بعض من دلاختي

[عسل]

سلاميييييشن


لما كنت صغيره كنت دلخه ومفهيه على الاخرررررر

وكبرت و انا راعية تفكير واجد.. جت في بالي وين كان ابوي قبل لا يعرس على امي؟؟

لو ان امي ما ولدتني هل ممكن يكون جدي هو ابوي؟؟

كيف الناس تجيب عيال؟؟

هل لأن ابوي راعي محل و يوم اعرس جيت انا ؟<لا عاد تفكرين لا نسكر الموضوع و نطلع :thum:


ذات عصرية من العصارير (من شاف الحكي مارجا من الموضوع خير ) -

و على عادة امي - قشت حريم الحارة عندها ونتفتني مع كراعيني

عشان اصب القهوة <-----مهنتها منذو الازل :D

جلست شوي عندهم وانا اناظر الساعه الحائطيه ( الله واكبر يالساعه

راسمين لهم بقلم رصاص على فلينه دويره وناغزينن بها عود

اسنان وحاطينها تحت اللمبه بزعمهم الساعه الشمسيه )

احتري المسلسل المسكيكي ما تفوتني ولا حلقة كله عشان الاطخم

نيكولاس ..يوم قرب وقته طمرت من عندهم وتوسدت

المركا و فنجلت عيوني و بديت اتابع باخلاص:l,k:


نيكولاس:أحبك..

انطونيلا: وانا كذلك..

شوي الا هم ناتفينها بدعايات حفايظ و فمتو و خرابيط و اقعد

اتحلطم بيني و بين نفسي..

هالمخرج مالقى غير هالشقرا يحطها حبيبته طيب لو هي سودا

وش بيتغير ؟ النص و السناريو زي ما هو ياحبهم للتحطيم بس

ويرجع المسلسل..


نيكولاس: صدقيني حبيبتي لن استطيع أن اتزوج بك!

انطونيلا: إذن فلتنسى أن لك طفلاً ينمو بأحشائي!

انا:
مسرع توهم حابين بعض ما امداهم يعرسون بس هو قالها انه

ما يقدر يعرس عليها! و هي حامل

واقعد اقلبها بعقلي..و استنتجت ان الحمل يحدث بالحب!:eek:

ياربيييييييه ..انا ما انبطح عند المسلسل الا عشان البطل ...

و حبيته قبل لا تحبه هالبرصا .. على كذا حتى انا حامل!! :za:

بالاول قلت زييين خلني حامل كم شهر عشان ينبت لي صدر زي الحريم

(تحسبه شجر تينه ) و احر وضحى بنت جيرانا اني كبرت قبلها بس

بعدين فكرت وقلت لو كبر الصدر بتكبر الكرشه ساعتها

وش بتقولين لاهلك يا فالحه!!


من الروعة اوجعني بطني..قعدت اتحسسه و الا حسيت بحركة

الجنين في احشائي<---الشيطان شاطر

و اطيير للحمام و اقعد اصيح ياربييه وش هالفضيحه محد سواها قبلي

طلعت و تعوذت من ابليس و قلت شكل الحمل كذبي<------تأثير

المسلسلات المصرية خخخخخخخ



و يضيق صدري و اركض وانا حاطة يدي على ثمي و دموعي تصبصب

ابي الحمام بس صار ابوي فيه <----ما عندهم الا حمام واحد مكسور

الكيلون حقه وسادين الفتحه بخلقن لامي هيله الله يرحمها ماورثتنا الا هو :vfe:

رحت الحوش و بالي مشغول.. قعدت اتأمل اخواني الصغار قدامي

يلعبون..اقول بنفسي ليه يا عسوله سويتي كذا؟ ليه تجيبين لهم العار ؟

انهرت و قعدت الطم على وجهي زي المصريات بالافلام و اشد شعري و

اقبص بطني بقوة.. و في "خضم "التقبيص طرت على بالي فكرة..

