Mr.SmRmDi
04 Nov 2004, 07:01 AM
[size=3]السلام عليكم ورحمه الله وبركاته
تحذيــــــــــــر
هذا الموضوع يحتوي على شخصيات خياليه لا تمت للواقع بصله بطولة
ابو اجدايل
ابو دريّس
ابو عزيّز
ابو احمد
ومحدثكم <--اتوقع اخر موضوع تتحدث فيه
مســــــــــيكم بالخيـــــــــــــــــر
o
o
o
o
o
في ليلة من ليالي صيف ايلول آب كنت عائدا للبيت سيرا على الاقدام
كان الجو صافيا
حتى القمر كان يطالعني من ورى بيوت العالم مايبيني اشووفه يقول (مابقى الا انت اكشف عليه )
المهم يوم وصلت للرصيف حق البيت واشوف القطو اللي منسدح على تندةسيارة الشايب ويقول:
بدري يالداشر؟ ورى ماتأخرت شوي؟ الظاهر مالنا رب حنا؟
يالله اطلق هالسيقان للريح واسرع كب الزباله تراني على لحم بطني من امس
طالعت نفسي وتأملت وقلت: حتى القطاوه تتمصخر عليك اللوح
دخلت البيت وطلعت الزباله وكبيتها بالدرام
القطو برضو راعي حرش قام يتمغط وقال: لاهنت يابو ولاعاد تتعودها وبالله سكر باب البيت وراك
والله وادنق بدون شعور واخذ لك النعله اللي كانها عمارة مصاريه 7 ادوار وفيها عيادة واحذفها وتلزق بظهر هالقطو لابوه لابو من عطاه فيس مرت(ن) اخرى
ورحت ومددت جسمي الهزيل فوق فراشي وانا افكر بالمستقبل المظلم
(( بعد هالمقطع المفروض افكر بعزيزتي مادلين))
واستسلمت لسلطان
<-- النوم مو شي ثاني يالجحلط اللي ورى
وفي الصباح استيقظت على زقزقة صراصير الغرفه وهم يقولون زال الخطر
وانا فيني دوخه مدري وش سالفتها
<< ياكثر دوخاتك
المهم واروح اغسل وجهي اللي كانه سفرة عزوبيه ياكلون عليها شهر واجي للمقلط والقى الشايب يتقهوى
ويقول لي تعال اجلس تقهو انت وجهك اللي كانه واحد يقول وشتبي(صورة يد ابوي)
عاد النفسيه مع الصبح فعلا مهيب لهناك خاصه لما الواحد يكتشف ان امه دخلت غرفته وهو نايم ورشة فليت وقفلت الباب
واطالع في ابوي واقول : يبه انت الحين لك نفس مع هالصباح تحتفل
الحين شف شعرك الابيض هذا اللي كانها مزرعه طاقتها الشمس واترك عنك هالقطات
(صورت باب الشارع انفتح وطالع منه رجل تشووت واحد وزاحف بشعر صدره على الازفلت)
مهو انا
والقى القطو حق امس نفسه زابن تحت السياره من حر الشمس
وطالع فيني بنص عين لانه كان ماخذ غفوه وقال:
يمهل ولا يهمل هذا ماجنتهو علي نعلتك امس يالهيس وضحك
ودق لطمه بذيله ورجع يرقد
قلت في نفسي قم يا ادمي ورح شف لك رزق منا ولا منا وقدم على هالوظايف
المهم واروح لشركه كبيره وادخل عشان اشوف في وظيفه يمكن تشنص <-- <<--اكيد بتدخل يعني تبي وظيفه بتطلع من المبنى
<-- ولا بتقدم من ورى السور انت ووجهك اللي كانه ركبة حاشي معرقه
المهم قمت افرفر بالمبنى واذا بي ارى مكتب تقديم الطلبات الموظفين وادق الباب وادخل
والقى ذاك الدب اللي جالس كأنه جريدة عكاظ منطوله على الكرسي واقول له بكل برائة :
السلام عليكم يالغالي
ويرد وهو مارفع راسه(يحل كلمات متقاطعه) عكس الذيب وشهو وشهو
<--- حقد
وقلت له انت يالذيخ
قال : ذيخ صح صح وعقبها ترّع تتريعه لو بحلف ان براطمه دقة لطمه
قلت يابو الشباب حبيت استفسر في وظايف عندكم؟
ويرد علي اول ماترحكت شفايفه اهتز باقي جسمه حتى انهم رصدو زلزال بقوة 2 رختر ذاك اليوم
وش مؤهلك ؟
قلت له: دقيقه خلني اشوف
<--- ناسي مؤهله من طول الدجه
