أسـ الغرام ـير
23 Dec 2005, 10:34 PM
عندما يحلق المجنون في فضاء الجنون
عندها تصبح رحلة المجنون مليئه بالاحداث الجنونيه
على الصفحات سطرنا وتبـدى رحلـة المجنـون
على جنح الخيال اللـي يشيـل افكـار مجنونـه
بدينـا يالله الخيـره نغنـي بالقصـيـد لـحـون
لجل طـرق ٍ يعانقنـي واجـاذب نغمـة لحونـه
تولم ياقلم واكتـب ترانـي قمـت اخيـل مـزون
اخيل ان الشعر وبـل ٍ اشـوف بعينـي مزونـه
ما دام ان الشعر نزف ٍ عسى نزف القلوب يهـون
عسـى ذاك الجنـون اللـي سكنـي زاد بفنونـه
نبي ناخذ ونعطي بالشعر معنى علـى المضمـون
ولا به خير في شعر ٍ يعاكـس صـدق مضمونـه
حرام اني لخلي من قـرا نزفـي يجـي مفتـون
حـرام انـي لخلـي كـل هالعـالـم يغنـونـه
سما ياشعر وارقى بالسما حلق / عليـك عيـون
جناحينك جزالـة شاعـر ٍ ينظـم علـى هونـه
سما فوق السحاب اللي يجي تحتك وهو مغبـون
سما حول الثريـا والجـدي ابغـاك مـن دونـه
انـا والله لا منـي كتبتـك يعتريـنـي جـنـون
نسيت الكل من حولـي وعقلـي هـام بجنونـه
ادوّر فكرتي وابحث عن الغالـي عـن المزيـون
ادوّر مـا يميزنـي لـجـل خـفـاق مزيـونـه
لجل اكسب غلاهـا وامتلكهـا والبشـر يـدرون
لجل لا من قـرت نزفـي تجينـي حيـل مفتونـه
سقى الله قلبها اللي يوم جيته والعـرب يحكـون
وانا اسمع في سوالفهم عن اللي ساكـن ركونـه
سكت اسمع سوالفهم ابعـرف سرهـا المكنـون
ابعرف مـن يبادلهـا الغـلا والنـاس يطرونـه
وضاع السمع وسط الهرج ابمسك للهروج غصون
وتاه الهـرج مـن أذنـي والا يامبعـد غصونـه
سألت الناس ياعالم ابعرف من هـو المضنـون؟
انا مليت من حكـي ٍ يغـث الـروح مـن لونـه
تعبت وتعبت اسماعي ولا ابغى تختلف بي ضنـون
ولا ابغى فكرة الشاعر تضيـع بزحمـة ضنونـه
وفجأه كل من حولي لزم صمته وهـو مشطـون
واحس بصوت من خلفي يحاول يخفـي شجونـه
واحس بقرب مخلـوق ٍ احسـه يتقـرب بمتـون
وضع كفـه علـى المتنيـن والمتنيـن بمتونـه
اقدم خطوتي بلفه وانـا ارقـب بالعيـون جفـون
وطاح الشوف بعيـون ٍ هدبهـا يحمـل جفونـه
ورمش ٍ لا نزل كله قوي فـي سطوتـه ملعـون
احـاول اقتـرب لكـن اشـوف المـوت بعيونـه
اناظر عينه اليمنى واشوف السيف لـي مسنـون
واناظر عينه اليسرى واشوف رمـوش مسنونـه
واطالع واثرها بنت ٍ تشيل الزيـن سحـر ولـون
ولون السحـر يازينـه تحتهـا العـرش يبنونـه
سقى الله صوتها اللي لا سرى يملا فضا هالكـون
سعمته يومها تحكي وضعت شهـور فـي كونـه
سمعت حروفها غنت تعزف الضـاد ويـا النـون
سمعت اجنونهـا نـادى : مـدد ياضـاد يانونـه
بدى منها الحكي قالت : هلابه حيل بـن خلـدون
هلا يالراوي اللـي جيـت تبغـى قلـب خلدونـه
اذا انك جيت تسألني من اللـي ممتلكهـا ركـون
تعال وشوف خفاقي من اللـي صـار مضنونـه
تدلل واخذ خفاق ٍ عشق شعـرك عشقـه فنـون
تولم جيـت لـك بنـت ٍ عليهـا العلـم دندونـه
انا لي قلب ينبض لك غلا يـوم البشـر يبغـون