قلت ليه ما اجهض هالجنين و افتك قبل لا يكبر بطني و انفضح ثمن

عاد وش اقول لاهلي ؟ وهل راح يصدقوني لو قلت لهم ان ابوه هو

نيكولاس ؟و نيكولاس هل بيعترف بطفلي و يجحد بزر انطونيلا الشقرا:d4v:

ضااااقت الدنيا علي..راسي الصغير أمتلى..

هجيت لغرفتي و رميت نفسي على فراشي..

صرت اتأمل حالتي.. بنت توها بزر و حامل!! بدون عرس!!

مجرد الفكرة كانت تقتلني.. صرت اقول لا لا و ابكي بصوت مكتوم وانا

ماسكة بطني

كرهت نفسي..كرهت نيكولاس.. كرهت العالم.. هذا جزا اهلك ياعسوله!!

ناظرت بالمراية.. وجه اصفر مخضر ( وجه ذا ولا قفى عنز )..عيون متنبخه..

خدود راطشه من الدموع,, خشم يسرب..

قلتها بنظرة ثاقبه: الموت ولا العار

قررت انتحر.. رحت قريت اوراد الصبح و المساء عشان اذا مت ادخل الجنه < لاتلوموني الفضيحه شينه

جبت فليت و غمضت عيوني و تشهدت ثم سميت.. خلص الفليت و طلع من

الغرفة انواع الذبان و الصوارير و انا ما طقيت له خبر !

آخرتها صقعت راسي بالعلبة وانخمدت

فتحت عيوني الصبح وانا تعبانه.. حسيت ان كل شي صار كان حلم..تقلبت

على بطني والا اسمع صدى دقات قلبي في كرشتي..ينعن ابوه الموضوع

جد! خلاص الجنين تكون و هذا هو قلبه ينبض ببطني! و ايقنت اني حامل

قمت غسلت وجهي و اول مرة افرش سنوني موب نظافه الا عشان ابلع

المعجون يمكن يتسمم و افتك

سلمت على امي و ابوي صايره بارة بهم لاني احس بالذنب و عييت افطر

رحت لم اخوي عبود قلت له اني شريت حزام جديد وابي اتأكد هو اصلي

والا والا لا (حزام و هي تمشي حافية الا يوم العيد) يعني ابيك تعطيني

كم بقس عليه ابي اجرب مدى تقبله للمحيط الخارجي

الولد ما صدق خبر..

قعد يتفنن بالبكوس و انا ولا حرف كل شوي اتحسس بطني هو حي

والا مات
شالني فوق ورماني على الارض .. قمت بسرعه اشيك على الوضع بس

ماش ابن الكلب متشبث بالحياة لاقصى درجه

يوم انهد حيلي انسحبت.. عاد اجتمع علي جوع و طق.. جاني وجع

شربت مويه و اكلت برتقالة عشان لا يجيني فقر دم <----تأثير سلامتك
سلامتك نود لك سلامتك

وقلت اليوم لازم احسم الامر.. رحت الحمام و كتبت وصيتي على ورقة دفتر

ابو وجه و وجه.. على اساس اني بمسح العار و حطيت الورقه على

طرف البانيو..

قعدت اناقز بمحلي و اصقع ببطني الجدران.. اسد خشمي يقالي بكتم

نفسي بس دلخة اتنفس مع فمي و لا صكيته بيدي ارجع اتنفس مع

خشمي.. بحلت بعمري انا



وقعدت اصايح ياربي انت اعلم بحالي ياربي انا ما

كنت اقصد ياربي لو تفكني من هالعار لا اتروح باليل والنهار واغدي امام

( رخمه وتطوعت ) واحث الناس على الصلاة يارب لو خذيت اللي

ببطني معد اسرق بكلات وضحى :(


ويلهمني الله و تجي عيني على الشفاط حق الحمام الي اذا انسدت

المغسله قعدو يشفطون به.. و ادخلها بحلقي وادوج بها ..

طلعت بلاوي مع خشمي..قشام حب ، فتات مناديل ، قطع لم تُحدد هويتها

بعْد.. حتى زرار قميصي الاصفر اللي لي سبوعين ادوره لقيته:xs:

استمريت وانا ادخل و اطلع ادخل و اطلع الين قلبت معدتي و طرشت..