واطلع الملف اللي ملتوي من الشمس
وداخله شريط خالد عبدالرحمن صارحيني
والشهاده الله وكيلكم مكبوب عليها ببسي ومدّون تحت المعدل بعض الكتابات منها:
(الكويت حره ابيّه )
الرجال خذا الملف وحطها وسط الجريده وقال: عد حروف الجريده حرف حرف اذا خلصتها راجعنا
قلت له بكل دماثة خلق
ياخي الحين يوم انت راز وجهك اللي من كبره اقدر افرش فيه ميه وسرى وش فايدتك
تدري انك ماخذ كرسي موظف ثاني ظلم
قال : اشنااب يابو واسطه
قلت له والله والشنب اللي كانه رجيل جدتي وهي مسوي دبل كيك
اها بس جعلك تطيح على ظهرك ولا تعرف تقوم يابو جعل
والله وتصير النفسيه كانها زنوبة بنقالي توه متوفيه مرته وجايه الخبر وهو جويع قام يعضعض بالزنوبه الين اعترفت
المهم واجيك ادحدر في هالقوايل لشواية الخليج واخذ لي غرشة مويه واطلع على بالي توني متغدي
والله وامسك الخط وارجع للديره <--- الله اكبر ياالمزاحميه صرتي ديره
والله واصمخ امها نوم واقوم حزة المغربيه <-- شياطين
والله وادحدر للكوفي نت واقابل شلة قدم ولا تراجع
من ضمنهم ابو جدايل اللي الشعر مغطي وجهه
والله واجلس معه خمس دقايق اشيل القراطيس اللي بوجهه
ابو جدايل هذا ياعالم انسان وسيم
لكن عيبه الوحيد انه اذا راح حلق وقام من الكرسي حق الحلاق وقال له الحلاق نعيما والتفت وجا بيرجع له الباقي لقاه بعوارض
وانضم للجلسه ابو دريّس وابو عزيّز وابو احمد
قلنا له يابو جدايل انت وش سالفتك
تنحدر من اصول ايرانيه؟
ولا وشهو نوعك؟
<--- صورته يوم عرف ان الحفله راح تبدى فيه
وراح تضيع هموم شباب ومشاكلهم في لحظة وجوده معناا
في هذه الحاله يتجه محيميد ويقفل باب المقهى حتى ابن امه ماينسحب
الـــعرض
جلسه دائريه فيها الكل يبي يفضفض
انا: ابو جدايل انت مخلوق عجيب
ابو جدايل : ليه وش العجيب فيني
ابو دريّس: العجيب يابو جدايل اننا شاكين بمكان ولادتك
ابو جدايل اها بس انا ولدت في بيتنا
ابو عزيز: لا صدقني انك والد بحلاق او ان امك توحمت باستشوار وطلعت انت النتيجه
ابو جدايل : استشوار يرن بجبهتك يالعاهه
يجي ابو احمد يقول: لا ياشباب لا تفترون على الرجال تراه والد بمستشفى
<-- ابو جدايل
بس ابوه وهوطالع وقف عند بقاله يشتري شعر بنات وحط ابو جدايل بالكيسه
ابو جدايل : يوووووه نسيت اجيب مقاضي البيت
يالله انا بطلع
الجمع الغفير يقول بصوت واحد مقاضي فيفي حوض ددسن ابو ناصر اها بس انثبر مقاضي بالليل
ابو جدايل
ابو دريّس: ابو جدايل نسيت انك مطلوب بـ15حلاق بقيمة30 الف قيمة كورلا
ابو جدايل <<<-- هنا الواحد يا ينسحب يا يرد لكن
ابو جدايل قال مابدهاش نقلب امها مناحه ورانا شي
فقال وهو ويلعب بالسبحه كما تعلب هيفاء وهبي بخصرها
بالله ياشباب ماتحسون بالفضاوه وانتوا جالسين كذا لاشغل ولا مشغله ماحسيتو انكم عبء على المجتمع وآفه مرتكزه في المقهى
رد عليه ابو دريّس وقال: اسمع انت وحواجبك هذي اللي كانها بنغالي حاط رجل فوق رجل لو علينا ماقصرنا دورنا وظايف ولا لقينا والحمد لله كافيين خيرنا شرنا لا بعنا حبوب وحشيش مثل غيرنا وزحفنا
ولا دشرنا مثل هاللي يفجرون كلن قاضب ارضه
مثقف الهيس رغم عطالته ------->>
قلت وانت يا ابو احمد و احمد
ابو احمد يرد ويقول وين احمد ؟؟
ابو جدايل يرد ويقول ابو احمد انت
