قصه من تأليفي (الجزء الثاني))

[نبض القصيد]

لجميع الا عضاء الذين يتسدحون والزوار المتمقلين دقو رايوس للجزء الاول
للي ماقرا الجزء الاول ترا الشرافه ماتضبط هنا مو هذا وقتها اذا تبون تفهمون الجزء الثاني
وربي ماراح تندمووون
اقرؤوووووووووووووووووووووووا
والله موضوع حلو
تعبت وانا اكتب
عزيزي الزائر او القارئ الموضوع يبغاله طولة بال فاذا كنت بخرشه من امرك نرجو منك ان ترجع فيمابعد
تنبيه : اخي القارئ الجائع لاتبدا بقراءة الموضوع الا وعندك شي تفترسه واللي عنده ضغط وسكر ياليت يخلي ادويته بجنبه

<<<<من زين الاسلوب مطوله موضوعه
الله من ثقل الطينه بس

نبدا بالجزء الثاني

<<<< ماعندها مقدمات داخله سيده


ويعقدي لي محي الدين حواجبه ويسود وجه
انا بيني وبينكم يوم شفته كذا خفت على عمري
ويصرخ بوجهي : هيـــــــــــــــــــه ا نـــــــتـــــــــــــــــــــا
انتــا ليس مافيه يقول انه فيه فلوس عسان في سيل سنب هازا ليس يعطي كالد فلوووووس هـــــــــاه


انا:
محي الدين : يالا جيب فلوووس
وليييه وليش ماقلت من الاول انت ووجهك خذ
طبعا المهم ونسوي الفيديو كليب مادري الاعلان لمحي الدين وننزله بالقنوات
قلت خلاص بدا الشغل مـر يوم ويومين ومافيه احد اتصل
واليوم الثالث وماحد اتصل
والرابع
الخامس قلت ماعندي امل خلاص باموت قهر يعني تعبانه ودافعه فلوووس وماحد يطلب اختراعي وقفلت الدنيا بوجهي وكعادتي لاقفلت بوجهي اقعد ادور في ذا البيت ادور احد احط حرتي فيه المهم وانا ماره الا اشوف ناصر ماسك سماعة التليفون وطاق سواليف اللحين نويصر ابو 3 سنوات ونص صار له مكالمات تليفون وانا ماحد اتصل يسال عن اختراعي
قلت خليني اجلس عنده واشوف الا واسمعه يقول

ناصر: وتو (( يعني وشو)) للي مايعرف اعلان للاخوان القراء نرجو استخدام قدراتكم في

الترجمه واللي ماعنده لغه ياخذ كورس ويرجع لنا عشان داخلين على فيلم طرمان

نويصر: انا .....انــــــا.......... ادول ........ ملــــه ..... انا......لحت......بعدين....هاه.....هاه...
لحت.....بعدين...انا....مله.....هاه.....
الله من قرادة اللي تكلمه بس
وقعد يناظر لي شوي وقال: ايه انت امي دالت بتدي................هاه..... وتالت امي هاه... فاصل اعلاني... قاعد يبلع ريقه...هاه .....وتالت لابوي انسالله تهون وتعلس نبضوووه
ونفتت.
عاد انا ترجمتها ايه انت بتجي و قالت امي لابوي انشالله تعرس نبوضه ونفتك افا يمه صايرين تحشون من وراي
انا طبعا وقف التفكير عندي شوي وانا لاوقف التفكير عندي بدا مخي يشتغل
من ذا اللي بيجي وفيها عرس
ياحسرتي هو واحد من اثنين يا يكون المتصل واحد بيخطب ويكون الغى الخطبه بعد نويصر
او ناصر يكلم 999 زي ذيك المره ويقص لهم قصة حياتنا

وبحركه بطوليه مني لانقاذ الموقف وامعط السماعه من يده قلت: الو ( الا ويرد علي رجال

يمه : ايوه نعم ( ايوه ونعم بالله هذي مو نفس المعني وش جابهم ارصهم مع بعض بس الفشيله شينه )

