ويقولون عنسنا!!!

[تشيز كيك]

السلام عليكم

امم اكيد طبعا sure , ofcourse ايه انتو كلكم تقولون وشتبي هذي:za:


اليوم ابي نتتكلم عن اسباب العنوسه < تحسونها تعاني:kr:

طبعا ماراح احصر كل الاسباب ..يعني اللي عنده اضافه يضيف



نبدا بالشباب:8u:


يدخل الولد مع ابوه يخطبون ويقعد يتشرط...

ابيها:


حلوة ... بيضة... رشيقة... طويلة... هادية.......شعرها طويل...... عيونها كبار.... مرحة.... رومانسية.... مثقفة


تعال نفصفص مواصفاتك اللي تبيها حبة حبة ..... اقول ما تبيها بعد تتحمل جو الخليج:t57:

------


حلوة : شوف بوهتك انت اول... شبيه العنز ما ناقصك الا مسلخ

بيضة: يرحم امك شوف وجهك بالمرايا وردد يا ليل مطولك

رشيقة: حاسب لا يطيح الولد اللي بكرشك.... الا ما قلت لي باي شهر؟؟

طويلة: تدور الطول وانت اللي ان سبحت بغرشة بيبسي غرقت

هادية: اي هدوء وانت اللي من شفت واحد يطالعك مردغته

شعرها طويل: اقرع .. وعيونك قوية...ياخي ازرع ... عبدالمجيد احسن منك.....!!:d4v:

عيونها كبار: يا ربي لك الحمد والشكر يالله لا تبلانا واحد فاتحين له عيونه بمشرط ويقول يبي عيون كبار

مرحة: تنكت يابو الشباب.....!!

رومانسية: ما دمركم الا المسلسلات المكسيكية........ اوحيبوووك يا خوسيه فرناندو


مثقفة: والله خبري انه الثقافة كانت بنت جيرانكم لكن كبرت وتغطت عنك وما قد حصل لك وشفتها بعد ما تغطت



تبغي الصدق عاد......قبل لا تتحمس روح سو لك كم عملية تجميل وبعدها يحق لك تتشرط

وعلى فكرة,,,

ترى احمد ربك انه هالبنت رضت بالهم (( يعني انت الهم)) والهم مارضى فيها:dd2d:





احس خلاص تحطيم ومهاوش.....




تعالوا يا بنات بعطيكم كم حل...



1-اول شي اذا تقدم لك واحد شوفي اخلاقه (عدل مدل) وبعدين شوفي خشته اذا ممكن تشوفينه ...

مب تاخذين لك واحد معفن حتى ما يغسل وجهه وتقولين اهم شي الاخلاق...

يعني لو عنده اخلاق من الاساس... كان حاول يعدل عمره يعني اذا اخترتي خذي الخلوق الزين





2-قللوا المهر يالنصاااااااابات ....... وانتو كثروا فلوسكم شوي يالشحاتين



3- انت ... لو كنت قوي تزوج على حرمتك 2 ولا 3 يعني خلهم 4 ,,, ولا تعنس بنات البلاد

وانتي...... اذا جاك رجال متزوج لا تقولين ما بيه لأ اقبليه وخليه ياخذ بدل الثنتين ثلاث واربع وعاد اذا صار

اللي حاطه العين عليه ماخذ اربعه خليه يطلق وحدة واخذي مكانها كفاية عليها تصير مطلقة ا

حسن من عانس يعني سوي اتاحة فرص خخخخخخخخخخخ


4- انتي.... بتتصفقين لو رفضتي المعرس لسبب تافه.. يعني مثلا اكمل دراستي... يالعنزة قولي انتظرني بس

بكمل اللي باقي لي من دراسة ونتزوج ع الاقل تضمنينه ولا طبخ طبختيه يالرفلة اكليه:OIU:

وانت.... لا تتشرط واجد...... ترى ما فيه بنت كاملة تناسبك يا تاركان العرب لو تشتري آلة على مواصفاتك احسن




همسة....

لكل اب وام...

قال رسول الله صلى الله عليه وسلم

«إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد عظيم»..


تشيزكووو

[ناااايف]

وعليكم السلام ورحمة الله بروكاته

تسلمين على طرح الموضوع تشيز كيك

موضوع يستحق النقاش

واصبح ظاهره خطيرة بمجتمعنا

والجميع تسبب فيه سواء الفتاه أو الشاب او اولياء الامور

المشكــلة هنا تنقسم إلى عدة نقاط في وجهة نظري وهي


غلاء المهــور وارتفاع تكاليف الزواج

يروح شاب بيخطب بنت الا يصكه أبوها بمية وخمسين الف :45:

صاير شريطي الاخ

يكره الشاب الزواج يروح براء السعوديه جاب وحده بخمسه الا ف

والا يمدحون الرخص بجيزان :8u:

خل بنتك عندك يمكن يرتفع سعرها

السبب الثاني هو العادات والتقاليد والتي مازالت موجوده حتى الان

البنت ماتطلع من براء القبيله والشاب عادي حتى لو تزوج صوماليه :D

السبب الثالث كثرة سفر الشباب الى الخارج لغرض السياحه والقصد واضح

والله من الي يشوفه بالمراقص ينسيه الزواج الله لايبلانا

اعذار البنت باكمال دراستها . او انه مو من مستواي الاجتماعي

خلاص اجل كملي دراستك واستني واحد من مستواك هذا اذا جاك احد

المفروض انه الحين طالع جيل مثقف جديد لا يؤمن بهذه الاشياء التي تكون السبب في عرقله زواجهم ..


تحياتي لكم

[عسل]

جبتها على الجرح وكنك مادريت ..<<الى الحين عانس:D


حلوة ... بيضة... رشيقة... طويلة... هادية.......شعرها طويل......

عيونها كبار.... مرحة.... رومانسية.... مثقفة << مو كانها مواصفاتي

بس ما شفت احد خخخخخخخخخخخخخ

المهم يالشباب الى متى يعني الواحد جالس في بيت اهله ويتشرط

هااااه الى متى بتقعدون كذا تاكلون وتشربون وتنامون ((اكل ومرعى

وقله صنعى ))

وتطلعون هاااه الى متى بتجلسون عزوبيه كذا ياخي علمونا عشان

ماننتظركم :xs:


صااادقه وربي انا مايمغص بطني ويغثني الا اذا جا لوحده خطيب وقالت

لا بكمل دراستي واظمن مستقبلي بعدين افكر ..وجع طيب حوليه علينا:8u:


تسلم براطمك تشيزكووو على هالموضوع اللي ينفس عن الخاطر:3we:




عسووووووووله

[آيس كيوب]

وعليكم السلام ورحمة الله وبركاته

هلا كيك بالجبنة

كلامك حلو ومنطقي ,, الا في بعض النقاط

أولا ,, من حق أي شاب إنه يتزوج وحده بالمواصفات اللي يبيها ,,

يعني تكون فتاة الأحلام اللي يحلم بها وراح يقضي عمره كله معاها:rty: ,,لاحظي , العمر كله , والعمر مش بعزئه ياوخيتي .:frd:

ثانيا ,, يوم إنك تتعيرين على الشباب وتقولين هذا بكرش وهذا شكله مدري كيف .. إسمعي الكلام ياحرمة:OIU:

الجمال للبنات مهوب للرجال ,, يعني مهوب ضروري يكون الرجال يشبه ولد كفوري والا ولد كروز , يعني يكون شكله مقبلو نوعا ما

وإذا كانت البنت تدور واحد وسيم يتزوجها .. عز الله بتبطي طوبة , يعني إذا إستثنيت نفسي وكم واحد :cool:,, يمكن تكون نسبة الشيون

مو أقل من 90 % , طيب والباقين وين يروحون ؟

وطبعا ماننسى الشروط التعجيزية من أهل البنت , مثل ماتفضلتي ياتشيزكو , البنت تبي تكمل دراستها , أوكيه تكمل دراستها

هذا حق من حقوقها ,, لكن وش فيها إذا تتزوج وتدرس ؟ بالعكس راح تكون مرتاحة أكثر , لكن المشكلة أحيانا الأهل يطلعون

بطلعات غريبة ,, على سبيل المثال ,, واحد من أصحابي من أهل جدة لكن مقر عمله في الشرقية ,, خطب ورفضوه بحجة إن البنت

ماتطلع من جدة , شئ يرفع الظغط والله .:gty:

وأيضا العادات والتقاليد أحيانا تكون عقبة ,, المهور المرتفعة ,, وبنتنا ماهي أقل من بنت فلان , وأحيانا يضطر إنه يدفع لعمتها

وخالتها وسميتها وبالمرة الشغالة والجيران وإنت ماشي

طبعا كلو كوم وإنك تتزوج وحده عمرك ماشفتها ,, وهاذي والله صارت لشخص أعرفه , سألته : شفت البنت وقت الخطبة ؟

قال : صاحي إنت ,, حتى أهلها ماشافوها ,, قلت له طيب بعد الملكة ماشفتها , قال أصلا لوأمر من قدام بيتهم وشافني ابوها أو أخوها

راح يصير ضرب نار إلى الصباح الباكر .

والرسول صلى الله عليه وسلم حلل النظرة الشرعية عند الخطبة ,, علشان يكونون على بينة , وكل واحد عارف اللي يبي يصبح بخشته

كل يوم .