احمد الورع اللي ناشب بوجهك هالخشم اللي كانه متكا دعسو فيها الصغار لين تطعجت
ابو احمد حلوه عليك من الله ماتستحق يابو جدايل
ابو احمد يستطر حديثه : اسمع يالشمّعّه (الشمعه = نبته في البر )
ترى حفرنا بكل مكان عسكريه وقطاع خاص وعام
العسكريه مايقصرون يطلعون ثلاث اشاعات قبل التوظيف وكلها يعطونك بومبه وعقبها يفتحون الصدز بعد ما يموت نص الشباب بحوادث من مسكتهم للخطوط
القطاع الخاص كل ماجينا مكان نشم ريحة بشت اللي قبلنا وانواع العجاج من مستحضرات ومعه ظرف مختوم والظرف يأشر لك وانت وراه يقول رح وراك مالك امل انت ووجهك وبعض المرات يستعمل اشارت خبيثه
والقطاع العام حدث ولاحرج
هنا ابو جدايل بقيمة الكفاح اللي بذله العواطليه الاشاوس وان قيمة البنزين اللي تروح على تقديم تكفي تفلل غواصه روسيه رايحه لكندا
بس لسه يبي يشوف رأي الراس الثالث في محور الفضاوه
ابو جدايل يقول : وانت يابو عزّيز وش سويت يالقزم بعد تخرجك غير انك محسوب بنص وجبة على الفاضي في بيتكم المشكله ابي اعرف انت بالذات امك توحمت للمستقبل؟ يعني على موترلا انت لو تتطوع بعمليات المنظار بتطلع لك فايده عطنا وش سويت
قال ابد صبه رده يامكنسة جدتي من وين ماولينا وجيهناا نفس الحكايه قل توفيق بس شكلي بفتح حلاق عند بيتكم مشروع يكسب ذهب .
انا: والله كلامكم اقنعني
طيب دام الامور كذا وش السواه
الا اللي يقهر الدكتوره اللي تستلم 75 الف وللحين ماتزوجت
هذي وش بتسوي بالـ75 الف؟؟ ((صورة مع التحيه لباور ابن هورس على المقطع هذا ))
((صوت من داخل كبينه بالمقهى يقول بصوت خرق الاذان)) جعل ايميلها مايجي بيدي
جعل مابرفت معها بالشات يييييييييييييييييييييييييييييه
ابو دريّس يقول: والله يا ابو جدايل الحين لو نشوف مثلا فلان الفلاني رئيس الشركه الفلانيه يستلم 200 الف بالشهر وغير انهم يغيرون له السياره كل سنه اللي يبيها حتى لو طلب سيارة جمس بوند وعنده خدم وحشم والوجبات والمناسبات الكبرى على حساب الشركه غير انه تجيه 50الف لانه برتبة وز وز
هذا بالله وش بيسوي بـ 250 الف ريال بالشهر
اتوقع ولده يروح ومعه فسحه 500 زرقا ويباشر ثلاث صفوف يم صفه عشان مالقى فراطه او انه يجيب معه ميز
هذا ياخذ راتب كم موظف براتب 4000؟؟
ابو احمد : انا لو منه كل اول شهر وانا طالع من البيت اسوي حركه اقط عشر الاف ريال بالشارع واسوي نفسي مضيعها
يجي ابو عزيّز يقول: انا لو معي هالمنصب اني لاشتري ذاك التسلب(الكلب) اللي ورث فلوس بامريكا واتزوج الدكتوره واخنقهم هي والكلب بليله وحده واورثهم
واشتري دبابه من زود الفلوس واركنها عند باب بيتنا
واصبر مدة خدمتي الين اجمع المقسوم لنفرض مدة الخدمه 25 سنه =75000000
<-- سريعين بعمليات الحساب اللي تتعلق بالدراهم عيال الايه
أبرّح فيها المزاحميه واحط نقطة تفتيش عند مدخل المزاحميه الوهمي والدوريه رواتبهم على حسابي
<--- مجرم هالبو عزيّز يخزي العين
انا: ياخي هذا مايعطينا الـ50 الف كل شهر دفعة بلىىى
<-- باللهي عليك
ابو دريّس: انا اتوقع الاخ اللطيف هذا كل نهاية اسبوع يروح يعسل في الكاريبي ويرجع للديره وتو الجمر اللي بالمعسل ماطفى
وفجأه يتكلم الحظ ويقول بصوت عالي ((انعن والدييييييييييييييييييييييييييه هالادمي عز الله عليه حظ يفلق الصخر )) ..