بغوا نبضه لهم يمشـي علـى الهقـوه يتمنونـه
انا لي عين تنظـر لـك نظرهـا يستمـد العـون
نخى جفني نخى رمشـي وقـال الدمـع ياعونـه
ملكت الروح يوم الروح ترخص لك مع المليـون
تغلغل حبك بروحـي وصـارت فيـك مشطونـه
يعيـش الحـب لـو ان الخلايـق كلهـم يفنـون
ويبقـى حبـك بقلبـي لـو ان الخلـق ينفونـه
هنا وقف حكيها وانتفض لجـل الحكـي دنـدون
وبدى نظم القصيـد اللـي اريـد الكـل يقرونـه
بدى ذاك الجنون اللـي بغيتـه يرسـم الميسـون
وحيا ذاك الخفوق اللـي بغـى بالحـب ميسونـه
انادي بأسمها غـاده وانـادي والعـرب يوحـون
واعلي الصوت ياغـاده ابـي هالنـاس يوحونـه
ياغاده نعنبو جـد الغـرام اللـي يجـي بطعـون
خذيتـي ذنـب خفـاق ٍ هلـك يابنـت بطعونـه
حسبتك في هوى غيري وغيري معترض لي دون
حسبتك ميتـه بعشقـه وفيـه النفـس مرهونـه
ملكتي كل ما فيني وعقلـي فيـك هـو مرهـون
ترا لك وسـط خفاقـي مشاعـر حـب مدفونـه
عشقتك كثر ما يعشق حـروب الدهـر نابليـون
هويتك كثر مـا يهـوى صغيـر السـن بالونـه
احبك كثر ما نكره يهـود الارض مـع شـارون
كثر ما نبغض امريكا تجي فـي صـف صهيونـه
احبك كثر زخـات المطـر يـوم البـدو يرجـون
سحابة صيـف وسميّـه الـه الكـون يرجونـه
احبك كثر ما ينبت مـن التيـن ومـن الزيتـون
كثـر نبـت الخزامـى والنفـل واللـي يحبونـه
تعالي واجلسـي جنبـي بغنـي بالقصيـد لحـون
بغني لك سمـا ياشعـر حلـق/ وانتـي لحونـه
من ابداااااااااااااااااااااااااااااع
مسعد بن مدلج
عندها تصبح رحلة المجنون مليئه بالاحداث الجنونيه
على الصفحات سطرنا وتبـدى رحلـة المجنـون
على جنح الخيال اللـي يشيـل افكـار مجنونـه
بدينـا يالله الخيـره نغنـي بالقصـيـد لـحـون
لجل طـرق ٍ يعانقنـي واجـاذب نغمـة لحونـه
تولم ياقلم واكتـب ترانـي قمـت اخيـل مـزون
اخيل ان الشعر وبـل ٍ اشـوف بعينـي مزونـه
ما دام ان الشعر نزف ٍ عسى نزف القلوب يهـون
عسـى ذاك الجنـون اللـي سكنـي زاد بفنونـه
نبي ناخذ ونعطي بالشعر معنى علـى المضمـون
ولا به خير في شعر ٍ يعاكـس صـدق مضمونـه
حرام اني لخلي من قـرا نزفـي يجـي مفتـون
حـرام انـي لخلـي كـل هالعـالـم يغنـونـه
سما ياشعر وارقى بالسما حلق / عليـك عيـون
جناحينك جزالـة شاعـر ٍ ينظـم علـى هونـه
سما فوق السحاب اللي يجي تحتك وهو مغبـون
سما حول الثريـا والجـدي ابغـاك مـن دونـه
انـا والله لا منـي كتبتـك يعتريـنـي جـنـون
نسيت الكل من حولـي وعقلـي هـام بجنونـه
ادوّر فكرتي وابحث عن الغالـي عـن المزيـون
ادوّر مـا يميزنـي لـجـل خـفـاق مزيـونـه
لجل اكسب غلاهـا وامتلكهـا والبشـر يـدرون
لجل لا من قـرت نزفـي تجينـي حيـل مفتونـه
سقى الله قلبها اللي يوم جيته والعـرب يحكـون
وانا اسمع في سوالفهم عن اللي ساكـن ركونـه
سكت اسمع سوالفهم ابعـرف سرهـا المكنـون
ابعرف مـن يبادلهـا الغـلا والنـاس يطرونـه
وضاع السمع وسط الهرج ابمسك للهروج غصون