الله يرزقنا اللي نتمنى ويوفقنا جميعا

شكرا تشيزكوو على الموضوع ,, والله يعطيك على أد نيتك

[goodfriend]

ياربي يوفقك دنيا وآآآآآآآآآآآآآخره على ذا الكلام اللي يبرد القلب ويشفي الروح

ماقصرتي يا أختي والله صرختي باسمنا واسمك ................ لكن من يسمع عااااااااااد

أذن من طين وأذن من سمنت

والله اني في قلبي قهرررررررررر :dkh:

ولكن خايف أكتب عنه وتقولون انهبل الولد ..... يحسب المنتدى زواج دوت كوم........ بس خلوني أفضفض لكم شوي وتكفون تحملوني يا خواني:kr:

هذا الموضوع صار بسببه نقاش بيني وبين أمي مرتين ولكن جميعها تنتهي بانتصار أمي وتحطيمي أنا:47:

ماسكه مثل مدري هو مصري والا سرلنكي قاااااااااااهرني تقول " قابلني ولاتأكلني "
ومثل ثاني أكيد انه حضرمي "بنات الناس موب بلاش" جمع لك ميه وخمسين ....ميتي عقبها فكر في العرس

تقصد اقطع قلبك ومشاعرك وعيونك وحطهن في فريزر أربع سنين على الاقل

طيب يا يمه والحديث اللي يحض على ذات الدين ........ تقول اجل تبي عيالك يصيرون متخلفين ثم وش تنفعك اخلاقها ذاك الوقت


أصارحكم والله اني كلمت خطابه بطلباتي ولكنها اعتذرت بأنها أول مرة تتلقى طلب مثل طلبي وانها مستحيل تسمح لها أمانتها وتغشني بأي بنت وهي ماتعرف حقيقتها

وشقيقتي تقول لاتكلمني في شي......... مالي دخل فيك ولا أعرف أحد يصلح لك

أما فكرة خطبة وانتظار البنت لين تخلص دراستها سنه او حتى ثلاث فهي فكرة يرفضها شرع المجتمع ومن يعرف أنه يفكر بهذا الجرم الشنيع سيتم نفيه عام وجلده بالكلام والتهزيء حتى يتمزع جلده.
تخطب شهرين أو أربعه بالكثير وتعرس ........ غير ذا الدستور غير معترف به لدينا


جسبي الله على ذا الحالة ........ صار الحرام بلاش والحلال مستحيل إلا لازم بجريمة سطو على بنك أو خطف بنت ناس ..... لكن ايش يضمن انها المطلوبه:h5:

ويلومون اللي ينحاش البحرين ودبي وآسيا:mad:

رغم اني مارضيت بطريقتهم لكنهم معذورين

شكلكم تظنون ان طلباتي فائقة الكمال والجمال الدولي وحتى شهادة الايزو ماقدرت تطبقها

بس أنا ماقلت للخطابة الأمينة غير هذي الأشياء ونبهتها اني ممكن أتنازل عن بعضها ..... وممكن يكون مقدار توفر الموجودة منها على الاقل 75%
لدرجة اني قلت لها ماعندي أي مشكله تكون مطلقة أو أرمله

1-ذات دين
2-ذات خلق ورزانة
3-ثقافة متوسطة على الاقل
4-جامعية أو على الأقل ثنوية لكن علمي

هذا أهم ماطلبت

وأضفت الثانويات

1-تجيد الأعمال المنزلية الأساسية
2-تسكن في مدينة الرياض
3-ليست مجنونة تسوق ولانقاقة ولاهمها طلبات وخرابيط
4-هدفها في الحياة رضى رب العالمين أولا ثم رضى زوجها وأهله

هذي باختصار مواصفات الملاك الخيالية .... وأدري حتى البنات بيقولون مستحيل تتواجد فتاة كذا على وجه الأرض:yy5:

ولي أكثر من سنة على ذا الحال وقرب يجيني هبااااااال:468:

ولكن أملي بربي كبير أنها تنقلب الحال و بنت الحلال بيوم راح تدق الباب وتقول هذا انا اللي تطلبها من ربك ليل ونهار



واللي ناوي فعل خير تكفون لايتردد ويدلني كان يعرف بنت حلال تستاهل وأنا بجد أتكلم

وياربي يوفقكم ويستر عليكم جميعا

[الجوهرة]

عاااانساتي سادتي خخخخخخ


قال تعالى " ان الله مع الصابرين "



يعطيك العافيه تشيزكو موضوع مهم جدا ويحتاج لنقاش

وان كنتي طرحتيه بشكل هزلي ..


من ناحية الشروط فكل انسان وله ذوق واكيد بيدور

الانسانه او الانسان اللي يعجبه لانه راح يقضي معاه العمر كله

مثل ما تفضل آيس كيوب.


