المساعد الشخصي الرقمي

مشاهدة النسخة كاملة : سؤال : بأي وجه داخل المنتدى ؟

قلم بنص ريال
20 Dec 2004, 10:15 AM
السلام عليكم


هلا بالجميع .... وصباح الخير للكل


اول شي اللى مو فاطر ونفسه في راس خشمه لا يكمل الموضوع يروح

ويجي في الليل ياخذ راحته ..

^
^
^

ناوي تكمل يعني ؟!! حياك اقلط





بصراحه هذا موضوع يمكن مر عليكم من قبل بس اليوم ابي اشوف

انتو بأي وجه داخلين فيه المنتدي يعني هل لك اكثر من وجه وشخصيه

او هيه نفسها وانك تتعامل مع اللى في المنتدى بنفس شخصيتك

خارج المنتدى لأن بصراحه نشوف في المنتديات كثير من الشخصيات

المثاليه .. او اقدر اقول تسعين في الميه مثاليين وعشره في الميه يتعاملو

بوجه واحد هنا وفي كل مكان ..


وخلوني اقول لكم عن امثله مرت عليكم اكيد او على بعضكم


واحد يدخل على موضوع ( بر الوالدين ) ويكتب كلام ادبي وفيه ايات قرانيه

واحديث نبويه ... ولو جيت للواقع تلقا انه متعب اهله ولا يدري عن امه ولا

يسمع كلام ابوه وما غير واجع روسهم .. متجاهل رده ( المثالي ) .



وواحد ثاني يكتب او يرد على موضوع ( الغزل ) واللى يقرا كلامه يقول هذا

من باب البيت للمسجد للدوام للبيت وماشي جنب ( الحيطه ) وتجي للواقع

تلقاه ما خلا بنت في النت الا وغازلها والبنت اللى ما تعطيه وجه ينشر اسمها

ويسوى لها فضايح واذا سمع من واحد ان فيه وحده في منتدي(سيرلانكي )

يروح يسجل فيه عشان يرسل لها على الخاصه ..



وواحد ثالث يدخل قسم ( حواء ) ويرد على موضوع عن الاطفال وتربية

الاطفال ويجلس يكتب ( نسخ ولصق ) وهو عمره ما تعدى 17 سنه .ولو

تسأله في الماسنجر عن الكلام اللى كتبه يقول (عشان ازيد مشاركاتي )


وواحد رابع يسوى موضوع فيه الف نصيحه ونصيحه ( زي الف ليله وليله )

وهو والله لو اسأله عنه يقول بالله انا كتبت كذا ؟؟ يعني ناقل اسفار

ينقل ما يعرف وش نقل ...


نجي للواحدات ( البنات )


وحده تدخل على موضوع عن فتن هالزمان والبلاوى اللى صايره ... تجلس

تستغفر وتنصح وهي انواع الفتن على الماسنجر ...


وحده تسوى موضوع طول بعرض وتحط فيه فتوى عن النمص او قص الشعر

وهي عندها موعد مع ( الصالون) تبي تسوى اخر قصه ....!!!!


وفيه نوع او صنف من البنات غريب عجيب زي عبدالله بالخير .. اكبر واطول

واعرض موضوع تشجب وتستنكر فيه البرامج السخيفه طبعاً اللى على

الابواب ( الاكاديميه ) والا الاغاني الهابطه ( على قفا من يشيل ) ولا

وصلو للتصويت خذ بنت اول وحتى اخر ( هلله ) وهي تصوت ...

والشجب والاستنكار يتحول لدعايه عن النجم المفضل !!!!!!!!

اقصد خارج الانترنت


والامثله كثيره في مثل هالناس



ليه ما ندخل ونتعامل مع الناس بطبيعتنا ؟؟

ليه لازم نكذب عشان نعطي صوره مغايره للحقيقه عن انفسنا ؟؟




الان ابيكم تقولو هل شخصيتك المثاليه اللى هنا هيه نفسها شخصيتك

في حياتك خارج نطاق النت او هنا تتميلح لزوم الرزه !!


هل تعتبر نفسك شخص مثالي هنا وخارج المنتدى ؟؟


خلونا نتكلم بصراحه ...

