من الافضل خالد عبدالرحمن <مخاوي الليل>او راشد الماجد.تصويت .الكل يشارك!

[Mr.SmRmDi]

السلام عليكم ورحمه الله وبركاته


كيفكم دشير وسلنتح ورجاجيل وحريم


ابخش بالموضوع عرض



اشتد نقاش بيني وبين داشر وخكري من الافضل خالد ام راشد وقال نشوف عالنت من الافضل ونبغى ياشباب نشوووف رايكم من الافضل وياليت من الادراه تثبت هالموضوع كم يوم ,

وبس
ونبغى تفاعل مو برد مثل كل مره.

[قلم بنص ريال]

ياهـــلاا بالسمرمدي


وعليكم السلام ورحمة الله وبركاته .,


بالنسبه لي انا (( راشد الماجد ))


بتقول ليه راشد


اغانيه منوعه الفن اللى يقدمه من كل صنف ولون


اذا قلنا اللحان او الكلمات .. ولما يصدر له شريط تلقى فيه

اكثر من لحن يرضى كل الاذوق ..


وخالد طبقات صوته ... ما يناسبها الا الحان خالد

والحانه لو تسمع اول شريط له واخر شريط تشوف

ان ما فيه فرق بينهم ...




هذا بأختصار تبي استرسل لك واقرقر اكثر علمني !!






ياخوفي يا السمرمدي تقلب علينا اذا طلعت الاصوات اكثرها لراشد خخخخخخخخخخخخ



بس خل روحك رياضيه



قلم بنص ريال

[ناااايف]

وعليكم السلام ورحمة الله وبركاته

كلهم عمالقة في الفن

بس انت قلت تصويت ولابد نصوت


من وجهة نظري ان الفنان راشد الماجد أفضل من خالد عبدالرحمن

يعني اصوت ( لراشد الماجد )


راشد الماجد يعرف كيف يختار كلمات الاغنيه واللحن الخاص فيها

فنجده في كل شريط يأتي لنا بلحن وكلمات مميزه وجميلة

وطبقة صوت راشد جميلة جداً يطرب لها المستمع


خالد عبدالرحمن فنان كبير وله جمهوره

ولكن طبقة صوته لايجيد فيها الا لحن معين

ونلاحظه في السنوات الاخيره لم يأت بعمل مميز


يعطيك العافيه مستر سمرمدي

[عسل]

لا بديل عن الفن الاصيل


(( راشد الماجد ))





عسووووووووله

[البنت التوب]

مرحبتين

انا اصوت لرااشد الماجد


صحيح خالد فنان وله جمهوره الكبير ومايحتاج شعبيه كبيرة

بس احس له نوع خاص في الاغااني مايتغير ويعصبني شوي (شئ شخصي:p)


توووووووب

[الجوهرة]

هلااااا فيك سمرمدي

والله ما ودنا نخيب املك

لكن لكل انسان ذوقه.. ومثل ما قالت التوب ابونايف

فنان قدير وله معجبيه وجمهوره وانا وحده من اللي تعجبني

" بعض " اغانيه..

لكن برايي ان راشد الماجد ..افضل منه باشياء كثيره.

لذلك اعطي صوتي لسندباد الخليج:)

يعني خالد هو النوموني لهيدا اليوم خخخخخخخ


ولعيونك يتثبت الموضوع .



الجوهرة

[سرفيس]

هلاااااا سمرمدي



الافضليه اكيد لراااشد


مافي مقاارنه بينهم وااحد من يوم عرفنا الفن وهو يغني والثااني ماعرفناه الا ايام ازمة الخليج



واحد يعتبر مكسب لاي مهرجاان عربي والثااني مايعرفه الا الخليجيين



واحد ماخلنا لوون الا وغنى فيه ولا خلا لهجه الا وغنى بها

والثاااااااني ماعنده الا لوون واحد واللهجاات ماله الا سنه من يوم غير عن السعوودي بأماراتي



وش جاب لجااب ياسمرمدي

مافيه اي وجه للمفاضله


المفروووووض سؤالك يكون من تحب خالد والا رااشد



على العمووووووم انا اكيد مع رااشد الماجد




سمرمدي يسلموووووووو على الموزوع القميل



اخوووووووك سرفيس

[**جلابص**]