قال الرسول صلى الله عليه وسلم (تنكح المرأة لأربع لجمالها ولحسبها

ولنسبها ولدينها فأظفر بذات الدين تربت يداك)

واعتقد انه مهما بلغت المواصفات فانها راح تصبح عاديه بعد فتره من

الزمن لان الانسان بطبعه ملول ...اذن الباقي هو الاخلاق والدين.


وبرايي ان غلا المهور هو احد اهم اسباب العنوسه

مع ان الرسول صلى الله عليه وسلم قال التمسوا ولو خاتم من حديد


الاسباب كثيره ومشتركه بين البنت والرجل والاهل..


تسلم الايادي تشيزكوو ..




الجوهرة

[البنت التوب]

http://songs.6arab.com/fa6ooma..hab-elsa3ad.ram


طلعت السطوووح هزَ الهوا كمي..كل البنااات تزوجي وانا قاعده جنب أمي:kr:

الله المستعااان

بس انا بكمل درااستي ماعلي منكم :Dخخخخخخخخخخخخخخخخخخخخخخخخخخ


لا والله جد..احس معظم الاسباب الي تعرقل(احلى)الزواج وتسبب العنووسه ماقصرتو ذكرتووهاا

يعني يجيك الشاااب يطلب مكااملات فل اوبشن:cool:..ومن زين خشته ..يعني ياايس كييووب لنا برضوو حق نصبح بوجه قمييل

ولا الاباااء اللي يغلوون المهوور وادفع لخالتها ولاامها..ودي اعرف وين هالاشياااء انا اسمع بها لكن ماقد صارت عيان قداامي؟؟

الشباب اللحين مايبي يتزوج الله يهديه..شاف له طريق ثاانيه يريح باله من مصاريف(في هذي ماالومه)ومن اشيااء اخرى الله لايبلانا:987:

وفيه حركه شينة طالعه للبناات هاليومين:ماتقبل بااول عريس..طبعا عشان لايقولون مصروعه ماصدقت اول وااحد تمسكت به برجلينها ويدينها..تبغى تحسس النااس انهاا مرغووبة<<الا من زود الجهل يالمغفله:za:

يااهووو..من ترضوون خلقه ودينه فزوجوووه

وبعدين في شغله ثانيه تنرفزني :OIU:

لما يجيييك في بعض العواائل بناتنا لااولااادناا واولادنا لبناتنا..يااخي غصب الشغله هي ولااكيف؟؟

يعني يكون الولد مغصوب عليهاا..ولا البنت شوي وتزفر في وجهه ماتبيه بس عشان مايقولون انها عاانس او محاافظة لدم العيله خخخخخخخخخخ بيصير نجس لوغيره يعني


الاا يزييد الامراااض الورااثيه..يمكن هذا موضوع ثاني بس من جد يعصب..في موضو ع الزوااج

وسالفة البنوتااات بكمل درااستي ماافيهاا شئ..بس نلقى احد متفهم ويرضى انها تكمل ومافي شئ لو طلعت واشتغلت واختلط بالمجتمع ممن هم من جنسها..طبعا هي رح تحترم نفسها انها متزوجة ولها بيت تحاافظ عليه ;d5:

وهووعلى عيني ورااسي مو انا اللي رح اكد على البيت سيدي وراس مالي:03: (الرجال قواامون على النساء)..لكن اذا انا ارجع قبله البيت وموفيته كل حقوقه ليش الرفض؟؟؟؟؟

اذا صار فيه اطفاال وقصرت في حقهم وقبل كل شئ قصرت في حقك..سااعتهاا اعطيك عذر..

طبعا الموضوع قضيه مشتركه بس الجنسين

هذا اللي عندي

ومشكووورة تشيزكوو على طرحك الجيد


تووووووووووب

[تشيز كيك]

نايف

الله يسلمك والله معك حق المفروض الجيل هذا

يكون مثقف ويعرف ويفهم الدنيا ويحاول يلغي هالعقبات



عسوووووله

هش هش مو هنا الفضايح فشلتينا

خليها باخر الليل بالويك اند خخخخخخخخخخخخخ



آيس كيوب

ما قلنا شي خذوا لكم حلوات تعيشون معهم كل العمر

بس حنا بعد راعوا مشاعرنا ،، نبي مزايين او حتى مقبولين


انت تقول ان الشيون بنسبة 90%

انا وعسل نبي 2 من العشره المملوحين الباقين خخخخخخخخ




تشيزكووو

[تشيز كيك]

goodfriend

يوووووووووووووه اثاري حتى انتم تعانون يالشباب

على العموم الله يرزقك بالزوجه الصالحه اللي تسعدك.



الجوهرة


الله يعافيك

واكيد ماراح يبقى الا الدين والاخلاق وحب الوطن:D



النت التوب


حرام عليك كذا

اغاني وزفه وش تبينا نسوي ننتحر < طلبناك هالمره

ماشاء الله عليك فصفصت الاسباب الله يعطيك العافيه



تشيزكووو