المتصل : الو اهلين مدام معك قناة ال بي سي انا سمعت الاسم من هنا انصدمت
وناصر لازق بي : ديبي ....ديبي.... حمــــــــــــــــــــالـــــــــــ
ـــــــه.. ( يعني جيبي حماره). ....ديبي التـــيــفون
ديــبـــيــه
والرجال قاعد يقولي: احنا بدنا نعمل مع الاخت نبوض مقابله
قلت:لحظه شوي
وابعد السماعه شوي واقعد افكر انا بحلم او بعلم
وذا نويصر نشب بحلقي يتدحوس عند رجولي
<<<<<<<<خخخخخخ يعني ترا طويله
ديبي التيفون ويصـــــــــــــــــــــــــــــرخ:
mad:
حــــــــمـــــــــــــــــــــــان
ـــــــــــــــــــــــــــــه (انا خبري بها حماله وش خلاها حمانه مادري تدهورت حالة هالولد من التعصيب)
بـــــــــــــس الله يفـــشـــلــك فضحـــتنـــا اوووووص الله من زين الحظ ولايرد عليه الا نويصر هو صح انه
اهون من انه يرد عليه ابوي بس عاد ناصر ماقصر جاب خرابيط بيتنا لهم
ومو بعيده يحطونها بنشرة اخبار الساعه التاسعه

رجعت ورديت عليه : ايوه ياخي
المتصل :الاخت نبض القصيد
انا مو نبض انا مديره اعمالها ( ايه مو لازم اسوي برسيتيج )
الله يالدنيا تذكرت اول ماسمعت هالكلمه احسبها نوع من انواع السندوتشات
المتصل : طيب ممكن الاخت نبوض
طيب لحظه احولك عليها
قلت يابنت دامه ينتظر التحويل خليني اصك اللي عندي يتدحوس ذا وصاجني
: ناصر
ناصر وهو معصب : وتـــــو
ونطق الكلمه هنا ومادري من وين جا المطر تصدقون قعدت اناظر بسقف الصاله اقول يمكن فيه سحاب اوشي
(( اخص ياناصر بس اثره وهو معصب يقلب رشـاش مزرعه ))
ولد اسمع اذلف باكلم
ناصر: لاديبي الثماعه انا اول من تلم

ماحسيت بنفسي ياناس الا معطيته كوع بالبطن وركبه باللحيه وختمتها بكف

هو طبعا طقها بكا و هرب
قلت اللحين باخذ راحتي واسلك الصوت لزوم البرستيج
: الــــــــــو
المتصل : ايوه كيفك اخت نبووض
: تمام الله يسلمك مين معي

المتصل : احنا برنامج ساعه بئرب الحبيب في قناة ال بي سي بدنا ناخذ معك مقابله من شان الاختراع (( بتقولون وش دخل هالبرنامج بالاختراع باقول مادري مشووووها ))

طبعا رديت عليه : اوكيه باشوف انشالله لان عندي زحمة مقابلات(( ومامداني اكمل كلمتي ياجماعه الخير الاداخله علي امي وبصوووت كل الخبر تسمعه نبضوووووه ووجـــــــــــع
ليــش تضربــيـــن ناصر هاه
انا يمه واغمز بعيوني واسوي حركات وامي ماحولك احد : ماتستحين مره طول وعرض تطقين بزر . عاد وامي فكي سب
وانا احط يدي على السماعه ومره الفها يمين مره يسار بس مــــــــــاش ماحولي ترقيع
وناصريناظر لي من ورا امي ويسويلي حركات يعني حره ترا علمت

ياررررربي وش اسوي
فشلوووني

المهم قلت انشالله اتصل عليكم وصكيت السماعه بسرعه قبل لايقول لامي ترا تكلم واحد
عاد بتخرب الدعوه كلها
المهم وسكرت السماعه من هنا وامي تسكت بنويصر
خلاص وانا امك ياعل ربي يفكنا منها انشالله
وناصر هالسوسه يسوي حركات ولا اجدع ممثل مايسويها قلت اللحين باقول لامي على السالفه وباتورط خليني انتظر لين يهدا الوضع
واسكت على السالفه واحنا على العشا لقيت شوي الاجواء رايقه
وقررت اني افاجئهم بس مو مره وحده باجيبها بالتدريج
يبه يمه ابي اقولكم شي
يتبع
تحت

[نبض القصيد]

ابوي : قولي وانا ابوك وامي ساكته

قلت مابدهاش يابنت لاتقولين السالفه على طول جيبيها شوي شوي عشان يوافقون
: يبه دريت وش صار اليوم