هلا بالسمرمد كلهم وحقنا بينهم هههههههههههه

الزبده

بصراحه خالد عبدالرحمن آيام زمان كان صح افضل من راشد بكثير بس من عقب اشرطة عقد وسوار والطقه ويوم بدء يتفلسف ويصلح لي فيها عاشق ورومنسي وانا غاسل يدي منه وبصراحه اغانيه صايره تجيب الهم ومن زين الطبايع يسوي فيديو كليب وما غير يتمشى لحاله تقل موسوس

لذلك انا اقول راشد افضل بكثير لأنه عرف يرضى اغلب الأذواق ومتنوع بأغانيه

[*المنتهي*]

وعليكم السلام ورحمة الله وبركاته

بصراحه إنك أحرجتنا يا السمرمدي!
مثل ما قال اخوي نايف أنهم يعتبرون
عمالقة في الفن ومن وجهة نظري أن
كل واحد منهم له طريقته الخاصه في
طرح مالديه من قدرات وهذا يحد من
عملية المقارنه ويصعبها شوي

أنا أصوت لخالد عبدالرحمن لأنه ومن
وجهة نظري الخاصه أعقل من راشد
وما تمادى في الفيديو كليبات وهذي
نقطه ترفع رصيده عندي وتخليني أكيد
أحترمه وأحترم الفن اللي يقدمه بغض
النظر عن الجديد والتجديد

راشد الماجد ليس بحاجة للمصخره اللي
قاعده تصير في الفيديو كليبات اللي قاعد
يصورها ولو جاء الفيديو كليب بشاشة
سوداء من أوله لآخره كان طربنا لصوته
وكلماته المنتقاه بشكل رائع يجذب الجمهور
ولكن نسأل الله أن يهديه وينتبه إنه كذا
قاعد يسوي دعايات للرذيله والله أعلم

آسف طولت ولكن كان لابد أن أوضح
وجهة نظري لتكتمل الصوره وشاكر لك
الموضوع وجهدك المبذول

*المنتهي*

[نبض القصيد]

هااااااااااااااااااااااااي
بصراحه مافيه وجه مقارنه بين خالد عبد الرحمن وراشد الماجد>>>صًريحه تقولها بالوجه على طول
خالد عبد الرحمن على عيني وعلى راسي بس اعتقد انه فنان الجيل القديم واغانيه كلها متشابهه اللهم الكلمات تتغير
لاكن الفنان راشد الماجد متنوع في اغانيه وتحس انها تناسب كل الاجيال((ماادري من وين اخذت هالجمله))
وانا صوتي وصراااخي كله لراشد الماجد
بايو

[آيس كيوب]

هلا سمرمدي


راشدالماجد بدون جدال

[نواف]

هلااااااااااااااااااااااااااااااااااااااا

بابو السمرمد..

مثل ماانتوا شايفين اكثر السحالي يصوتون لراشد الفارس<=والله من الدجه عندك


اوه اوه اقصد راشد الماجد ......


راشد... يعتبر من الفنانين اللي يكثرون من اغاني الرومانسيه خرابيط الحب وماني عارف ايش


لكن اذا طالعنا بخالد اغلب اغانيه تكون من الشعر الاصيل او من اشعاره هو بنفسه ومن هذي النقطه

تحصلون الناس يحبونه اي بالاحرى له شعبيه .....بس الكلام هذا كان ينطبق عليه اول

لان الوقت هذا اذا الاغنيه مافيها حبيبي وحبيبتي مايمشي سوقها واعتقد كلكم تشاركون الرأي..


عالعموم انا طولت ...

انا اذا بصوت راح اصوت لخالد عبدالرحمن مع احترامي للسحالي =>يحبون راشد


اخيرا تحياتي لكم ....