موية و عصارات معديه وقراطيس الكتكات الي انا الحّسهن كل يوم و

قطعه كبيرة صفرا (البرتقالة اللي كليتها ) و اناظر واقول الا هذا راسه هذا

راسه ابتسمت وانا معرقه و عيوني مدمعه و وجهي احمر ..

حسيت براحه و قعد اشكر الله بعدين التفت على البرتقالة و ضميتها

و قعدت ابكي ولو الضنا ما يهون <-- على تراب

تروشت ولبست نفس الملابس و جمعت ولدي بكيس و دفنته بالحوش


واروح المطبخ ابلع لي نص الثلاجه ان ما كانت كلها <--بنفاس ولازم تتغدى

زين وبديت اقول لامي يمه تراي مشتهيه مرقوق


ويوم جا العصر حطوا على المسلسل .. تفلت على الخاين نيكولاس

و عييت اتابعه قلت حطوا على الحرم ازين

و من يومها وانا محرمه احب رجال ..حتى ابوي حاولت اكرهه عشان

لا تتكرر معي هالمصيبه .. الين صرت اولى متوسط و قابلت صديقتي

المثقفه نانسي و حلفت لي ان الحمل مستحييل يصير بالحب

عااااد انا ما صدقت خبر و حبيت "بيكام " من ذاك الوقت الى يومكم

و لو نظريتي صحيحة كان امداني جبت منه 6 عيال عالاقل :m22:



عسوووووووله

[Mr.SmRmDi]

الله يرجك
من جد انتي مرجووجه طبيعيا او تاكلين حبوب


اجل وش رايك تحبيني يمكن تجيبي توم تراني اطخم من بيكهام.

وبعدين يالقرويه اسمه بيكهام مو بيكام.

[عسل]

لا اكل حبوب كورن فلكس بالديتول:lsi:

يؤيؤيؤ كان تنكسر اظافري قبل اغلط باسم الاطخم

بيكهاااام:sssa1:


سمرمدي xxxxxxxxxxxxxxxxxxxxxxxxxxxx


الله يرجك يا عسوووله خفي شوي على البشريه



عسوووووووله

[نواف]

ههههههههههههههههههههههههههههههههههااااااي :468:

هو ياانك انسطلتي او ياانك انسطلتي:l,k:


اصلا انا من شفت الكاتب عسوله وانا غاسل رجلي <=حاس انه غلط في شي

تعوذي من شوشو ياعسل لا تجيبين العيدفي المواضيع الجايه ...تمسكين اعضاء الجوهره واحد واحد:SE:

خخخخخخخخخخخخخ

انا لو اعصر مخي وطرافتي <=الله من ثقاله الدم

ماكملت ثلاث سطور بالكثير هذا يدل عالسمنه الزائده اللي انتي فيها :ert:

يعني شوفيلك حل ..ياما بالرياضه ولا الاعشاب الصينيه للتخسيس :398:

خخخخخخخخخخخخخخخخخخخ

يعني انا باعتقادي <=حطوا خط

لو تنشهرين بيحطونك بدنيا القوي <=هو قصده طاش بس اعذروه المذاكره اثرت عليه

بتمسكين دور زياد <=عقله يبيله فورمات :47:

وتضحكين العالم ضحك<=احلف :D

.....................................