<----اذا الحظ يقول لكم كذا وش تبون تسووون
ياشباب وش تتوقعون سبب حظنا التعيس
عجزنا وحنا نطامر من تقديم لتقديم
خوفك من كثر مانطامر يوزعون علينا اثباتات على اننا فصيلة كنغر مسويه زحمه
في هذه اللحظه نقز اصغرنا سن في هذه المهنه الجريئه وقال تدرون وش السبب ياعياال؟؟
كلهم قالو بوقت واحد وبصوت واحد ذكرني بجمهور الهلال وشو؟؟
قال ابد تركنا الصلاه ونسينا رب العباد اللي يقسم الارزاق ويرقنا من حيث لانعلم
((صورة وجيه بردت من كلمة صغير السن))
بعدها ومن يومها مافرط الفرسان الثلاثه بالصلاه
توظف ابو دريس بشركه
وابو جدايل صار عنده دبلوم هندسة ادوات طبيه في احد المستشفيات
وابو عزيزصار موظف رسمي باحد القطاعات الخاصه
وكل اللي بالمقهى
اذكر الله يذكركم
وطبعا ماننسى ان في مسؤوليه على كبار المسؤولين في الشركات
خافوا ربك وقدروا تعب الناس اللي كافحة وشقّت
بس برضو نعيد ونزيد صعب نلقى المثاليه في زمن مثل هالزمن
وصعب نلقى اخلاص في الواجب
اجل واحد راجع من الغربه في امريكا ودارس تقوله الشركه الفلانيه رح وراك
قويه بالحيل
يتــــبع
تحذيــــــــــــر
هذا الموضوع يحتوي على شخصيات خياليه لا تمت للواقع بصله بطولة
ابو اجدايل
ابو دريّس
ابو عزيّز
ابو احمد
ومحدثكم <--اتوقع اخر موضوع تتحدث فيه
مســــــــــيكم بالخيـــــــــــــــــر
o
o
o
o
o
في ليلة من ليالي صيف ايلول آب كنت عائدا للبيت سيرا على الاقدام
كان الجو صافيا
حتى القمر كان يطالعني من ورى بيوت العالم مايبيني اشووفه يقول (مابقى الا انت اكشف عليه )
المهم يوم وصلت للرصيف حق البيت واشوف القطو اللي منسدح على تندةسيارة الشايب ويقول:
بدري يالداشر؟ ورى ماتأخرت شوي؟ الظاهر مالنا رب حنا؟
يالله اطلق هالسيقان للريح واسرع كب الزباله تراني على لحم بطني من امس
طالعت نفسي وتأملت وقلت: حتى القطاوه تتمصخر عليك اللوح
دخلت البيت وطلعت الزباله وكبيتها بالدرام
القطو برضو راعي حرش قام يتمغط وقال: لاهنت يابو ولاعاد تتعودها وبالله سكر باب البيت وراك
والله وادنق بدون شعور واخذ لك النعله اللي كانها عمارة مصاريه 7 ادوار وفيها عيادة واحذفها وتلزق بظهر هالقطو لابوه لابو من عطاه فيس مرت(ن) اخرى
ورحت ومددت جسمي الهزيل فوق فراشي وانا افكر بالمستقبل المظلم
(( بعد هالمقطع المفروض افكر بعزيزتي مادلين))
واستسلمت لسلطان
<-- النوم مو شي ثاني يالجحلط اللي ورى
وفي الصباح استيقظت على زقزقة صراصير الغرفه وهم يقولون زال الخطر
وانا فيني دوخه مدري وش سالفتها
<< ياكثر دوخاتك
المهم واروح اغسل وجهي اللي كانه سفرة عزوبيه ياكلون عليها شهر واجي للمقلط والقى الشايب يتقهوى
ويقول لي تعال اجلس تقهو انت وجهك اللي كانه واحد يقول وشتبي(صورة يد ابوي)
عاد النفسيه مع الصبح فعلا مهيب لهناك خاصه لما الواحد يكتشف ان امه دخلت غرفته وهو نايم ورشة فليت وقفلت الباب
واطالع في ابوي واقول : يبه انت الحين لك نفس مع هالصباح تحتفل
الحين شف شعرك الابيض هذا اللي كانها مزرعه طاقتها الشمس واترك عنك هالقطات
(صورت باب الشارع انفتح وطالع منه رجل تشووت واحد وزاحف بشعر صدره على الازفلت)
مهو انا
والقى القطو حق امس نفسه زابن تحت السياره من حر الشمس
وطالع فيني بنص عين لانه كان ماخذ غفوه وقال:
يمهل ولا يهمل هذا ماجنتهو علي نعلتك امس يالهيس وضحك
ودق لطمه بذيله ورجع يرقد
قلت في نفسي قم يا ادمي ورح شف لك رزق منا ولا منا وقدم على هالوظايف
المهم واروح لشركه كبيره وادخل عشان اشوف في وظيفه يمكن تشنص <-- <<--اكيد بتدخل يعني تبي وظيفه بتطلع من المبنى
<-- ولا بتقدم من ورى السور انت ووجهك اللي كانه ركبة حاشي معرقه
المهم قمت افرفر بالمبنى واذا بي ارى مكتب تقديم الطلبات الموظفين وادق الباب وادخل
والقى ذاك الدب اللي جالس كأنه جريدة عكاظ منطوله على الكرسي واقول له بكل برائة :
السلام عليكم يالغالي
ويرد وهو مارفع راسه(يحل كلمات متقاطعه) عكس الذيب وشهو وشهو
<--- حقد
وقلت له انت يالذيخ
قال : ذيخ صح صح وعقبها ترّع تتريعه لو بحلف ان براطمه دقة لطمه
قلت يابو الشباب حبيت استفسر في وظايف عندكم؟
ويرد علي اول ماترحكت شفايفه اهتز باقي جسمه حتى انهم رصدو زلزال بقوة 2 رختر ذاك اليوم
وش مؤهلك ؟
قلت له: دقيقه خلني اشوف
<--- ناسي مؤهله من طول الدجه
واطلع الملف اللي ملتوي من الشمس
وداخله شريط خالد عبدالرحمن صارحيني
والشهاده الله وكيلكم مكبوب عليها ببسي ومدّون تحت المعدل بعض الكتابات منها:
(الكويت حره ابيّه )
الرجال خذا الملف وحطها وسط الجريده وقال: عد حروف الجريده حرف حرف اذا خلصتها راجعنا
قلت له بكل دماثة خلق
ياخي الحين يوم انت راز وجهك اللي من كبره اقدر افرش فيه ميه وسرى وش فايدتك
تدري انك ماخذ كرسي موظف ثاني ظلم
قال : اشنااب يابو واسطه
قلت له والله والشنب اللي كانه رجيل جدتي وهي مسوي دبل كيك
اها بس جعلك تطيح على ظهرك ولا تعرف تقوم يابو جعل
والله وتصير النفسيه كانها زنوبة بنقالي توه متوفيه مرته وجايه الخبر وهو جويع قام يعضعض بالزنوبه الين اعترفت
المهم واجيك ادحدر في هالقوايل لشواية الخليج واخذ لي غرشة مويه واطلع على بالي توني متغدي
والله وامسك الخط وارجع للديره <--- الله اكبر ياالمزاحميه صرتي ديره
والله واصمخ امها نوم واقوم حزة المغربيه <-- شياطين
والله وادحدر للكوفي نت واقابل شلة قدم ولا تراجع
من ضمنهم ابو جدايل اللي الشعر مغطي وجهه
والله واجلس معه خمس دقايق اشيل القراطيس اللي بوجهه
ابو جدايل هذا ياعالم انسان وسيم
لكن عيبه الوحيد انه اذا راح حلق وقام من الكرسي حق الحلاق وقال له الحلاق نعيما والتفت وجا بيرجع له الباقي لقاه بعوارض
وانضم للجلسه ابو دريّس وابو عزيّز وابو احمد
قلنا له يابو جدايل انت وش سالفتك
تنحدر من اصول ايرانيه؟
ولا وشهو نوعك؟
<--- صورته يوم عرف ان الحفله راح تبدى فيه
وراح تضيع هموم شباب ومشاكلهم في لحظة وجوده معناا
في هذه الحاله يتجه محيميد ويقفل باب المقهى حتى ابن امه ماينسحب
الـــعرض
جلسه دائريه فيها الكل يبي يفضفض
انا: ابو جدايل انت مخلوق عجيب
ابو جدايل : ليه وش العجيب فيني
ابو دريّس: العجيب يابو جدايل اننا شاكين بمكان ولادتك
ابو جدايل اها بس انا ولدت في بيتنا
ابو عزيز: لا صدقني انك والد بحلاق او ان امك توحمت باستشوار وطلعت انت النتيجه
ابو جدايل : استشوار يرن بجبهتك يالعاهه
يجي ابو احمد يقول: لا ياشباب لا تفترون على الرجال تراه والد بمستشفى
<-- ابو جدايل
بس ابوه وهوطالع وقف عند بقاله يشتري شعر بنات وحط ابو جدايل بالكيسه
ابو جدايل : يوووووه نسيت اجيب مقاضي البيت
يالله انا بطلع
الجمع الغفير يقول بصوت واحد مقاضي فيفي حوض ددسن ابو ناصر اها بس انثبر مقاضي بالليل
ابو جدايل
ابو دريّس: ابو جدايل نسيت انك مطلوب بـ15حلاق بقيمة30 الف قيمة كورلا
ابو جدايل <<<-- هنا الواحد يا ينسحب يا يرد لكن
ابو جدايل قال مابدهاش نقلب امها مناحه ورانا شي
فقال وهو ويلعب بالسبحه كما تعلب هيفاء وهبي بخصرها
بالله ياشباب ماتحسون بالفضاوه وانتوا جالسين كذا لاشغل ولا مشغله ماحسيتو انكم عبء على المجتمع وآفه مرتكزه في المقهى
رد عليه ابو دريّس وقال: اسمع انت وحواجبك هذي اللي كانها بنغالي حاط رجل فوق رجل لو علينا ماقصرنا دورنا وظايف ولا لقينا والحمد لله كافيين خيرنا شرنا لا بعنا حبوب وحشيش مثل غيرنا وزحفنا
ولا دشرنا مثل هاللي يفجرون كلن قاضب ارضه
مثقف الهيس رغم عطالته ------->>
قلت وانت يا ابو احمد و احمد
ابو احمد يرد ويقول وين احمد ؟؟
ابو جدايل يرد ويقول ابو احمد انت
احمد الورع اللي ناشب بوجهك هالخشم اللي كانه متكا دعسو فيها الصغار لين تطعجت
ابو احمد حلوه عليك من الله ماتستحق يابو جدايل
ابو احمد يستطر حديثه : اسمع يالشمّعّه (الشمعه = نبته في البر )
ترى حفرنا بكل مكان عسكريه وقطاع خاص وعام
العسكريه مايقصرون يطلعون ثلاث اشاعات قبل التوظيف وكلها يعطونك بومبه وعقبها يفتحون الصدز بعد ما يموت نص الشباب بحوادث من مسكتهم للخطوط
القطاع الخاص كل ماجينا مكان نشم ريحة بشت اللي قبلنا وانواع العجاج من مستحضرات ومعه ظرف مختوم والظرف يأشر لك وانت وراه يقول رح وراك مالك امل انت ووجهك وبعض المرات يستعمل اشارت خبيثه
والقطاع العام حدث ولاحرج
هنا ابو جدايل بقيمة الكفاح اللي بذله العواطليه الاشاوس وان قيمة البنزين اللي تروح على تقديم تكفي تفلل غواصه روسيه رايحه لكندا
بس لسه يبي يشوف رأي الراس الثالث في محور الفضاوه
ابو جدايل يقول : وانت يابو عزّيز وش سويت يالقزم بعد تخرجك غير انك محسوب بنص وجبة على الفاضي في بيتكم المشكله ابي اعرف انت بالذات امك توحمت للمستقبل؟ يعني على موترلا انت لو تتطوع بعمليات المنظار بتطلع لك فايده عطنا وش سويت
قال ابد صبه رده يامكنسة جدتي من وين ماولينا وجيهناا نفس الحكايه قل توفيق بس شكلي بفتح حلاق عند بيتكم مشروع يكسب ذهب .