نواف

[Mr.SmRmDi]

من جد وبدون نقاش اكثر اللي صوتوا لراشد ماعندهم سالفه


والف الف الف شكر لنواف واخوي المنتهي


بس ياناس بالعقل فيديو كليب يكون الواحد لوحده زي ماقال واحد هنا يكون موسوس والا بنات ومناقز هذا دليل ان الاغنيه ماانتشرت اصلا ونشرها بمراقص هالبنات


وين اغاني صارحيني وتقوى الهجر ومثل العسل وطوينا صفحه الماضي وانا اللي يسليني و و و و وكثير والله اتعب لما اقول بس مااقول انت ياجيل النيدو خلكم بخكريكم هذا اللي تسمونه راشد وربي حرام يصير الادمي هذاك سعودي كبيره عليه سعودي.
مع احترامي الشديد لكم جميعا فاقول للي صوت لراشد ان ماعنده سالفه. وبس

[ناااايف]

السلام عليكم

ليه ماعندنا سالفه سمرمدي افاااا

الموضوع موضوع ترشيح من الافضل بالفن خاالد او راشد

محد تطرق للفيديو كليب ولا جاب طاريه مثل ماقلتوا :l,k:

حنا نتكلم عن اختيار الاغاني واللحن

وانا متأكد انه اي اغنية فيها رقص انكم مسنترين قدامها :ert:

الفنان يقيم على اداءه وبس

لو نقول من الافضل راشد والا خالد والا ابو نورره

من تختاار أكيد الكل بيتفق على ابو نوره لانه فنان بكل المقاييس ;d5:

وتكفى راشد شهادة ابو نوره فيه

حناا بعد نقدر نقول الي اختاار خالد ماعنده سالفه بس الحق يقال خالد فنان كبير

لكن مانبي التعصب يكفي الترشيحات الي شفتهاا

يمكن انت متعصب شوي .


تحياتي

[قلم بنص ريال]

:468:


يالسمرمدي وسع صدرك


انت سويت تصويت وانا صوت ..


تجي تقول لي مالى سالفه ؟؟


يعني الغلط طلع عليه الحين !!!


واذا تبي الصدق

لو انك قلت مين افضل خالد عبدالرحمن او عزازي والله انا اول واحد يصوت

لخالد .. بس المشكله انك حطيته مع راشد عشان كذا ما حصل نصيب له


يالله الجايات اكثر بس المهم وسع صدرك انت ولا تحسب ان كل الناس

ذوقهم واحد ..



واهديك اغنيه راشد الماجد ( الا يا مطوله صبري ) اتمنى تسمعها



قلم بنص ريال

[Mr.SmRmDi]

يانااااااااس

بكل شي نصوت بالاخلاق والصوت والفيديو كليب حتى بالشكل




بس اللي يصوتون لراشد اهديهم اغنيه صارحيني وتقوى الهجر ووين انت قبل اللي مضى من سنيني.بس

واذا تقدر يانايف تنزل الاغنيه اللي عندك وين انت قبل اللي مضى من سنيني بموضوع خاص حتى يحكموا.هع

[عسل]

سلام سمرمدي


والله انك رهيب ياشيخ

اجل ليه تتعب حالك وتحط تصويت دام تبينا بالغصب نرشح

ابونايف ..كان حطيت التصويت بين خالد عبدالرحمن وخالدعبدالرحمن

عشان بكذا تضمن انه هو اللي يفوز خخخخخخخ

كل واحد وله ذوقه وله فنان يطربه ومو بالضروره اللي يطربك انت

يطرب غيرك!!

ومو معقوله تفرض ذوقك علينا وتحكم بان ماعندنا سالفه عشان

ما رشحنا خالد

يعني بالعقل لو بنحكم على عدد اللي رشحوا بموضوعك هذا بس

راح تطلعون ماعندكم سالفه لا انتم ولا حتى شغالتكم < تحمست


وللمعلوميه ..اي واحد يحط تصويت او حتى نقاش عليه ان

يتقبل راي الطرف الاخر بكل رحابة صدر..لانه خيره ما فرض عليه فرض:)


وللمعلوميه الثانيه انا من متابعي اعمال خالدعبدالرحمن واستمتع

ببعض اغانيه ..مثل تقوى الهجر والمرايا وودعت جرحك

لكن راشد يطربني اكثر بتنوع اداءه :)



عسووووووله < ام انطونيو

[طــحــنــون]