وتاه الهـرج مـن أذنـي والا يامبعـد غصونـه
سألت الناس ياعالم ابعرف من هـو المضنـون؟
انا مليت من حكـي ٍ يغـث الـروح مـن لونـه
تعبت وتعبت اسماعي ولا ابغى تختلف بي ضنـون
ولا ابغى فكرة الشاعر تضيـع بزحمـة ضنونـه
وفجأه كل من حولي لزم صمته وهـو مشطـون
واحس بصوت من خلفي يحاول يخفـي شجونـه
واحس بقرب مخلـوق ٍ احسـه يتقـرب بمتـون
وضع كفـه علـى المتنيـن والمتنيـن بمتونـه
اقدم خطوتي بلفه وانـا ارقـب بالعيـون جفـون
وطاح الشوف بعيـون ٍ هدبهـا يحمـل جفونـه
ورمش ٍ لا نزل كله قوي فـي سطوتـه ملعـون
احـاول اقتـرب لكـن اشـوف المـوت بعيونـه
اناظر عينه اليمنى واشوف السيف لـي مسنـون
واناظر عينه اليسرى واشوف رمـوش مسنونـه
واطالع واثرها بنت ٍ تشيل الزيـن سحـر ولـون
ولون السحـر يازينـه تحتهـا العـرش يبنونـه
سقى الله صوتها اللي لا سرى يملا فضا هالكـون
سعمته يومها تحكي وضعت شهـور فـي كونـه
سمعت حروفها غنت تعزف الضـاد ويـا النـون
سمعت اجنونهـا نـادى : مـدد ياضـاد يانونـه
بدى منها الحكي قالت : هلابه حيل بـن خلـدون
هلا يالراوي اللـي جيـت تبغـى قلـب خلدونـه
اذا انك جيت تسألني من اللـي ممتلكهـا ركـون
تعال وشوف خفاقي من اللـي صـار مضنونـه
تدلل واخذ خفاق ٍ عشق شعـرك عشقـه فنـون
تولم جيـت لـك بنـت ٍ عليهـا العلـم دندونـه
انا لي قلب ينبض لك غلا يـوم البشـر يبغـون
بغوا نبضه لهم يمشـي علـى الهقـوه يتمنونـه
انا لي عين تنظـر لـك نظرهـا يستمـد العـون
نخى جفني نخى رمشـي وقـال الدمـع ياعونـه
ملكت الروح يوم الروح ترخص لك مع المليـون
تغلغل حبك بروحـي وصـارت فيـك مشطونـه
يعيـش الحـب لـو ان الخلايـق كلهـم يفنـون
ويبقـى حبـك بقلبـي لـو ان الخلـق ينفونـه
هنا وقف حكيها وانتفض لجـل الحكـي دنـدون
وبدى نظم القصيـد اللـي اريـد الكـل يقرونـه
بدى ذاك الجنون اللـي بغيتـه يرسـم الميسـون
وحيا ذاك الخفوق اللـي بغـى بالحـب ميسونـه
انادي بأسمها غـاده وانـادي والعـرب يوحـون
واعلي الصوت ياغـاده ابـي هالنـاس يوحونـه
ياغاده نعنبو جـد الغـرام اللـي يجـي بطعـون
خذيتـي ذنـب خفـاق ٍ هلـك يابنـت بطعونـه
حسبتك في هوى غيري وغيري معترض لي دون
حسبتك ميتـه بعشقـه وفيـه النفـس مرهونـه
ملكتي كل ما فيني وعقلـي فيـك هـو مرهـون
ترا لك وسـط خفاقـي مشاعـر حـب مدفونـه
عشقتك كثر ما يعشق حـروب الدهـر نابليـون
هويتك كثر مـا يهـوى صغيـر السـن بالونـه
احبك كثر ما نكره يهـود الارض مـع شـارون
كثر ما نبغض امريكا تجي فـي صـف صهيونـه
احبك كثر زخـات المطـر يـوم البـدو يرجـون
سحابة صيـف وسميّـه الـه الكـون يرجونـه
احبك كثر ما ينبت مـن التيـن ومـن الزيتـون
كثـر نبـت الخزامـى والنفـل واللـي يحبونـه
تعالي واجلسـي جنبـي بغنـي بالقصيـد لحـون
بغني لك سمـا ياشعـر حلـق/ وانتـي لحونـه
من ابداااااااااااااااااااااااااااااع
مسعد بن مدلج