ريـمـانـا + انسان حالم = رثـعـان

[رثـعـان]

بدون مقدمـات !


اقلطـــــــــوووووا



سلام من شاعر وعنده براعه // وله في بحور الشعر تاريخ كافي
تسليمةٍ تغني شعوب المجاعه // وترجح بسهم الراجحي والمصافي
اقولها والشعر ميزان صاعه // في قوة المعنى وفكر احترافي
يـاانسان حالم خل عنك الطماعه // الحلم يبقى حلم مير انت غافي
مدري بيوتك جد ولا لكاعه // والسيل مايخفيه عج وسوافي
لكن دور غيرها لك بضاعه // هذي ترى ريمان بنت السنافي
ماهي من اهل الدقدقه والدناعه // ولاتعترف في جاكلينا وبافي
سليلة اهل الطيب عقل وسناعه // واهل الوفا والجود والعز ضافي
رايي وقلته لو يهمك سماعه // ولا كل من يكتب ثقافي / ثقافي

[ღ الشـــــآقي ღ]

رثعان

هلا وغلا فيك اخوي

وبصراحه اعجبتني هالمعادلة الحلوة

ابيات ريمانا جميلة جداً وبشكل ماكنت اتوقعه بهالروعة

الله يعطيها العافيه ..

وانسان حالم ايضا كان بمستوى رائع فعلاً

فيها ابيات اعجبتني وعرف كيف يطرحها .. الله يعطيه العافيه

واخيرا جاء رثعان وكمل مسلسل الابداع الله لايهينه

على انه كان فيها كشف لبعض الامور لكن كانت مرسومة وحادة ..

الله يعطيه العافيه ...

والله اعلم هل هذي هي الحلقه الاخيرة بهالمسلسل ولا للابداع بقية ..


اسعدتوني بهالطرح الله لايهينكم ..

تحيتي


الشـــــآقي.

["..!هاجس الليل!.."]

هلا بك اخوووي ......

(( رثعان ))

و غالي بعد & ولك في الحشا مسكن

طــــــــال عمـــــــرك

ابيات تدرس ابها اجيال انا منك استفت كثير تستغرب ردي لاكن ويش الفرق بيني وبين مسلم نحن اخوانا ....

ويربطنا عقيدة واحدة جمعنا عليها رب العالمين ....

ابيات من قريتها السطر بالسطر والحرف بالحرف لها معاني جذابه ....

نقيت ابياتكــ واحسنت النقيه والاختيار ......

طيب طال عمرك انت في اخر بيت ذكرت ابيات مو بيت من المعنى :

رايي وقلته لو يهمـك ســمــاعـه
ولا كل من يكتب ثقافي / ثقافـي

طيب عندي سؤال والله اني مشتهي اعرف الرد "

انت دووم من تواضعك تقول انا ماني شاعر >>>>>> بعكس اللي اشوفه انا انت متمكن قوي الى الشعر

طيب لو مثلي انا صاحي نايم افكر في الشعر ابي اصير شاعر هل من الممكن؟

وانت قلت طال عمرك (( ولا كل من يكتب ثقافي / ثقافـي ))

طيب هذا شي معروف ...

ممكن واحد مايعرف في الثقافة ويكتب وهو ماهو بثقافي ....

طيب يقدر يتثقف ... بالقراءة ...

اسئلة كثيرة ولاكن تبقى الأجوابه مدفونه ...

ابيات تشكر عليها صراحة

تقبل احترامي

استاذي واخوي الاسلامي: رثعان

إمبرااااطوور الشعر

[انسـ حـالم ـان]

ياسلام عليك
ونعم بك وبريمانا
اطربتني بقافك يارثعان

خلوووووووووووووووووووووووهاااااااااااااااااااااااا اااا

"
"
"

يامرحبا ترحيب ضافي شراعه \\ ماردّه حبيّب لـ صقر النصافي

باللي اشوفه مستميت بدفاعه \\ شب الحريق ولا اتصل بالمطافي

ياملفقن لـ انسان حالم اشاعه \\ الذيب ماجاكم طمع بالهرافي

ماني من اهل الدنفسه والصياعه \\ ولانيب داني لجل يسهل قطافي

ماقلت شي الا عليه استطاعه \\ عيني على دربي ولا انظر خلافي


اشهد بالله انك شاعر يارثعان واللعب معك ممتع

بس شاب القاف شف لنا غيره وابشر بعزك

[ღ الشـــــآقي ღ]

