صـيـفـنـا فــــلــــه

[انسـ حـالم ـان]

"
"
"

ألا يامرحبا ترحيبتن من عقب حل الصيف

وعلى دار البراد \ اهل البلد شدّت رحايلها

وانا لو هي بكيفي ياعرب سافرت يم جنيف

ولكن القضية شايكه ياصعب file ـها :tongue:


للـــــــــــــــــرد

[الــرحـــال]

هلا والله

أنسان حآلم

تسلم على الأبيااات الطويلة<< هع هع هع

الله يعطيكـ ألف عااافية... رااائعه بمعنى الكلمة

[ريمانا]

فااايلهاا

اللييييييييييييييييل :s7:

صح لسااانك ياانسان حالم

بعدين انت وين تغطس؟ :z6:

وبانتظآر الي يردّ

[ღ الشـــــآقي ღ]

انسان حالم

هلا والله وغلا بهالطلة يالله ان تحييه

يعجبني فيك حيويتك ياغالي الله يعطيك العافيه

ابيات رايقه واستلم الرد ياغالي


ألا يامرحبا ترحيبتن من عقب حل الصيف // وعلى دار البراد \ اهل البلد شدّت رحايلها
وانا لو هي بكيفي ياعرب سافرت يم جنيف // ولكن القضية شايكه ياصعب file ـها


هلا بك يالمرحب عاشق الرحلات راع الكيف // هلا بك والمصايف لاجلكم فلت جدايلها
عيونك للبعيد وعايفٍ دار الشرف ياحيف // تدور لك علومٍ ماني الليلة بقايلها

عسى ان تنال اعجابك ..

دمت بكل الود ..

["..!هاجس الليل!.."]

هلابك زود يالغالي وابشر بعزك

إنسان حالم

مابي اعلق لن الشعر بيننا مرسال

انت تقووول:

ألا يامرحبا ترحيبــــــتن من عقب حل الصيف
ــــــــــــ وعلى دار البراد \ اهل البــــلد شدّت رحايلها
وانا لو هي بكيفي ياعرب سافرت يم جنيف
ــــــــــــ ولكن القضية شايكه ياصـــــــــــعب file ـها

واخوي الحبيب بل الغالي" الشاقي" رد وقال:

هلا بك يالمرحب عاشق الرحلات راع الكيف
ــــــــــــ هـلا بـــك و المصــايف لاجلكم فلت جدايلها
عيــونك للبعــيد وعايفٍ دار الشرف ياحيف
ــــــــــــ تــدور لك علـــومٍ مــانـــي الليلــة بقايلها

واخوك امبراطور الشعر بيرد بس تحملوني عاد لو في البيتين عك:

هلابك زود مني لـك تلونها عقب تخريـــف
ــــــــــــ تقول انك تبي غيـر الشرف والله شــايلها
انا لو هي بيدي ان بغيتك ترتجي تخويف
ــــــــــــ فدارك كانت اولابـــــك وانا ماني بقايلها

الله يعزك قول امين انا مستني هالرد الجاي

تقبلوا احترامي

إمبراااااطوور الشعر

[رثـعـان]

صحيتوا جميعاً

محراف جداً رائع

وشعراء الجوهره ردوا ماقصروا



مازلت متابع

[انسـ حـالم ـان]

"
"
"
الرحال :s6:

ارررحب وشكرا لحضورك

"
"
"
ريمانا

صح بدنك

وانا طال عمرك موجود مغير الدوام احيانا يحرمنا التواصل معكم

"
"
"
الشاقي

ههههههههه ياسلام

صبرك علي جايك ياذيبان

"
"
"
امبراطور الشعر

سبقك بها عكاشه

قصدي الشاقي :wink:

الجايات اكثر حبيبي وشكرا لحضورك

"
"
"
رثعان

وانت طال عمرك مايلحقك قصور

مبسوط بمتابعتك وخلك قريب لاتبعد

[انسـ حـالم ـان]

اللييييييييل الليييييييييل

استلم يالمصيبه


يدوم الك البقى يالشاقي اللي ماشقى بالضيف

شقاه من الهنوف اللي تبذّه في عمايلها


كلامك ياعميلي تسحبه لو يطفي التكييف

ولا تقدر تعذرب ديرةٍ منتا بطايلها

[رثـعـان]

هلا انسان حالم

ماعليك انا قريب / حذفة عصا

للي رصيده ملايين ههههههههه


عاد الهنوف وعمايلها هذي والله اللي مالها علاج :)



ومازلت متابع

[ღ الشـــــآقي ღ]

هلا وغلا

يدوم الك البقى يالشاقي اللي ماشقى بالضيف // شقاه من الهنوف اللي تبذّه في عمايلها

كلامك ياعميلي تسحبه لو يطفي التكييف // ولا تقدر تعذرب ديرةٍ منتا بطايلها


تشجع يالسنافي وانثر الموضوع لاتكليف // وخل الناس تعرف موية القربه وشايلها

عن دروب المهالك يردعك حكم القضاء والسيف // وانا مابغى ديار الكفر لو كثرت جمايلها


الله يعطيك العافيه

ومن يسمع < ومن يقول

[رثـعـان]

الله الله



ابداع ماشاء الله

<<<<<< هذا المستخدم مستانس جداً ويقول ( فووووق ياشعر )

[ريمانا]

الشآقي صح لسآآآآآآنك

مووتآبعة:)

["..!هاجس الليل!.."]

هلابكم زوووود زووود

ياناس قدروا غيرتي الشعريه والله ما اقدر اصبر

وش بلاكم اشوف ان الحواار ساخن وربي ابي اشارك

وسموها لقافة شاعر

واعذروني على الك والدك ان كانت في:

الشاقي :

تشجع يالسنافي وانثر الموضوع لاتكليف // وخل الناس تعرف موية القربه وشايلها

عن دروب المهالك يردعك حكم القضاء والسيف // وانا مابغى ديار الكفر لو كثرت جمايلها


إمبراااطوور:

آلا واللي تراودبي سيوف العزة لا تكليف // ليا منك نويت ابعزها لا .... لا تحايلها

ابي واللي سمح لك بي اعيشك وسطها تعريف // ابي بعد الاذن شاعر وابي اعرف عمايلها


ويا انسان حالم اسمحلي يعني بالتدخل ورد على الشاقي لا ترد علي اذا ما تبي ...

إمبراااااطوور الشعر

[انسـ حـالم ـان]

"
"
"
شكرا لكل من مر من هنا

رثعان الله يديم الوناسه

الامبراطور سو مابدالك يابعد راسي ماعندك الا اخوك

[انسـ حـالم ـان]

"
"
"
زاااااااااااااااانت الملعبه

خلووووووووووووووهااااااااااااااااااااا



تشجع يالسنافي وانثر الموضوع لاتكليف // وخل الناس تعرف موية القربه وشايلها

عن دروب المهالك يردعك حكم القضاء والسيف // وانا مابغى ديار الكفر لو كثرت جمايلها




نبا نجنى البلح وانتا تدوّر للسعف والليف \\ تدربي راسك اللي تصقعه نجد بقوايلها


اذا انك تخضع لحكم القضا يالشاعر الحرّيف \\ علامك تتهم عصم الشوارب في فعايلها

[ღ الشـــــآقي ღ]

هلا بالكل وصح لسانكم جميع

ومنورين يامن يتابع جميعاً


استلم يالسنافي

نبا نجنى البلح وانتا تدوّر للسعف والليف \\ تدربي راسك اللي تصقعه نجد بقوايلها

اذا انك تخضع لحكم القضا يالشاعر الحرّيف \\ علامك تتهم عصم الشوارب في فعايلها



لا والله ضعت ياغالي وسطّحت وتبعت الزيف // ونيتك طارته قامت تحوص ومانت طايلها

وقعت وجاي ياطير السعد تفتح لها تصريف // عليك التهمه بوضح النهار ولانت زايلها


الله يعطيك العافيه

وسعيدين بالحضور

[انسـ حـالم ـان]

"
"
"
طايلها سرت ياذيبان

استلم يابعدي


أشوفك من عقب بدع القوافي عدت للأرشيف || ترى اهل الملعبه تسري ليا ضاقت وسايلها


ولكن بدمح الزله ولاني طالبك تسليف || جماله فيك يالشاقي ولا نرجي بدايلها

[ღ الشـــــآقي ღ]

أشوفك من عقب بدع القوافي عدت للأرشيف || ترى اهل الملعبه تسري ليا ضاقت وسايلها

ولكن بدمح الزله ولاني طالبك تسليف || جماله فيك يالشاقي ولا نرجي بدايلها



اقول العن بليس وهالخطا ياصاحبي ماشيف // كفو لاصرت تدمح مير ماجينا هوايلها

ترى الموضوع مد وجزر واقصى شي فلة صيف // ورجالٍ مثلك نفاخر وانا اخوك بمثايلها

؛

الله يعطيك العافيه ويسلم البك وترى صيف هالمرة ماسرت هع

ولو القاف شاب نلعب ع غيره ياغالي

دمت بكل الود ..

[انسـ حـالم ـان]

صح لسانك يالشاقي

ولاهنت ولاهان من تابع

أتمنى نكون قدمنا شي يليق بالقراءة

يعلم الله ان المكسب الحقيقي من الشعر بالنسبة لي هو معرفة الطيبين امثالك

فشكرا من القلب لك ولكل من مر من هنا

وتعذرونا على القصور

[ღ الشـــــآقي ღ]

ياهلا وغلا بك

صح بدنك ولا هنت ولاهان من تابع

بيض الله وجهك على هالمشوار الرائع

تشرفت باللعب معك .. فيه حفر ودفن وفيه متعه صراحه

الله يعطيك العافيه ولايهينك

وان شاء الله ان الكل استمتع بهالجولة الحلوة

الله يعطيهم العافيه ع متابعتهم

دمتم بكل الود ..

[رثـعـان]

بيض الله وجيهكم

وبلاشك اننا استفدنا منكم يااساتذه

وانا اول الطلاب


لاهنتم

وكانت محاوره جيده