ناصر ( داخل عرض ) : ضلبتني يبه اليوم (( ضربتني يقصد ))
: لا مو هذا اللي صار فيه شي اهم
ابوي : شصار وانا ابوك

افكر اجيبها باسلوب : يبه ................... بياخذون معي مقابله بالتلفزيون

ابوي : ؟؟؟؟؟؟

المهم ياجماعة الخير انا ماصدقت على الله ان ابوي سكت واجيب الاولي عندي والتالي

وخلصت وابوي ساكت
ابوي : اييييييـــــــه وانتي وش قلتي لهم

انا وواثقه بعد : قلتلهم موافقه

ابوي : نويصر
ناصر : وتو يبه

ابوي: قم وانا ابوك رح لغرفتي وجيب العقال

: ليه يبه

امي وهي تاكل : يارجال تعوذ من ابليس
اللحين وهذا اللي قدرتي عليه يمه
ناصر :امستها يبه انا بالوح اديب العدال

الترجمه (( امسكها يبه باروح اجيب العقال ))
انا :
نويصر مادري متى راح ومادري متى جا بس مانسا منظر خشته وهو يمشي بالعقال ونظراته كلها خبث لا ويقولون براءة اطفال أي براءه اطفال بس هالوقت البراءه جنوب وهم شمال

انا شفت ابوي وقف وقاعد يضبط بالعقال ويمسمس فيه كانه جهاز بيشغله مو عقال

قلت : يبه لحظه شوي نتفاهم

ابوي : أي تفاهم

وبعدين مادري وش صار حسيت اول شي اني طايره وبعدين كاني نزلت قبل لاوصل الارض حسيت فيه شي صبخني على وجهي خلاني ادق رايوس واناطايره وسمعت صوت اذا مو غلطانه كان العقال خلاني اعض الارض والله ان العقال هيبه ياجماعه تصدقون تسمعون صوته من اول مايشتغل لين يخلص يعني من لحظة احتكاكه بالهوا لين ارتطامه بالهدف

واقعد يومين ماروح الا حبيا واجي حبيا يعني قلبت زاحفه
امي شافتني كذا صارت تحن على ابشركم بعد هالعمر حنت علي قلت يابنت الدنيا مصالح ودامها كذا حنت عليكي استغلي الفرصه واقعد اقنع امي تكلم ابوي
المهم وفي يوم من الايام ناداني ابوي ورحت وانا جاهزه بعدتي يعني حشيت نفسي اسفنج لين قلت اميــن عشــان ضرب العـــقــــال
ابوي شافني من هنا قال خير انشالله يابنتي عسل ماشر اشوفك سامنه مو على خبري

عاد انا شفته قال هالكلام واقلب على فيلم هندي

لا يبه بس متنفخه ووارمه بعد ضربك لي
ابوي شوي وتطلع الدمعه من عينه : خلاص يابنتي كلمتني امك على الموضوع وانا موافق بس بشرط
انا نطيت ومن الفرحه شوي ويطيح الاسفنج اللي مركبه

قلت : انت تامر امر يبه
قال : تروحين ومعك خالد ولاتخالفين خالد براي
انا : خلوووود

ابوي : ايه خلود
: خلاص ابشر
ونروح ويروح معنا محي الدين بما انه بطل قصدي بطلة الدعايه


وجت اللحظه الحاسمه وماعاد الانطلع على المسرح على الهواء الا ارجف انا ومحي الدين

محي الدين : مدام هازا انا فيه خوف

انا : محي الدين لاتصير غبي مافيه شي يخوف ماراح ياكلونا
والان نرحب بضيوفنا المبدعين
سمعت هالكلمه من هنا واطلع للجمهور وتصــــــــفــــــيــــق وتصــــــــفــــيق
وانا اناظر فيهم ومستغربه وتـصـــــــــــفــــــــــــيــــق شوي وتتقطع اصابيعهم هو انا ادري اني مشهوره بس مو للهدرجه وينك يبه وينك يمه تشوفون بنتكم وربي ماعاد تدلعون نويصر

<<<<<<< غيره الاخوان مشكله

واجلس باقرب كرسي وانا جالسه وماسمع الاتصفيق مره ثانيه واوقف مره ثانيه الوح بيدي للجمهور الا اشوف خالد ياشر وكاني سمعته يقول وجع اجلسي
قلت اللحين ذا وش يعرفه للجمهور لازم احترم جمهوري اللي يصفق وانا واقفه الا اسمع احد وراي يقول مرسيه مرسيه