انا تعرفت على واحد من فترة عن طريق الانترنت ومن كلامه والنصائح اللى

يقولها قلت هذا ابو عيال .. وحصل وتقابلنا تصدقو جلسنا اربع ساعات كلامه

كله عن البنات في الانترنت وهذيك وهذي !!!!!!!!!!!!!! واللى زادها طين

انه طلع صغير يمكن اعده من عيالي ( كبيره شوي عدوها )


ومن يومها اكبر حظر على هالشخص وامثاله ....!!


وما اقول ما فيه العكس بس ما اصدق ان كل اللى اشوفهم على الانترنت

مثاليين يعني اذا في الواقع وناااااااااااااااااااااااااااادر ما نشوفهم

معقول كلهم قلبو على الانترنت ؟؟؟؟


المهم الصفحه امامكم نبي نتكلم بصراحه .... يعني جاوب وخذ راحتك

بس بدون تصنع لو سمحت


تفضل المايك الك


قلم بنص ريال
*المنتهي*
20 Dec 2004, 10:27 AM
وعليكم السلام ورحمة الله وبركاته

أما بعد

في البداية إسمح لي أشيد بهذا الطرح وبأسلوبك
الجميل الذي زاد على قيمة الموضوع وجعله
سلس وجميل ومفيد بإذن الله تعالى

بالفعل كلامك صحيح وأنا معك في كل ما قلت
والحمد لله إنك ما إستخدمت خاصية التعميم التي
يخطئ بها الكثير

الإستقامة صعبة ولكن ها نحن نحاول أن نكون
مستقيمين بقدر الإمكان وأبو وجهين لاهو منا
ولا فينا ولكن...

يجب علينا أن لا نسئ الظن!!! يعني لا أحد
يجي يحكم على الثاني وهو ما يعرفه ويقول
هذا يتصنـّع ومن هالكلام وهو لايعرف هذا
الشخص ولا قد جلس معاه وقد تكون المعلومات
البسيطة أو الفكرة التي أخذها عن هذا الشخص
لاتكفي لإصدار حكم نهائي عليه!

النفاق والكذب والغش هذي كلها ما هي أخلاق
مسلمين ونعوذ بالله من أن نكون منهم أو أن
يكون فينا من يحمل ولو الشئ اليسير من هذه
الصفاة، فمن غشنا ليس منا

وإذا ما أحد عرف إنك ابو وجهين تذكر أن
الله يرى كل شي وأنت محاسب على كل
ما تفعله وكلامي هذا ينطبق على الجنسين

وفي الختام أشكرك على إتاحة الفرصة لنا
وأسأل الله أن يجعله في موازين أعمالك

*المنتهي*
قلم بنص ريال
20 Dec 2004, 11:05 AM
يجب علينا أن لا نسئ الظن!!! يعني لا أحد
يجي يحكم على الثاني وهو ما يعرفه ويقول
هذا يتصنـّع ومن هالكلام وهو لايعرف هذا
الشخص ولا قد جلس معاه وقد تكون المعلومات
البسيطة أو الفكرة التي أخذها عن هذا الشخص
لاتكفي لإصدار حكم نهائي عليه!


يابااااااااشااااااااااا


وش جاب الظن الحين ؟؟ يعني لا قلت فلان ترا فيه ولا علان بيسوي


انا اتكلم بوجه عام يعني لو اسألك الان واقول لك هل صادفت خلال

الفترة اللى استخدمت فيها الانترنت شخص بوجهين يعني تلقاه في

المنتديات بشخصيه مثاليه شخصيه جماليه وفي الوقع وعند ربعه

مقطع السمكه وذيلها !!!!!!!!!!!! يعني كلامه للأستهلاك الوقتي لا اقل ولا

اكثر ...

اذا كان نعم يعني يوجد من هالنوعيه

واذا كان لا اجل الحمدلله انك ما صادفتهم


والكذب والنفاق اليومين هذي صارت زي ( العلكه ) نسأل الله السلامه



اسعدني مرورك وردك وتعقيبك


قلم بنص ريال
*المنتهي*
20 Dec 2004, 11:28 AM
يا عزيزي ابونص

لنفرض أنني صادفت واحد مثل ما قلت
وطلعت في الأخير أنا غلطان

مايكون هذا إسمه "إساءة الظن"؟

يمكن أكون واجهت مثل هالأشكال وأعترف
إني إنخدعت بناس كثير لكن الحمد لله خلصني
الله منهم وإنتبهت للشي هذا قبل فوات الأوان
وفي حالات تمر وتروح زي السلام عليكم
ولا درينا عنها ولا تأثرنا فيها لأن ربك كريم
وستر عليهم وراحت الدنيا