هههههههههههههههههههههههه

صح لسانك انسان حالم

لاهنت وبيض الله وجهك

من جد انتم روووعة الله لايهينكم

ننتظر حضور الطرف الثالث ريمانا

تحيتي

[انسـ حـالم ـان]

صح بدانك اخوي الشاقي

ووجهك ابيض يابعدي

الروعه تكمل بمتابعتك انت والاخوان اللي هنا

[ريمانا]

صح لسآنك يالّي (منت شآعر)!

وصح لسآنك انسآن حآلم!

[رثـعـان]

حياك الله ياشاعر الجوهره

ولاهنت على تعطيرك لصفحتي المتواضعه


لك ودي

رثـعـان

[رثـعـان]

هلا اخوي الاسلامي / ياسر

حياك ربي

والله انا ماني شاعر ولا كان افدتك اكثر
لكن الاخوان فيهم البركه

وكل شي ممكن في الحياه ياياسر الا الموت غير ممكن :)
شد حيلك والله يوفقك

لك ودي

[رثـعـان]

هلا انسان حالم
وصح لسانك
ماشاء الله مبدع

ونعم بحالك يالشاعر

وانا ياخوك مانيب شاعر لكن شهاده منك تسوى واجد
ونتعلم منك طال عمرك



وابشر بعزك :)

[رثـعـان]

هلا ريمانا

شفتوا وش قالت ( ياللي منت شاعر )
هذي شهاده اني كذلك

لكن ان شاء الله استفيد منكم

صح بدنك ريمانا



لك ودي

[رثـعـان]

طيب استلم



ياللي تجر الصوت مامنك راعه // الناس وصلت للقمر وانت حافي
عطيتك الموجز على كل اذاعه // ياللي ماندري عنك من وين لافي
والبحـر لامنا وصلنا لقاعه // احدٍ يجيب اللـول واحدٍ يخافي
يانسان حالم لو تعرف الطباعه // ماكان شفتك فالخفاره ياكافي
وان كان ياذيب العرب فيك تاعه // لاتمرح الليله بشبك الخرافي
وان كان تنظر للنجم فرتفاعه // يابعد مسرى النجم والجو صافي
خلك معي من دون لاتقول طاعه // واعطيك تاريخ السنين العجافي
ماكل من كثر وكبر متاعه // يصبح زعيم القوم لو كان هافي
والضلع لامنه تعاوت سباعه // خل بعيد هناك وسط الفيافي

انسان حالم عندك الكوره :)

[روعةحلم]

مساجلة رائعة وابيات جميلة جدا صح لسانك أخوي ولاهنت

استمتعت كثيرا بقراءة شعر حقيقي

كل الشكر لك

["..!هاجس الليل!.."]

لي رد بسيطه ويارب اتوفق ابها

خليني اشوتها انا

الشاعــر اللــي مبتلـــي فـــي الشجـــاعـــة
يخوظ حـــرب" مـــا هـــوى النفـــس صافي
و الحــــر لابــــد مــــن تفكيــرى ســـاعـــة
و. الا مــــروح فيهـــــا تنتـــيـــــف حــــافي
والقــــــول للــــــي شــــايــف " له سناعـة
ربــــــي بــــلاه ابعــــــزه هــُ فيهـــــا عـافي
رثعان قلتـــــــه تغنــــــي عنـــــــه المجاعـة
ولا كـــــــل مـــــن يكتــــب ثقافي / ثقــافـــي

من كلماتي المتواضعه
واول مره اكتب على هالون

إمبراطور الشعر

ياسر القحطاني

[رثـعـان]

هههههههههههههه


سرى الليل

لاهنت يالقحطاني

[رثـعـان]

روعة حلم

اسفين طال عمرك

وحياك الله

وصح بدنك
ولك كل الود لتعطيرك ماكتب هنا


لك ودي