والتفت الا محي الدين طالع بعدي ويصفقوله وفـــــــشــــــــــيــــلــــتــــ
ـــــــي بــــــس

المهم وانثبر في الكرسي والناس يصفقون لمحي الدين ( اخص يامحي الدين يعرف يقول مرسيه)
لا واللي يقهر وقت اللي جلس محي الدين قام المذيع ومسك يده وجلسه لا ومحي الدين مسوي فيها مستحي
مصدق عمره انه وحده

المذيع : اهلا وسهلا فيكن ببرنامجنا ساعه بئرب الحبيب
واشوف شاشات كبيره مكتوب عليها تصفيق ومن بعدها عرفت ان الجمهور ماعنده سالفه

المذيع : بدنا تعرفونا وتعرفو المشاهدين والجمهور الكريم باسمائكم بما انا نستقبلكم لاول مره
احم احم بسم الله الرحمن الرحيم والصلاة على اشرف الانبياء والمرسلين احب اقول في البدايه ان
اسمي نبض القصيد
كل ذا وانا ماسكه الميكرفون والمذيع يشد وانا اشد
شفيهم هالمذيعين صدق انانيه مايعطون فرصه والله حاله
وينتصر في النهايه ويمعط الميكرفون
ويروح لمحي الدين : انا ........... هـــــــــــازا................ انـــــــــــا

انا : يؤ يؤ يؤ نسيت نحط اسم لمحي الدين

محي الدين : انا هازا ..... اسم انا هــــــــازا .....

وبتدخل سريع مني : اسمها سوزي (( بالله من وين جبت هالاسم انا ووجهي اجل محي الدين يركب عليه اسم سوزي))
المذيع :اهلا فيكن يانبض وسوزي احنا سمعنا عن الاختراع اللي انتي اخترعتيه وكيف انك اعتمدي على نفسك اعتماد كلي بالاضافه لانك انتجت الاعلان بنفسك .


ايوه في الحقيقه ساعدت نفسي بنفسي

المذيع : ياترا مين اللي ورا نبوض

هو قال مين اللي ورا نبوض انا قلت بس ابوي غير رايه وجاني والتفت التفاته سريعه باشوف من اللي وراي

<<<<<<<<<<<ماثر فيها مسط العقال
المذيع :بائصد ياخت نبوض مين اللي كان ورا نجاحك مين بتشكري يعني بما انك اول امراه سعوديه تخترع

: انا احب اشكر امي اللي كانت دائما المشجعه لي فهي دائما مهما بلغت تحسسني ان ماعندي سالفه عشان كذا ماطلعت الاختراع من بلاش بالاضافه لاختي نوير اللي من اشوف خشتها اعرف ان الدنيا ماتسوىواشكر اخوي خالد اللي يحسسني بالفقر لاطلبت منه شي ولا انسى اخوي دناصرالذي كان دائما وابدا هو السبب في تمسكي بالحياه
ولا انسى اهم انسان في العائله الا وهو والدي العزيز الذي ياما تعلمت من عقاله قصدي حكمه وياما حسيت بطعم الحياه بعد كل نصيحه (( ايه هين قولي بعد كل ضربه ))

المذيع :
<<<<<<<<< حشا ماعاد يسووون معها مقابلات بعد هالمره
وشكرا

المذيع :اخت سوزي كيف دخلتي المجال وخصوصا انا عرفنا انك من اصول هنديه
محي الدين : هازا فيه مسهووور بلد انا فيه هازا نفر نبز يجي يبغا دعايه بعدين انا فيه قول واي نت
نساعد هازا جيل جديد
اجل انا جيل جديد وتبغا تساعدني يامحي الدين هين بس نوصل البيت وتشوف

المذيع : ائبل مانتكلم عن الاختراع انتو عندكن شي مواهب غير الاختراعات او التمثيل
محي الدين : ايوه هازا انا فيه اكتب انسوده وطنيه بمناسبة هازا اختراع