إساءة الظن مرتبطة بموضوعك يا غالي
على الأقل من وجهة نظري بعد أن إجتهدت
ورديت بما يمليه علي ضميري
وهذا اللي جاك عاد http://www.algohrh.com/vb/images/smilies/biggrin.gif

عسى ما أزعجتك بمشاركتي بس
آيس كيوب
20 Dec 2004, 12:44 PM
وعليكم السلام ورحمة الله وبركاته

هلافيك ابونص ,, يسعد صباحك


لكل إنسان طبيعته ولكل شخص هدف من تصرفاته

أحيانا نتكلم بمثالية ويغلب علينا طابع النصح والإرشاد

ليس من أجل أن أعطي الآخر إنطباعا جيدا عني ,, أبدا

ولكني أطمح للوصول للمثالية ,, والكمال لله وحده ,


مثلا أنا إنسان مدخن ,, اذا نزلت موضوع عن التدخين وعن مضار التدخين

هل أكون أبووجهين مثلا ؟؟


لكل شخص عيوبه , وبعض العيوب لايصح ذكرها هنا

فاذا لم أفصح عن هذا العيب ؟ هل أصبح منافقا ,, او ابووجهين ؟؟

أكيد لا ...

وكل واحد له هدف من دخوله النت ,, ولكي يصل إلى هدفه تجده يتبع شتى الطرق للوصول إليه

ومثل ماتفضلت ياغالي سالفة خويك اللي تعرفت عليه في النت وفي الأخير طلع من جنبها

وانا بعد مرت علي ,, كان لي صديق وكنت أعزه كثييييير ,, كناأصحاب برا النت ,, وبعدين شاركنا في منتديات مع بعض

طلع شئ منه الله لايوريك ,, يتميلح ومسوي مثقف وعلى قولتهم يتشدق بكلام والله ماهو داري عنه ,, وبكل صراحة صورته إهتزت عندي

موعيب إنك تكون على سجيتك اوتطمح للرقي بأسلوبك ,, لكن العيب إنك تتصنع هذا كله ولسبب تافه !!




يعطيك العافية أبونص على طرحك المتميز

لك جل الإحترام والتقدير
سرفيس
20 Dec 2004, 03:13 PM
هلا ابو نص كلاااااااام كبير والله


نجي لصلب المووضوع والوجيه انا يابو نص ماراح اعلق على مووضوعك زي الاخوان اللي فوق انا ابي اجاوب دوغري



انا وجهي هو هو ماتغير واذا تبوون صورتي الحين وقبل عشر سنين مواافق


<<<<<< فاهم الموضوع غلط




لا صدق التصنع ما أحبه وأموووت باللي يجينا بطبيعته



اما اللي يتميلحوون يبوون من ورى هالتميلح شي صدقني مهما وصلوا بينكشفوون




يسلموووووووووووووووو سرفيس على المووضوع الجميل




اخووووووووووك سرفيس
ناااايف
20 Dec 2004, 03:32 PM
وعليكم السلام ورحمة الله وبركاته

يعطيك العافيه على طرح الموضوع

كعادتك دائماً مبدع يابو نص وابدعت اكثر باختيار الموضوع

كنت نااوي ارد عليك بدري بس تعرف توني افطر ( صار غداء موب فطور ):xs:

من وجة نظري اعتقد ان فيه حتى ابو عشره وجيه الله يكفينا شره

واكيد كلنا نحب ونطمح في إجادة فن الأتصال والتواصل مع الآخرين

بشخصيتنا الحقيقيه خارج النت وداخله

والشخص ابو وجهين مثل دفتر وجه و وجه حق العلوم :wd4:

وجه يرسم فيه افكاره ونواياه الشينه والوجه الثاني يستخدمه للتمويه بالمنتدى

اكيد بيجيله يوم وينكشف ويتحسف على كل الي سواه اذا في وجهه حياء اصلاً

مثل ماصار مع خويك الي تقوله . وصار معي انا بعد .

ويمكن انهم الحين يقولون انا بعشره وجيه للتبرير عن انفسهم

وياكثرهم في هالزمن

يازين الانسان اذا كانت نيتة سليمه وعلى الفطره

راح يكون محبوب من الجميع .

أتمنى مانشوف ابو وجهين عندنا واعتقد الحمد لله مافيه بمنتدى الجوهرة احد

والايام ستكشف ماكان أعظم .

اخوي قلم تسـلم على هـذا الذوق الرفـيع

بانتـقاء المواضــيع الرائــــعة وهذا ليس بغريب عليــك

تقبل خالص تحيااتـــــــي
عسل
20 Dec 2004, 04:12 PM
طيب اللي افطر بس ما بعد تغدا ونفسه شينه< يضف وجهه خخخخ


اول شي خليني اضحك شوي على رد سرفيس

الا من راد عنك يابو الشباب لاتقول اخوك :468:



يسلموووووووووووووووو سرفيس على المووضوع الجميل




اخووووووووووك سرفيس


خلاص من الضحك ونرجع حق محور حديثنا


الحين ولا واحد من اللي ردوا جاوب على الاسئله


الان ابيكم تقولو هل شخصيتك المثاليه اللى هنا هيه نفسها شخصيتك

في حياتك خارج نطاق النت او هنا تتميلح لزوم الرزه !!


هل تعتبر نفسك شخص مثالي هنا وخارج المنتدى ؟؟


انا عني اعترف باني مو مثاليه لا هنا ولا خارج النت

وشخصيتي هي نفسها هنا وبرا.. لالا والله برا فيني انوثه شوي هع

ودي اكون مثاليه واحاول بس الرجه تغلبني ..

لكن فيه شي مهم انا لما اشوف امر كبير وما يصلح استنكره

مثلا عندك النمص والشغلات المحرمه استنكرها ولا اعملها ولله الحمد

لكن هذا ما يمنع اروح للكوافير

اصبغ او اقص شعري او اسوي امور مباحه

وما اعتقد ان فيه انسان كامل ومثالي بهالدنيا لكن كلنا نحاول

نشوف الصح ونتبعه ونقوم نفسنا بنفسنا .



وبس خلاص

< فضيحه من يومك:8u:


عسووووووله
سرفيس
22 Dec 2004, 01:35 AM
عسوووله يامال الزكمه

الين تصيرين زي هاااذي
http://www.y1y1.com/y/albums/userpics/smil/5.jpg

اول شي خليني اضحك شوي على رد سرفيس

الا من راد عنك يابو الشباب لاتقول اخوك
8
8
8
لا جدتي مزنه





الوااحد مايعرف يستهبل بالمنتدى هاذا




يسلموووووووو عسوله على الضحك <<<< هاه قلت عسوله شووفيني






سرفيس
قلم بنص ريال
31 Dec 2004, 02:58 AM
يمكن أكون واجهت مثل هالأشكال وأعترف
إني إنخدعت بناس كثير لكن الحمد لله خلصني
الله منهم وإنتبهت للشي هذا قبل فوات الأوان
وفي حالات تمر وتروح زي السلام عليكم
ولا درينا عنها ولا تأثرنا فيها لأن ربك كريم
وستر عليهم وراحت الدنيا



ياهــــلاا بالباشاااا


لك وجهة نظر احترمها

ولكن ارجع واقول موضوعي مو عن الظن في الناس والشك

انا اتكلم عن عينات موجوده فعلاً وانت ذكرت عينه منها وهذا دليل

ان فيه عينات من الناس اللى اقصدهم .. وينطبق عليه البيت القائل :


لا تنهى عن خلق وتأتي مثله عار عليك اذا فعلت عظيم



وكلامي واضح وحاط اسأله يقدر كل واحد يجاوب عليها ويعرف عن شخصيته


وبالعكس مرورك اسعدني ويسعدني دائماً


قلم بنص ريال
قلم بنص ريال
31 Dec 2004, 03:12 AM
ياهــلاا ايس كيوب


مثلا أنا إنسان مدخن ,, اذا نزلت موضوع عن التدخين وعن مضار التدخين
هل أكون أبووجهين مثلا ؟؟

فيه فرق اذا الواحد يدخن ويكتب عن التدخين من باب ( حب لأخيك المسلم

ما تحب لنسفك ) وبين واحد يكتب عن الدخان وهو يبيعه !!!!!!


وانا بعد مرت علي ,, كان لي صديق وكنت أعزه كثييييير ,, كناأصحاب برا النت ,, وبعدين شاركنا في منتديات مع بعض
طلع شئ منه الله لايوريك ,, يتميلح ومسوي مثقف وعلى قولتهم يتشدق بكلام والله ماهو داري عنه ,, وبكل صراحة صورته إهتزت عندي
^
^
هذا اللى اقصده النوعيه اللى تدعي المثاليه وهي من جنبها ..


ومثل ما قلت لكل إنسان طبيعته ولكل شخص هدف من تصرفاته ..


تسلم يا ايس كيوب على طرح وجهة نظرك


قلم بنص ريال
قلم بنص ريال
31 Dec 2004, 03:19 AM
ياهــــلاا سرفيس


كلام حلو وجبتها من الاخير

اما اللي يتميلحوون يبوون من ورى هالتميلح شي صدقني مهما وصلوا بينكشفوون
^
^
وهذي الامثله اللى حطيتها واضافوها الاخوان يعني مهما طال الوقت

بينفضح وبيصير مثل ممكن انزله في مواضيع ثانيه خخخخخخخخخخخ



يسلمووو قلم بنص ريال على مرورك ومشاركاتك في الموضوع << استهبل مثلك


قلم بنص ريال
قلم بنص ريال
31 Dec 2004, 03:38 AM
ياهـــلاا بنايف


يازين الانسان اذا كانت نيتة سليمه وعلى الفطره

راح يكون محبوب من الجميع .
^
^
ان شاء الله الجميع هنا من هالنوعيه الجميله


واكيد كلنا نحب ونطمح في إجادة فن الأتصال والتواصل مع الآخرين

بشخصيتنا الحقيقيه خارج النت وداخله
^
^
كل ما كان الشخص انسان صادق مع نفسه راح يكون تعامله طبيعي بدون

اي تصنعات وراح يكسب احترام الاخرين ..



واشكرك اخوي نايف اثريت الموضوع بكلامك الجميل



قلم بنص ريال
قلم بنص ريال
31 Dec 2004, 03:50 AM
ياهــــلاا عسووووله


اشكرك لصراحتك انتي كذا ;d5:


ثاني شي انا ما اقول لحد يروح للكوفيره بس اقصد اللى تنصح وتشجب

القصات وهي تروح تقص زي بيكهام <<< اللى عنده صوره له يحطها


وما اعتقد ان فيه انسان كامل ومثالي بهالدنيا لكن كلنا نحاول

نشوف الصح ونتبعه ونقوم نفسنا بنفسنا .

http://www.tdwl.net/vb/images/smilies/601.gif


اسعدتني مشاركتك ياعسل


قلم بنص ريال
عندما
01 Jan 2005, 10:27 PM
بسم الله
ويكفي إسم الله للدخول في الموضوع من دون مقدمات

انتو بأي وجه داخلين فيه المنتدي يعني هل لك اكثر من وجه وشخصيه

او هيه نفسها وانك تتعامل مع اللى في المنتدى بنفس شخصيتك

التعامل هو واحد برا المنتدى وداخل المنتدى وقد تختلف بعض الأمور مثل الأسلوب العام وتعابير الوجه فأحاول ترجمتها الى كتابة لأن الناس ماتشوف بعض في النت وخصوصا المنتديات.....

الان ابيكم تقولو هل شخصيتك المثاليه اللى هنا هيه نفسها شخصيتك في حياتك خارج نطاق النت او هنا تتميلح لزوم الرزه
طيب قلنا لك هي نفسها ..... لكن لو تميلحت هنا وش درا الناس أو أنت ان هذا هو طبعي وشخصي نفسة .....<<<وش يبي يوصله ذا
اللي ابي أقوله موضوعك ممتاز ولا غبار علية من باب النصح .....لكن تركيزك على هالسطرين ماراح ينفع ولا يجيب أي نتيجة مثمرة الا في حاله وحده أنك تعرف الشخص المتحدث عن نفسة شخصيا ...... بتقولي ليش طيب كتبت أنت رد بهالخصوص يوم هذي وجهه نظرك ..... بقولك وبكل صدر رحب وبوسه فوق الراس .......... أنا الأن جالس أتحاور معك .... وأمشي معك حبة حبة إحتراما لوجهه نظرك فيما كتبته ..... ولا يمنع أن أسرد وجهه نظري بعد أن أفرغ من الرد على ماتود سماعه بخصوص موضوعك..... وهذي من أساليب الإحترام لوجهات النظر حتى لو لم تكن واضحه عند البعض <<<أخس يا مثقف...

هل تعتبر نفسك شخص مثالي هنا وخارج المنتدى ؟؟
لا

والجواب بواقع 99 في المية فاصل تسعه لكل من يرد على هذا السطر هو لا ..... فالكمال لله سبحانه وتعالى .... ومهما وصل الإنسان من مثالية أو كمال ....فسينقصة المزيد منها ......... والفاصل عشره من هالنسبة طبعا إذا جاوب بكلمة نعم فلا أعتبره الا مغفلا أو ساذج ....هذا إذا أخذنا في الإعتبار كلمة مثالية هي مرادفه لمعنى الكمال .......ونقدي الحالي بعد ما وضحت وجهه نظري هي أن الجملة هذي إذا كانت من باب النصح فقط فهي في محلها ولا غبار عليها ..... أما إذا أردت الجواب عليها من قبل الأعضاء بكتابة رد فلا يوجد فائدة حقيقية منها لماذا لأنها خرجت من نطاق النصح ..... وموضوعك ماشالله تبارك الله عليك مقصدك فيه النصح ((هذا ظني فيه))لذا جرى التوضيح...

المهم الصفحه امامكم نبي نتكلم بصراحه .... يعني جاوب وخذ راحتك بس بدون تصنع لو سمحت
تكلمت معك بكل صراحة موضحا فيها وجهه نظري ......... أما بدون تصنع لو سمحت .....فأنا لم أتصنع <<<هذي جواب لكلمتك وإحتراما لوجه نظرك

وأقول لك نفس ماقلته في تعليقي السابق ..... لو سمحت هذي لن تغير من الأمر شيء ...... يعني اللي بيكتب عن نفسة وبيكون من راعين التصنع .... لن توقفه هذي الكلمة وسيمر عليها مرور الكرام .........
يعني حدود الموضوع في النصح لاغبار علية أخي قلم وجعله الله في ميزان حسناتك ..... وفعلا طرحك مميز .... مماجعلني أتعمق أكثر في قرائته وكتابة هذا الرد فية موضحا لك وجهه نظري ومحترما لوجه نظرك ومتمسكا بمقولة إختلاف الرأي لا يفسد للود قضية .....

سلام يا قشطة

:d34: نلتقي مجددا عندماتغردالبعارين :199:
*المنتهي*
02 Jan 2005, 06:32 AM
اخوي قلم بنص ريال

أشكرك لإحترامك وجهة نظري
وأعتذر إذا ردي ماوصل للمستوى
اللي يرضيك لكن هذا ماجادت به
نفسي وإن كنت أرى أنه من الطبيعي
أن أرد على بعض ماجاء في موضوعك
بدون تفصيل وهذا تجاوباً معك وأترك
التفصيل لمن هم أعلم مني مثلك وشرواك
وباقي الأعضاء ماقصروا في مشاركاتهم

تشااااو تشااااو
طاغي النظره
02 Jan 2005, 01:53 PM
تصدقون عاد مريت الأخ/ ( بن فهره ) اطلبه وجهه سلف خشته يعني وقالي للأسف قلت ياولد الجماعه يبون اي وجه تبي تدخل به المنتدى قلت مافيه الا بن فهره خويي <<<< رفض الأخ قال مااعطي وجهي الا في مناسبات خاصه خخخخخخخخخخخخخخخخخخخ


آسف . . . . حبينا نعطي الجو بعض الفكاهه والضحك . . .


انا والله من وجهة نظري ان لكل شخص حاجه او شي يبيه من المنتدى بعيدا عن التصنع والتكلف بالكلام والجميع كتب عن هذا الشي

اما عني انا شخصيا / فانا ماادخل المنتدى الا من الدوام الصباحي بالوزاره وغير هذا ادخل ( مساندتاً )

وايضاً لللاستفاده والفكاهه ....


هذا وصلى الله وبارك على نبينا محمد . . . .



