قصيده اجبتني للشاعره عابرة سبيل قبل وفاتها

[يزيد 2006]

الســــلام عليكم ورحمة الله وبركــــــــــــــــاته ,,,


هذه قصيدة اعجبتني للشاعرة عابرة سبيل (الله يرحمها ) ..

حيث قالت هذه القصيدة قبل وفاتها بساعات وكانت موجهه القصيده لزوجها ..

كانت (عابرة سبيل ) مريضة وعلى مشارف الموت ..

وكان زوجها يبشرها بأنها بخير ..

حيث كان يعمل الذبائح استبشاراً لها بأنها بخير ولعدم تذكيرها بمرضها ...

بينما كانت تعرف (عابرة سبيل) بأنها قد تموت بأي لحظة ..

أنظروا لهذا الوفاء من الزوجين .....


كتبت (عابرة سبيل) هذه الابيات موجهتها لزوجها ..



--------------------------------------------------------------------------------

ترى الذبايح وأهلها ما تسليني..أنا أدري ان المرض لايمكن علاجه..

أدري تبي راحتي لا يابعد عيني...حرام ماقصرت ايديك في حاجه..

خذها وصاية وأمانه لاتبكيني...لو كان لي خاطر ما ودي ازعاجه..

ابيك في يديك تشهدني وتسقيني.......امانتك لايجي جسمي بثلاجه..

لف الكفن في يديك وخل رجليني.....ماغيرك أحدٍ حسناه واحراجه..

ابيك بالخير تذكرني و تطريني.....يجيرني خالقك من نار وهاجه..

سامح على ماجرا بينك وما بيني....ايام نمشي عدل وايام منعاجه..

أعيالي همي وانا اللي فيّ يكفيني....علمهم الدين تفسيره ومنهاجه..

[ملكة الهدوء]

خذها وصاية وأمانه لاتبكيني...لو كان لي خاطر ما ودي ازعاجه..

ابيك في يديك تشهدني وتسقيني.......امانتك لايجي جسمي بثلاجه..



صح لسان شاعرهــا

ويسلم احساس ناقلها

قصيده في قمة الروعه والأحساس


لكـ الود

ملكه

[نااايف الحربي]

عليكم السلام ورحمه الله وبركاته

هلا وغلا يزيد2006 ويعطيك العافيه

على هالموضوع وصراحه قصيده

روعه في الابداع للشاعره عابره

سبيل الله يرحمها ويغفر لها

لك تحيتي ومنتظرين جديدك

نايف البدر

[حموودي العتيبي]

هلاا وغلاا يزيد

يعطــيك العاافـية يالغالي

والله يرحم الشااعـرة

تـسلم لـنا

قصـيدة في غاية الروعـة ومأثرة

لا تحـرمنا جديدك

لك تحــيتي

محمد العتـيبي