وبعدين تعالي انا من ناحيتي احب سامي الجابر واحب يوسف الشافي;)

وإلاحد الان ماحسيت بشي في بطني <=الدلخ والله شوفوه


مدري يمكن اني ماحبيتهم ذاك الحب

لكن انا بحاول احبهم زين واذا حسيت باي آلام بقولك


اوكي


خخخخخخخخخخخخخخخخخخخخخخخخخخخخ





تحيااااتي لك ياصرقووووووعة الصرقعه والوناسه



اخوك نواف

[آيس كيوب]

هههههههه

والله إنك رهيبة

يعطيك العافية على الموضوع























من جدكم إنتم ؟؟؟ الآدمية ظاهرة تستحق التأمل والوقوف عليها <= شدعوة رصيف

حتى يوم ميلادها كتبوه على ورقة إصلاح <= طلعت ترقل وفيها حذفة خخخخخ



لما كنت صغيره كنت دلخه ومفهيه على الاخرررررر<== يقالها ذكية وفاهمة الحين


وكبرت و انا راعية تفكير واجد.. جت في بالي وين كان ابوي قبل لا يعرس على امي؟؟

لو ان امي ما ولدتني هل ممكن يكون جدي هو ابوي؟؟

كيف الناس تجيب عيال؟؟

^
^
^

خخخخخخ ,, عليك مقدمات ,,


مسرع توهم حابين بعض ما امداهم يعرسون بس هو قالها انه

ما يقدر يعرس عليها! و هي حامل

واقعد اقلبها بعقلي..و استنتجت ان الحمل يحدث بالحب!

ياربيييييييه ..انا ما انبطح عند المسلسل الا عشان البطل ...


خخخخخخخخخ ,,, يلعن ابو التلقيح ياشيخ ,, على كذا نانسي عجرم وعايشة الكيلاني حوامل

<= الأخيرة سحابة صيف وعدت

بس تدرين ,, إحمدي ربك إنك لحقتي على الدشات ,, والا إمديك الحين فاقة خشتك على القناة الاولي

وهايمة غراما وعشقا في سعد خضر :lsi:


قمت غسلت وجهي و اول مرة افرش سنوني موب نظافه الا عشان ابلع

المعجون يمكن يتسمم و افتك

:D:D

والله إنك أكثر سكان الارض دجتن وتنسيما


واروح المطبخ ابلع لي نص الثلاجه ان ما كانت كلها <--بنفاس ولازم تتغدى

زين وبديت اقول لامي يمه تراي مشتهيه مرقوق


خخخخخخخخخخخخخخخخخخخ

الا وين بيتكم ,, ابي ارسلك موية غريب وعصير مشكل




;d5:;d5:

موضوعك عسل ,, يسلمووو إيديك ياأم انطونيو <== ولد نيكولاس خخخخخخخ

[عسل]

نواف

اصلا انا مسطووله بسطل منذ مبطي:rq:


اعوذ بالله منك يا شوشو...اشو انكم كلكم شيون ياتماسيح المنتدى

والا كان علوووم

ونصيحه لوجه الله لاتحب رجال ترا تتعب والله الوحم شين

< يا الله من اللي مصدقه للحين خخخخخخخ

بعدين نعلبو شيطانك ما قليت تحب الا طفل الانابين سمووي :t57:

يسلموووو نواف على الرد السنع خل اللي فوقك يتعلمون:h5:


عسوووووووله

[عسل]

آيس كيوب


هههههههه

والله إنك رهيبة

يعطيك العافية على الموضوع

^
^
^
عسى ما تكلفت بس:KIJ:



اي والله صدقت الحمد لله لحقت على الدشوش < جمع تكسير:d34:

وربي الرمز اللي حطيته نفس كشرت سعد خضر بس هذاك على كحلي:lsi:



والله إنك أكثر سكان الارض دجتن وتنسيما

^
^

شهادة اعتز فيها واعلقها بمراية الددسن حقي خخخخخ


بعدين تعال انت لازم تروح تشوف نانسي وعايشه الكيلاني وتتاكد

من ذريتك ما يجوز تخليهم كذا مشتتين:34:

وبالمره لو تمر على مزعل فرحان وسعد جمعه اخاف يصير

بين عيالك نسب وتتحمل ذنوبهم وانت مو ناقص:dd2d:



يسلموووووووووووو آيس بن كيوب على هالرد العسل < احلى مني



< عسوووووووووله >أم انطونيو :sssa1:

[سرفيس]

