومرورك