-=-( جوال ابو كاميرا وصل )-=-

[*عازف شجن*]

ايه وصل صار علني بالمحلات سمحوا فيه.......!!!!!!!!



لاحول ولاقوة الا بالله نسأل الله السلامه
طبعاً فينا الفرحان بالخير وفينا الي مو راضي
بس المهم انا نستخدمه بالخير
الا وش فيه جوال النورس وربي شي <-- جواله:05:
يأدي الغرض ويرسل ويستقبل وسهل الحمل بالجيب



المهم ما أقول الا الله يستر بنات المسلمين جميعاً
آآمين آآمين آآمين يارب العالمين ...


أخوكمـ : عازفـ شجـن ...............ـأ

[*المنتهي*]

لاحول ولا قوّة إلا بالله

المشكله ليست في الجوال نفسه!!! المشكله في
الإستخدامات والعالم اللي ما تخاف خالقها

أشكرك على مشاركتك

*المنتهي*

[دانـه نـجـد]

ايه المشكله مو في الجوال المشكله في يلي يستخدم الجهاااااااااز



انا لله وانا اليه راجعون

الله لا يبلانا

[*عازف شجن*]

أخوي المنتهي أختي دانة نجد :
مشكورين على مروركم الكريم وتعليقكم على الموضوع
وفعلاً المشكله فينا مو بالجهاز متى وكيف نعرف نستخدمه
ولا يقولون القادم احلى الله يكفينا الشر
يبي يجي جوال بالقريب والله العالم تصير الكاميرا شي من نسج الماضي
لكن ما أقول الا مثل ماقلت قبل :
الله يحفظ بنات المسلمين من كل شر وسوء
هذا ولكم حبي وتقديري


أخوكمـ : عازفـ شجـن .....ـأ

[قلم بنص ريال]

عاد زين سمحو فيه انا من سمعت انه ممنوع ما طلعت من البيت

لي شهرين بس الحين يمديني اروح البقاله ... مع ان جهازي الرهيب :199:


ومثل ما قالو الاخوان العيب في المستخدم مو في التكنلوجيه


الله يحفظ بنات المسلمين من كل شر وسوء

اللهم احفظنا جميع


يعطيك العافيه يا*عازف شجن* على الطرح


قلم بنص ريال

[ناااايف]

الله يكفينا شره ان شاءالله وشر الي يستخدمونه بالغلط

ومادام سمحوا فيه اكيد بيصير فيه بلاوي جديده

وأكيد الي بيشريه راح يستخدمه بطريقة غلط أو راح تجيه بلاوي عليه

حتى لو مايبيها .

الله يحفظنا جميعاً منه ومن مشاكله

تسلم أخوي عازف شجن

[الجوهرة]

لا حول ولا قوة الا بالله

من اول بلاوي ومصايب من هالجوال وهو ممنوع بالكلام طبعا


اجل الحين وش بيصير دام سمحوا فيه


ما نقول الا الله يستر على كل مسلم ومسلمه

ويهدي الجميع لاستخدامه الاستخدام الصحيح ..


الف شكر لك عازف شجن على هالخبريه.



الجوهرة

[*المنتهي*]

وأكيد الي بيشريه راح يستخدمه بطريقة غلط أو راح تجيه بلاوي عليه

حتى لو مايبيها .



المعذره يا جماعه بس لي تعقيب بسيط على رد اخوي نايف

أختلف معك عندما قلت أنه "أكيد" اللي بيشتريه رايح يستخدمه
بطريقة غلط أو راح تجيه بلاوي حتى لو ما يبيها.

الدنيا للحين بخير، لاتعم كل من بيشتريه الله يصلحك
وبعدين اللي ما يبي الخربطه لايشغل البلوتوث في
أماكن عامه علشان ما يجيه نصيبه من الفيروسات
والملفات اللي تتلف القلب قبل الجهاز

والله يتقبل دعواتكم جميعاً ويطعمنا خيره ويكفينا شرّه

وشوووووووكرن

[*عازف شجن*]

الله يعطيكم العافيه جميعاً على حضوركم وتفاعلكم مع الموضوع ,,,



هذا إن دل على شيء على حرصكم وخوفكم على شباب وبنات المسلمين ,



والله يجعل كل كلمه قلتوها الا كل حرف بعشر امثاله من الحسنات بموازينا ,



والله يكتب الي فيه الخير ,,,,,,,,




أخوكمـ : عازفـ شجــن .....ـأ

[البنت التوب]

اول ماسمعت الخبر..مسكت راسي

قلت مو سالمين منه وهو ممنوع

اجل اللحين كيف رح يصير..؟؟

الله يكفينا شره

وياريت يستخدم كويس بما انهم رفعو الحظر عنه

مدري متى الناس رح تتحظر؟


تووووب

[نبض القصيد]

الله يكفينا شره
لاحول ولاقوة الا بالله>>>ترى ماعندها جوال كاميرا



يسلمو على هالمشاركه وعلى هالخبر

[نـــدى]

لاحووول ولاقوة الا بالله

الله يكفينا شرة ويحفظ بنات المسلمين

الله يعطيك الف عافيه اخوي

تقبل خالص شكري

[حالــ الذوق ــي]

انا مااقول إلا حسبنا الله ونعم الوكيل
(ولو كان خلوها على مبنى الشايب)
بصراحه انا من اشد المعارضين لهذا النوع من الجولات
ووالله يااخوان اني شفت في هالجولات مايقطع نياط القلب
وماتشمئز منه النفس والخوف والله ماهو على البنات وبس
ألحين حتى الرجال والله ينخاف عليهم
والله يكفينا ويحمينا من شرها
ومثل ماقلت وش فيه النورس والا العنيد اهم شي ان تكلم

[*عازف شجن*]

الله يعطيكم العافيه اخواني واخواتي
على تفاعلكم ومشاركتكم بالموضوع
ومروركم الكريم
الله يديم فينا الغيره على الدين


ونسأل الله العافيه والسلامه


ولكم حبي وتقديري ,,,,,,,,,,,,


أخوكمـ : عازفــ شجــن ..............ـأ