انا : وانا لحنتها

المذيع : اوكيه نسمع الانشوده هون لاول مرره
وتصفيق من الجمهور ويبدا العزف ويطلع محي الدين على المسرح واطلع معاه
بـــلــد هـــازا بــلــد هـــازا فيه جــبار
بـــلــد هـــــازا بــكره فـــيه انـتصـــار
فيه نفر كويس سوا مكنسه باستسوار
هازا فيه نفر بطل نفر ضحي شنب
انا سمعت قال شنب من غير انها داخله عرض قلت بس انفضحنا واعطيه كوع بالبطن
محي الدين : اييييييييييــــــــــــــــــــــــ
ـــــــه (( اخس يامحي الدين قلب على شعبان عبد الرحيم ))
ومادرينا الا طابه علينا الشرطه وشيلونا هذا محي الدين يحسب نفسه ببيتنا هرب والباروكه تتمايل مره يمين ومره يسار وطردي وراه الشرطه والجمهور

انا شفت الدنيا كذا قلت دامها خاربه خاربه يابنت اختمي البرنامج
وامعط الميكرفون من المذيع واناظر لاحد الكاميرات واضبط العباه شوي واوقف وقفة الواثقه
<<<<<عيونها على الميكرفون الله من الشفاحه بس
: وبهذا اعزائي المشاهدين نختم برنامجنا والحركات اللي تشوفون ماهي الا حركة جديده مسوينها في البرنامج اللى اللقاء في الحلقات القادمه
ومامداني انتهي من كلمتي الا واشوف شي طاير وكل ماله يكبر وسيده بخشتي

<<<<< نفسها مره تقدر تنهي كلمتها نهايه طبيعيه من غير مايصير شي
وماوعيتش عيني الا انا في مكان كله عساكر ومحي الدين جالس على الارض ويمسح دموعه بالباروكه واشوف واحد شكله مو بسيط ساحب ثلاث من نجوم القايله وحاطهم على كتفه

<<<<<خبره بنجوم القايله
محي الدين شفيه
محي الدين معصب : انتا مافيه كلام اووووص
انا :
وتصير ليله في قسم الشرطه ولا الف ليله طلع خالد اللي مرسله ابوي يحرسني مرقم في ذا البنات لا ومن زين الحظ مرقم مرة واحد مهم واسحبنا معه للقضيه وانا اقول وين اختفى هالولد وانا خبري فيه يمتر المسافه اللي بيني وبين المذيع قال بيشوف المسافه على حسب الواصفات والمقاييس المسموح بها او لا من زود الحرص
طلع هو اللي جاب لنا البلاويوينك تشوف يبه خالد حسبي الله عليه دمر مستقبلي الفني
ومانطلع الا بكفاله من بكره وناخذ اول طياره راجعين هذا محي الدين بس معطيني ظهره ومايكلمني انا مادري ليش زعلان مني هو انا اللي رقمت

ووصلنا مطار الدمام واحنا راجعين اشوف الشوارع فاضيه والمطار فاضي وين راحو الناس
<<<<<< من الثقه متوقعه جمهور

ماوصلنا حينا الا زحمه الامم فيه

عاد انا عرفت ان الدمام مافضت الا عشان استقبالي احسن استقبال

وندخل ونشق طريقنا بصعوبه وسط الجمهور

محي الدين: مين هزولا مدام
: هذولا الجمهور محي الدين انا وانت خلاص صرنا مشاهير
واخيرا وصلنا للشارع اللي فيه بيتناوبدينا نشق الطريق للمره الثانيه واشوف الشرطه على ائفا من يشيل

محي الدين : من هزولا مدام جوازات
:خخخخخخخخ محي الدين وانت ماعندك الا جوازات بس لا هذولا بودي جارد حرس يعني يخافون

مسكين ابوي مسكينه امي اكيد الشهره تعبتهم وقلبت حياتهم فوق تحت
المهم على وصلتنا للشرطه الا واسمع واحد يقول : سلم نفــــسك احســــن لك

سلم نفــــسك احـــسن لك
ونسال ايش القصه قالو لنا فيه ارهابيين جوه وانهم عثرو على قنبله مصنعه عندهم وقال الاسم

هذا ابوي
اللحين سافرت شوي ورجعت وكل ذا تسويه من وراي تنظم لخليه ارهابيه
ياخســــــــــــارتك يابـــــا بــــــــــــا
بس قالوها ان غاب القط العب يافار
ونقعد نشرح لللشرطه الوضع وانا بنخليهم يسلمون انفسهم من غير مشاكل وندخل الثلاثه