موية و عصارات معديه وقراطيس الكتكات الي انا الحّسهن كل يوم
8
8
8
بالله عليك انتي كنتي تاكلين القرااطيس طيب ماكاان يجيك حرقاان خخخخخخخخخخخخخخخخخخخ


الله يرجك يااشيخه

يوم كنا صغاار علينا افكاار خطيره بس ماكنا نلاقي احد يتبناها <<< ياليتهم يسلموون منك انت وافكاارك





( رخمه وتطوعت ) واحث الناس على الصلاة يارب لو خذيت اللي

ببطني معد اسرق بكلات وضحى
8
8
8
ههههههههههههههههههههههههههههههههههههه

اذا قاام الواحد يحسب ذنووبه يجيه مرض غير المرض اللي هو فيه





عسل الحتووته مهبووله بالحيل

ونستيني الله يوسع صدرك






سرفيس

[شوق الليالي]

يسلمووووو على الموضوووع الحلووووووو

من جد مضحك

وانا احب اقولك اني زمان وانا طفله

افكر الحمل لما تشتغل البنت كثير

ههههههههههههههههه

احاول ما اشتغل مرررره

كنا صغار وتفكيرنا اصغر

يعطيك االعااافيه يارب

اكرر شكرري

لاعدمناك

[عسل]

سرفيس

منووووور


ابقولك طريقه لو اكلت القراطيس ما تجيب لك حرقان


شوف انت سوي نفسك تلحسها بس وبسرعه كذا وبحركه مباغته

اشفطها وابلعها قبل ما تنتبه لها المعده يعني بصريح العباره حطها امام

الامر الواقع هع هع هع



تشكرات على التعليق سرفيس



عسووووووله

[عسل]

شوق الليالي


الله يعافيك

الحمد لله الحين بس تطمنت لما عرفت ان فيه ناس دلاختهم اعلى


من مستوى دلاختي خخخخخخخ


تسلمين على الرد.


عسوووووووووله

[نبض القصيد]

خخخخخخخخخخخخخخخخخخخخخخخخخخخخخخخخخخخخخخخخخخخخخخخ
موضوع يناقش قضيه اجتماعيه سياسيه علميه سعوديه استهباليه...
كيف الناس تجيب عيال؟؟
سؤال جميل
طال عمرك
يوم كان عمري بين سنه و 6 سنوات ماكانت لي اي علاقه بــ((ابليس))
ابد
لااعرفه ولايعرفني
مافيه اي صلة بيني وبينه
بس بعد 6 سنوات
بدينا نتعرف على بعض
اذكر اول لقاء بيني وبينه
في صف خامس
لما حليت واجب الجغرافيا واعطيت الدفتر للمعلمه صححت الدفتر وكان عندها((طوابع..على شكل نجوم)
وكنت طول الحصه وانا اناظر فيهم
مااشوف الا واحد يجي من وراي ويقول((هاه...شكل الطوابع عجبوا الحبايب...ماودك في وحده منهم؟))
ومن هنا بدأت مسيرتي معه
ويوم من الايام
جاني كذا الساعه 2 الظهر تقريبا بنص الليل
وقال لي((الحين يالدلخه تعرفين كيف جيتي في هالدنيا والا ماتدرين وش السالفه))
قلت له((لا والله...علمنا...ومنكم نستفيد))
قال لا لا
انا ابغاك انتي تفكرين وتقولين لي
المهم
قلت له شوف
بس لاتضحك علي
اعتقد ان ابوي لما خطب زوجته اللي هي امي صار بينهم اتصال عاطفي((حشى انترنت))
ولما تقابلوا زادت هالعاطفه الى ان اصبحت كبيره وتكونت في بطن الزوجه
وبعد 9 اشهر
تكتمل هالعاطفه وتطلع من بطن الام>>>>اموت عالبراءه


مااشوف الا ابليس وربعه ميتين علي ضحك
وبعد عدة محاولات
اقنعتهم انهم يعلموني
وطبعا قالوا لي كل شئ
بس
((ممنوع من النشر))
عموما يالدبه
بقتبس من كلامك شوي