حكمه /

شيئان لايمكنهما الاعاده ، الموت والولاده . . . .
قلم بنص ريال
03 Jan 2005, 12:50 AM
ياهــلا عندما تغرد البعارين


مماجعلني أتعمق أكثر في قرائته وكتابة هذا الرد فية موضحا لك وجهه نظري ومحترما لوجه نظرك ومتمسكا بمقولة إختلاف الرأي لا يفسد للود قضية
^
^
بكل رحابة صدر اتقبل وجهة نظرك وياليت تتقبل وجهة نظري :)




لكن لو تميلحت هنا وش درا الناس أو أنت ان هذا هو طبعي وشخصي نفسة
^
^
الاكيد اني مااعرف ان كان طبع او تطبع يعني ابعتمد على الشخص اللى

يكتب امامي ويطرح مواضيع ويناقش ومن هالباب راح اكون فكره عنه .


لكن تركيزك على هالسطرين ماراح ينفع ولا يجيب أي نتيجة مثمرة الا في حاله وحده أنك تعرف الشخص المتحدث عن نفسة شخصيا ..

التركيز عليها لأنها لب الموضوع وعشان كل شخص يكون صادق في اجابته

ولو اقصد شخص بعينه اروح اطرح عليه الاسأله في موضوع ( الضيف ) او

مدري وش اسمه هنا .


هذا إذا أخذنا في الإعتبار كلمة مثالية هي مرادفه لمعنى الكمال
^
^
^
سين سؤال : سبق لأحد وسألك مين مثلك الاعلى ؟؟

اذا كان الجواب بنعم فأكيد مو المقصود منه الكمال

واذا كان الجواب بلأ يعني ما سبق وسئالت ياليت تقول لي مين مثلك ؟

عشان تعرف وش المقصود بالمثاليه .. انا ما قلت هل انت كامل لأن السؤال

هذا غير صحيح وخارج عن نطاق المنطق فالمعروف ان الكمال لله سبحانه

ولكن من مثلك ( واحد يقول خالي ، واحد يقول اخوي الكبير ، واحد يقول

ولد عمي ) المقصود مثلك في التعامل .


هذا بيت شعر المقصود من موضوعي معنى هذا البيت :

لا تنهى عن خلق وتأتي مثله عار عليك اذا فعلت عظيم


وانا ما انكر انه يوجد ناس كثير يتعاملون بنفس الاسلوب هنا وخارج الانترنت

مثلاً واحد تجد مشاركاته ملتزمه فلا استبعد ابداً انه يكون شخص ملتزم

وفلان مشاركاته فكاهيه فلا اشك انه شخص مرح هنا وخارج المنتدى

فالمثاليه هنا المقصود منها انت يالعضو اي عضو هو المقصود

هل هنا تتصنع المثاليه( المثاليه هنا هو انك تطرح وتناقش بشي انت تعمل

عكسه يعني من باب * كل ما يعجبك والبس ما يعجب الناس ) بعيد عن

اسلوب الشخص في الطرح او في المناقشه ................ المقصود ( النواه ) .





اذا مو غلطان اعتقد وصلت الفكره .



مع تقديري لك ولوجهة نظرك


قلم بنص ريال
قلم بنص ريال
03 Jan 2005, 12:56 AM
اخوي قلم بنص ريال

أشكرك لإحترامك وجهة نظري
وأعتذر إذا ردي ماوصل للمستوى
اللي يرضيك لكن هذا ماجادت به
نفسي وإن كنت أرى أنه من الطبيعي
أن أرد على بعض ماجاء في موضوعك
بدون تفصيل وهذا تجاوباً معك وأترك
التفصيل لمن هم أعلم مني مثلك وشرواك
وباقي الأعضاء ماقصروا في مشاركاتهم

تشااااو تشااااو

ياهلا ياباشااااا ... وشرواك الطيب


العفوووو والشكر لك لتفضلك بطرح وجهة نظرك ورائيك

ومثل ما قال * عندما * اختلاف الراي لا يفسد للود قضيه


لك تقديري والتحايا


قلم بنص ريال
*المنتهي*
03 Jan 2005, 06:25 AM
التحيات لله يا خلفهم
ونحن في إنتظار جديدك
لاتبطي علينا بس http://www.al-bo7.com/vb/images/smilies/eatb.gif

وشوووووووكرن
عندما
03 Jan 2005, 12:01 PM
أخوي قلم أبونص ..... شاكر لك ردك ..... بس والله يا أنت شطحت شطحة اليمة في كلمة مثالية هي مرادفه لمعنى الكمال....