انا: والله كلامكم اقنعني
طيب دام الامور كذا وش السواه
الا اللي يقهر الدكتوره اللي تستلم 75 الف وللحين ماتزوجت
هذي وش بتسوي بالـ75 الف؟؟ ((صورة مع التحيه لباور ابن هورس على المقطع هذا ))
((صوت من داخل كبينه بالمقهى يقول بصوت خرق الاذان)) جعل ايميلها مايجي بيدي
جعل مابرفت معها بالشات يييييييييييييييييييييييييييييه
ابو دريّس يقول: والله يا ابو جدايل الحين لو نشوف مثلا فلان الفلاني رئيس الشركه الفلانيه يستلم 200 الف بالشهر وغير انهم يغيرون له السياره كل سنه اللي يبيها حتى لو طلب سيارة جمس بوند وعنده خدم وحشم والوجبات والمناسبات الكبرى على حساب الشركه غير انه تجيه 50الف لانه برتبة وز وز
هذا بالله وش بيسوي بـ 250 الف ريال بالشهر
اتوقع ولده يروح ومعه فسحه 500 زرقا ويباشر ثلاث صفوف يم صفه عشان مالقى فراطه او انه يجيب معه ميز
هذا ياخذ راتب كم موظف براتب 4000؟؟
ابو احمد : انا لو منه كل اول شهر وانا طالع من البيت اسوي حركه اقط عشر الاف ريال بالشارع واسوي نفسي مضيعها
يجي ابو عزيّز يقول: انا لو معي هالمنصب اني لاشتري ذاك التسلب(الكلب) اللي ورث فلوس بامريكا واتزوج الدكتوره واخنقهم هي والكلب بليله وحده واورثهم
واشتري دبابه من زود الفلوس واركنها عند باب بيتنا
واصبر مدة خدمتي الين اجمع المقسوم لنفرض مدة الخدمه 25 سنه =75000000
<-- سريعين بعمليات الحساب اللي تتعلق بالدراهم عيال الايه
أبرّح فيها المزاحميه واحط نقطة تفتيش عند مدخل المزاحميه الوهمي والدوريه رواتبهم على حسابي
<--- مجرم هالبو عزيّز يخزي العين
انا: ياخي هذا مايعطينا الـ50 الف كل شهر دفعة بلىىى
<-- باللهي عليك
ابو دريّس: انا اتوقع الاخ اللطيف هذا كل نهاية اسبوع يروح يعسل في الكاريبي ويرجع للديره وتو الجمر اللي بالمعسل ماطفى
وفجأه يتكلم الحظ ويقول بصوت عالي ((انعن والدييييييييييييييييييييييييييه هالادمي عز الله عليه حظ يفلق الصخر )) ..
<----اذا الحظ يقول لكم كذا وش تبون تسووون
ياشباب وش تتوقعون سبب حظنا التعيس
عجزنا وحنا نطامر من تقديم لتقديم
خوفك من كثر مانطامر يوزعون علينا اثباتات على اننا فصيلة كنغر مسويه زحمه
في هذه اللحظه نقز اصغرنا سن في هذه المهنه الجريئه وقال تدرون وش السبب ياعياال؟؟
كلهم قالو بوقت واحد وبصوت واحد ذكرني بجمهور الهلال وشو؟؟
قال ابد تركنا الصلاه ونسينا رب العباد اللي يقسم الارزاق ويرقنا من حيث لانعلم
((صورة وجيه بردت من كلمة صغير السن))
بعدها ومن يومها مافرط الفرسان الثلاثه بالصلاه
توظف ابو دريس بشركه
وابو جدايل صار عنده دبلوم هندسة ادوات طبيه في احد المستشفيات
وابو عزيزصار موظف رسمي باحد القطاعات الخاصه
وكل اللي بالمقهى
اذكر الله يذكركم
وطبعا ماننسى ان في مسؤوليه على كبار المسؤولين في الشركات
خافوا ربك وقدروا تعب الناس اللي كافحة وشقّت
بس برضو نعيد ونزيد صعب نلقى المثاليه في زمن مثل هالزمن
وصعب نلقى اخلاص في الواجب
اجل واحد راجع من الغربه في امريكا ودارس تقوله الشركه الفلانيه رح وراك
قويه بالحيل
يتــــبع