لما كنت صغيره كنت دلخه ومفهيه على الاخرررررر
بالضبط نفس الشعور

جلست شوي عندهم وانا اناظر الساعه الحائطيه ( الله واكبر يالساعه

راسمين لهم بقلم رصاص على فلينه دويره وناغزينن بها عود

اسنان وحاطينها تحت اللمبه بزعمهم الساعه الشمسيه
على الاقل احسن مننا
حنا حاطين جرّه كبيره وفيها مويه تحت الشمس
ومرقمين الجرّه
وكل مانزل مستوى المويه يعني راحت ساعه
وهذه الطريقه يستدل بها على الوقت في عهد الاتراك>>متأثره من الدراسه
نيكولاس:أحبك..

انطونيلا: وانا كذلك
يوووووه
مصورين ابوي وامي في شهر عسلهم
والله عيب عليهم>>>ماخذه مقلب في نفسها
اطيير للحمام و اقعد اصيح ياربييه وش هالفضيحه محد سواها قبلي

طلعت و تعوذت من ابليس و قلت شكل الحمل كذبي
مريت بهالمرحله
رحت قريت اوراد الصبح و المساء عشان اذا مت ادخل الجنه

لا لا
عاد انا يوم اني قررت انتحر
قرأت اوراد الصباح بس
لان قرار الانتحار كان الساعه 9 الصباح
والمسا كتبت لامي في وصيتي تقراه لي>>>>كسوله بالفطره
جبت فليت و غمضت عيوني و تشهدت ثم سميت.. خلص الفليت و طلع من

الغرفة انواع الذبان و الصوارير و انا ما طقيت له خبر !
الظاهر انك مااستخدمتي فليت بف بف
مره ثانيه مالك الا بف باف((اسئل مجرب))
اسد خشمي يقالي بكتم

نفسي بس دلخة اتنفس مع فمي و لا صكيته بيدي ارجع اتنفس مع

خشمي.. بحلت بعمري انا
خخخخخخ
الروح حلوه
تصدقي
انا لفيت وجهي بفوطه وجلست ربع ساعه ومامت
اكتشفت اني مسوية لي فتحات اتنفس منها



بس تعبت وانا اقتبس
هع
يسلمو يامصرقعه
بايو

[عسل]

يا حليلك نبض بض

يومك اصغر من ست سنوات ماتعرفين ابليس

الحين صار تلميذك وطوع بنانك < وربي اني مو سهله


بس والله يا انا مستانسه

من جد على بالي بس انا اللي اتخيل

وافكر افكار شينه وممنوعه من النشر

اثاري كل البشريه.

حلو نبوضه اجل باضيفك ماسنجر الليله هع هع هع


تسلمين يا خلفهم على هالرد الانشكاحي


عسوووووووله

[تشيز كيك]

ههههههههههههههههههههههههههااااي

الله ياخذ بكلّتك ياخبله .... قمت أشاهق من الضحك ...

منتي صاحيه والله


ههههههههههههههههه اجل نفاس هاااااه



يااااااااا ويلي اذا هذي ( بعض ) من دلاختك:D


على هالحاله اذا كل وحدة حبت هع هع كم ولد بيكون عندها


>>>>>صدقت يحليلي بريئه :)

ههههههههه عز الله لو كان صدق الموضوع كان رجعنا لوأد البنات خخخخخ




نيكولاس: صدقيني حبيبتي لن استطيع أن اتزوج بك!

انطونيلا: إذن فلتنسى أن لك طفلاً ينمو بأحشائي!

انا:
مسرع توهم حابين بعض ما امداهم يعرسون بس هو قالها انه

ما يقدر يعرس عليها! و هي حامل

واقعد اقلبها بعقلي..و استنتجت ان الحمل يحدث بالحب


^
^
^


هههههههههههههههههههههههههههههههههههههههههههههههههه ههههههه

يلعن ام النظرية يا عسل بنت نيوتن ابد ما عاقت معك والعالم مشقين

نفسهم تحليلات وملعنة خيّر ومختبرات ..