سلاااااااااااااااااااااام

بعدين تعال فيذا يالسمرمدي عناد لك انت وخشتك الممشقه اصوت لراشد خخخخخخخخخخخ

من جد الحق حق وانا اخوك ومن الظلم انك تقارن راشد بخالد لان كل واحد منهم فيه اللي يميزه وفيه اللي يعيبه


وبداية خالد كانت حلوه وحصد جماهيريه كبيره في بداية وهالجماهيريه مازالت تتعاطف مع خالد يبي يشوفون منه رجا بس للاسف خالد خيب كل التوقعات وصار يذكر باغانيه القديمه وبعدين تراه مصخها ودبل تسبودنا من كثر مانشوف صوره في كل مجله مابقى الا نشوف صوره لخالد وهو يتروش خخخخخخخخ

ومن وجهة نظري ان الفنان اللي حياته غموض هو الفنان الناجح لان الفنان لو كثر من الترزز في المجلات والجرايد يسبب سمنه او بالاصح تخمه (صبه و احقنه) في عقل الجمهور ويكرهونه كن مافيه الا هو سعودي خخخخخخخخخخخ

وهذا ميزه في الفنان راشد وهي قلة ظهوره اعلاميا وبهالحركه يخلي جمهوره متلهف لشوفته وسماع جديده

وخذ عندك اهم شي وهو الصوت وبهاذي اطلع من مخي انت وخالد من مخيخي
راشد طبقات صوته تطرب بعكس خالد اللي تحس انه مغصوب يغني وصوته يعتبر اقل من عادي

ولو جينا للالحان راشد من بداياته وحتى هذه اللحظه كل يوم يطلع لنا بشي جديد ورايق ويجبرك تسمعه ولاتنسى انه يرضي جميع الاذواق واكبر دليل شهرته في العالم العربي
وماودي اظلم خالد والحانه القديمه ما عليها كلام ابد بس حده دول الخليج ماعدا ابويمن خخخخخخخخ

وقبل ما انسى فيه نقظه تحسب لصالح خالد بس ما ترجح كفته (كفته والا مصقعه)<==سماجه فنيه خخخخخخخخخ
اللي هي ان خالد شاعر وملحن وفنان ومع ذلك يبطي انك تقارنه براشد الماجد

ادري اني قرقر وزاد بس الحق ينقال يالسمرمدي والمثل يقول من يبي الدح مايقول اح <==وش دخله بالموضوع خخخخخخخ

[السلطان]

انا اكره راشد الماجد شخصيا لانه متعالي ومغرور و..... لكن احب اغانيه,,

واحب شخصية خالد عبدالرحمن وتواضعه ولكن اكره اغانيه لانها كلها شعبية واحس انها ماتصلح الا وانا راكب جيب والا ددسن وفي البر,,:D

وبنفس الوقت لايمكن اسمع راشد الماجد في البر,,,:D

خالد معروف على المستوى الخليجي بس,,,اما راشد شعبيته على المستوى العربي,,

تذكرت موقفين صاروا لشباب اعرفهم,,

واحد منهم يشتغل بالجوازات وبالتحديد على الجسر,,يقول راشد الماجد اذا مرنا يمرنا باسطول سيارات ولاينزل ولانشوفه وانواع الغرور والتعالي وخصوصا على الشباب;)

اما الموقف الثاني حصل لواحد مع خالد عبدالرحمن,,يقول كنت واقف عند اشاره والتفت للسياره اللي جنبي الا هي مرسيدس "شبح" من عام كح وابلع:D وعليها خالد,,<<بس ماكان حاط جل على شعره خخخخخخخخ

يقول يوم وقفته ابي اسلم عليه,,وسلمت عليه حسيت اني اكلم رجال وعزمني على القهوه وماادري كيف يعني فيه رجاء,,مو مثل ابو دمعه الخكري,,

وبالنهاية انا اصوت لابو خدود راشد,,,<<ماسوى عليه هالترشيح:p

وتحياتي مسيو سمرمدي:)

بيــــــــس:D

[عرش المحبه]

بصراحه كل من الفانين
راشدالماجد وخالد عبدالرحمن
فنانين كبار
وكل واحد منهما له جمهوره
ولكن الافضل راشد