غــربة أثنين....!!

[أسـ الغرام ـير]

دورت في ليلة فراقك معزين..
ولا لقيت الا ابـــواب المدينه
وليل حزين وحزن ليل ومحازين..
ووجيه ناس في الشوارع حزينه
وآهات صدر فيه مثل السكاكين..
تطعن قفاه الذكريات اللعينه
وشاعر حزين يجوب كل الميادين..
من حر ما به قام يسكب حنينه
مره يشوف الناس حوله سلاطين..
بالسيف تذبح فرحته وسكينه
ومره يشوف الناس مثله مغابين..
يبكي وليل الهم سوّد جبينه
من حرته ما عاد دل العناوين..
ولا لقى في غــربته من يعينه
مكسورخاطره منجرح جرح سكين..
تحرق حطب صدره جروح دفينه
والله ما عمره رخص دمعة العين..
لين الزمان المر مرمر سفينه
ليلة شتا سميتها غربه اثنين..
الكل منهم طعنته من يدينه
ريح وحفيف اشجار منكوبه وطين..
وسيوف برد زادت الطين طينه
يا راحله رحتي وليتك تشوفين..
اللي عجزتي بالرضا تفهمينه
انتي رحلتي صح؟!طيب وبعدين..
نهايتك كانت نهايه حزينه

[قمر الشرقية]

هلا باسير

بصراحة شعر جميل

ولاكنه مؤثر

يعطيك العافيه

والله لايحرمنا من ابداعك

تحياتي لك اختك

قمر الشرقية

[أسـ الغرام ـير]

((**قمر الشرقيه**))
للعطر .. اراضي
وللورود بساتين ..
ولشذى الحضور ..
زفرات يسمع صوتها من بعيد ..
ولقلمكـِ حينما خط كلماته هنا ..
ايقنت ان للهمس روعه ..
وللذوق كلمات ..
وللابداع ميادين ..
فدمتى بخير ودام مداد ابداعكـ
وفي شوق لتواصلك معي

أعتزازي