وانتي في ظرف ( لقطة تمثلية ) قررتي كلش :D



ما فيني اقتبس الموضوع كله يالخبله... سلام:)



تشيزكووو

[عسل]

هلا بالشينه


انتي تشاهقين خلقه وش الي قمتي تشاهقين


لاتقعدين تتبلين علي هع هع هع



ياشيخه صدقي وش وراك

بس نصيحه اذا بتحبين واحد حبي واحد اطخم مثل بيكهام



على الاقل تحسنوا النسل خخخخخخخخخخخخ


يسلمووو حبيببة البي

واعذريني على الرد السريع < بتروح تعطي الخروف برسيمه خخخخخخخ




عسوووووووووووله < وهل يخفى القمر:m22:

[السلطان]

خخخخخخخخخخخخخخخخخخخخخخخخخخخخخخخخخخخخخخخخخخخخخخ

زين اذا كنتي تعرفين شي اسمه حب وانتي صغيره,,:D

انا وحسب خبرتي البسيطه بذاك الوقت توقعت ان التلقيح يتم زي الحمام بالضبط,,يعني يجي الواحد مسرع الين يوصل المدام بعدين يرسل عليها وحده من البخاخ الخلفي ماتخرش الميه وبليلتها تحمل,,:p

بس احلى شي وانا اتخيل شكلك وانتي بزر وحاطه يدك على فمك وتركضين للحمام خخخخخخخخخخخخخخخخخخخخخخخخخخ

وبعدين من جدك نصدق انك ماتعرفين شي وانتي صغيره,,,

انا حسب ماسمعت ان ابليس كان زميلك بالروضه,,:p

قال برااااءة قااال خخخخخخخخخخخ

بس المقدمه خاااالعه ياعسل القاسم:D

يسلمووو عسووله هانم وكل عام وانتي بخير:)

بيــــــــس ياعسل:)

[الريمي]

مااقول الا ياملا الصلاح والغنيمه .. وغنيمه هنا اخت صلاح .. ولاهم بعاد عن يامال الشام

لعنبوا غيرتس وش ذا الدجه ..

اما بالنسبه لسؤالتس المطروح حول كيفية جية العيال .. ثارني اشوى منتس ..

انا اخبر ان بعد الحب العرس .. وطوالي اول ماتعرس البنت تحمل ..

ويوم اني بزر .. من زود حبي للبزارين بغيت اعرس على اخوي :rolleyes:


عسوله تبين الصدز عاد .. تراتس ضيقتي صدري ..

ياختي لي 10 سنين عاشقتن لي فنان العرب .. ولا بعد احمل

ليكون مااجيب عيال ؟؟ :l,k: (( اسم الله علي ))

يعطيتس العافيه يابعدي على موضوعتس الفاصل << اشبكيه

[عسل]

السلطان


يا حليلي وانا بزره كان حدي الحب اياها ( الفصفص ) خخخخخخ

بس خل عنك والله كنت مثقف على هالمعلومات حقت الحمام الله يرجك خخخخ


بعدين لاتظلمني صح ابليس كان خويي بس مو بالتمهيدي

لا برابع ج هع هع


مرسيه على الرد وكل عام وانت اطخم من ذي قبل :d34:


عسوووووووووووووووووله

[عسل]

الريمي

ارحبي يالريمي ياللي من ريحة عندما < كانها غثتكم بهالسالفه

والله انتس رهيبتن بالحيل ..يعني البنت تعرس همن تحمل

يعني مارحتي بعيد عن المعلومه الصحيحه ..ماطاح بس انبطح < وش دخلها

واشوا انك ما جملتي من فنان العرب ..ترا عيونه صغار

يجون بزرانك ما هنا عيون ماغير شخوط < تسمع بالمفردات:D

الله يعافيتس يادنيتي < غزل على السريع



عسوووووووووووووووووله

[العبص]

والله من القص واللصق

تحيااااااااااااتي


عسوووووووووووله


إلى الأمام




دعااااااااااابة عسوووووله



هواوي