أنا ماقلت أن الفئة القليلة اللي بتجاوب بنعم أعتبرها مغفلها وساذجه؟ ..... على أي أساس ؟؟؟؟؟ على أساس وإعتبار أن كلمة مثالية هي مرادفة للكمال يعني أنا قاعد أعلل لنفسي علشان مايجي أحد ويقول ليش ياخي أنا مثالي وجاوبت بنعم هل أكون مغفل وساذج في نظرك!! ..... وبس لازيادة ولا نقصان في الموضوع .....وهذا هو المقصد .... وأنت عزيزي كتبت رد طويل عريض تشرح فية وجهه نظرك لشيء لم يقصد به ما أنت متوقعه أو ظانه..

وتسلملي مرة أخرى على الرد وعلى شرح وجهه نظر جديدة .....وخلنا نشوف مواضيع واجد مثل ذي ......<<<<يحب يقرقر
طــحــنــون
04 Jan 2005, 07:28 AM
تبي الصدز انا ادخل المنتدى بالوجه التجاري (التقليد) اما الوجه الاصلي زابنه (موزيه) في دولاب جدتي ومنيب مركبه الا اذا جيت اعرس خخخخخخخخخخخخخ

اخوي ابونص

من الظلم انك تحكم على الانسان من اسلوبه وطريقة كتابته في منتدى

ولي رجعه في وقت لاحق
قلم بنص ريال
04 Jan 2005, 02:57 PM
ياهـــلاا طاغي النظره

انا والله من وجهة نظري ان لكل شخص حاجه او شي يبيه من المنتدى بعيدا عن التصنع والتكلف بالكلام والجميع كتب عن هذا الشي

هذي وجهة نظر نحترمها .. ورأي مكمل لما سبق



ياهــلاا ياباشاااا

التحيات لله يا خلفهم
ونحن في إنتظار جديدك
لاتبطي علينا بس

جزاك الله خير يالمنتهي على التنبيه .. عسى ما ابطيت بس ؟



ياهـــلااا عندما تغرد البعارين

بس والله يا أنت شطحت شطحة اليمة في كلمة مثالية هي مرادفه لمعنى الكمال....

يمكن انا شطحت .. او انت ما فهمت الموضوع !!

أنا ماقلت أن الفئة القليلة اللي بتجاوب بنعم أعتبرها مغفلها وساذجه؟ ..... على أي أساس ؟؟؟؟؟ على أساس وإعتبار أن كلمة مثالية هي مرادفة للكمال يعني أنا قاعد أعلل لنفسي علشان مايجي أحد ويقول ليش ياخي أنا مثالي وجاوبت بنعم هل أكون مغفل وساذج في نظرك!!

هذا رايك ..... الى ان يثبت ان المثاليه هيه الكمال .. او العكس

وأنت عزيزي كتبت رد طويل عريض تشرح فية وجهه نظرك لشيء لم يقصد به ما أنت متوقعه أو ظانه..
^
^
كتبت رد طويل عريض تقدير لوجهة نظرك اللى طرحتها !!

بس ما اظن ان الرد كان كافي .. احاول مره ثانيه :)

وتسلملي مرة أخرى على الرد وعلى شرح وجهه نظر جديدة .....وخلنا نشوف مواضيع واجد مثل ذي ......<<<<يحب يقرقر
^
^
ماهي جديده مره هيه مكمله للموضوع من وجهة نظري ..


ياهـــلااا طــحــنــون

تبي الصدز انا ادخل المنتدى بالوجه التجاري (التقليد) اما الوجه الاصلي زابنه (موزيه) في دولاب جدتي ومنيب مركبه الا اذا جيت اعرس خخخخخخخخخخخخخ
^
^
;d5: فكره حلوه


اخوي ابونص

من الظلم انك تحكم على الانسان من اسلوبه وطريقة كتابته في منتدى

!!! انت كيف تحكم على اشخاص تقابلهم في الانترنت ؟؟



اشكركم على مروركم وطرح وجهات نظركم ومناقشتكم



قلم بنص ريال
ليان الرياض
22 Feb 2008, 07:49 AM
يسسسسسسسسلموا