والاقي ابوي وامي واختي نوير ونويصر جالسين بالحوش وجايين بالزوايه
مادري ليش تذكرت محي الدين وشنبه يوم شفتهم

المهم ونط علي ابوي : جيتي جيتي يامخترعة الفقر انتي السبب

انا : خير انشالله

امي : حنا وش دخلنا بالاختراعات ياليتني مابعت اختراعك لام عليان
طيب انا فهمت ربع السالفه اللحين امي باعت الاختراع لام عليان وش صار بعدين

وفهمت من نوير ان الاختراع انفجر ببيت ام عليان وراحت ضحيته شغالة ام عليان (( احسن اصلا انا ماحب هالشغاله) وصارت قصه طويله وتحقيق وطلع الاختراع اسهل قنبله ممكن تتركب في العالم لا ومكوناتها موجوده بكل بيت

ياررررربي قنبله

وبيتنا صار مصنع تركيب للقنابل

كل ذا وابوي ساكت
اعرف ابوي لاسكت
ابوي : عرفتي القصه وانا ابوك
انا : ايه يبه
ابوي : ناصر
ناصر : وتو يبه
ابوي : روح جيب العقال وانا ابوك
ليه يبه
ابوي : عشان محي الدين
محي الدين : انا ايس دخل انا نفر مسكين انا

ابوي : انت اساس البلاوي انت اللي سويت الاعلان مادري الفديو كلب

انا : اسمه فديو كليب يبه الله يهديك يبه بس متى تطور
ويناظر لي نظره ابوي قال شغلك بعدين انتي
مسكين محي الدين ويمسكه ابوي ويفرشه وماخلص المهمه الا
محي الدين يناظر لي ويقول : هسبنا الله ونهم الوكيل
ابوي : ناصر

ناصر :وتو يبه
انا
<<<<<<<<<<<< عندها ناصر وتو يبه هذي ماتبشر بخير
ابوي : جيب الساطور

ساطور

ابوها صدق صار ارهابي ساطور

ناصر : تيب يبه
انا سمعت الكلمه من هنا واحط رجلي وابوي طردي وراي واطلع من البيت وركض في ذا الشوارع وابوي وراي والشرطه ورا ابوي والجمهور ورا الشرطه واهلي ورا الجمهور وناصر ورا اهلي يصيح ويسحب الساطور : يبه نسيت الساطول
ولكم انكم تتخيلون شكلي وانا امة لا اله الا الله ركض وراي بشوراع الخبر
صدق مافيه احتضان للمواهب

مع تحياتي للجميع
هعععع
نبووووضه الخبله الحلوه

[الجوهرة]

لا حول ولا قوة الا بالله


وش هالاختراعات يالخبله

قنبله مره وحده:OIU:

اه لو اني داريه كان بلغت عنك واخذت السبعه مليون خخخخخخخخ


بس حركات وصلتي لساعه بقرب الحبيب مين قدك:za:


الله يرجك يالرجه ..قصه رهيبه ..

ما فيه اجزاء جديده؟:d34:


يسلم لنا هالمخيخ المفهي يانبوووضه



الجوهرة

[نبض القصيد]

ههههههههه
الله يررررررررررجك جوجو

من عيوني
انشاء الله اكتب اجزاء جديده في رمضان الجاي>>>مسلسل كويتي صار!!!!!!!!
ابشرررري من عيوني
بس بعد الاختبارات لك علي اني اكتب لك 7 اجزاء هع


يسلموو يالغلا
بايووو

[عسل]

يا هوووووووووووه


تخسى وداد الكواري والا فجر السعيد ينافسونك



يا خطيره انتي < قنبله مو نبووضه:05:

تصدقين خشيت جو مع القصه خصوصا سالفة العقال

عجبتني مره وودي تتكرر بكل مشهد هع هع هع

< مطيريه


الا وشلون طوني حق ساعه بقرب الحبيب مملوح من قريب:h5:



يسلمووو يا بنت العقاد .


عسووووووله

[نبض القصيد]

خخخخخخخخخخخخخخخخخخخخخخخخخخخخخخخخخخخ
عسووووله
اييييييييه ياليت يتكرر مشهد العقال
وتكوني انتي معي>>>مطيريه×2
ههههععععع

يسلمووو على المشاركه ياقلبي