(((الحــــــــــزن إلـــه إســــــبوع)))

[رعـ الهموم ـد]

السلام عليكم ورحمة الله وبركاته

أظع بين أيديكم هذه المتواضعه التي أتمنى ان تنال علىذائقتكم الراقيه


قد اكون تأخرت ليس بالكثير لكن الأسباب كثيره

حبكم يجعلني أتواصل معكم بكل شغف





الحزن إله اسبوع عيا لايخف ولا يروح=قلط بقلبي ثم تربع وأرتكى على أوردي
أقول تكفى طالبك خذ ماتبي ماني شحوح=ألا حياتي خلها تبقى معي وقتن مدي
تقهو سو اللي تبي زوود على جروحي جروح=وإخذ الجميله من رفيقن دايمن كفه ندي
خمسة عوام أشيد أبراج الغلا وأبني صروح=أحط من فوق جهدي جهدن تعدى بجهدي
واليوم جيت وناوين تسهرني الليله أنوح=دخلت قلبي نعنبو حيك مسلح وتعدي
وشلون ودك تاخذ من القلب روحن وسط روح=وتقول تنساها وأنا أقول لك هات لحدي
ماني بناسيها مادام البرق بعيوني يلوح=وإخيال همي مرتكي ويسمع صدى صوت رعدي
الناس تسمع داخلي صوتن مثل دبك الجموح=والا مثل صوت السيوف إن خالط العزوه حدي
وحرن مثل حر الجمر لاقامت الدله تفوح=والا رعد مسوددتن أول مقادمها بردي
زاد الحزن مات الأمل في غيبتك ظاع الطموح=واقف وعيني تنظر وعجزت تلووح لك يدي



تقبلو فائق ودي وإحترامي




رعـــــــــــــــــــــ الهموم ـــــــــــــــــد

[ابوفراس 999]

كتبت وابدعت === يارعد الهموم == والله يبعد عنا وعنكم كل الهموم ===

وتقبل مروري

["..!هاجس الليل!.."]

هلابك حبيبنا واخونا الشاعر

رعد الهموم

ابدعت وانا اخوووك وبديت القصيدة بكلااام سابقه لما بعده لدرجه تماسك القصيدة

اظن ماحدٍ ملها

مبدع وانت عارفٍ ردي

تقبل احترامي

إمبراااطوور الشعر

[شاعر الأحزان]

الله الله الله الله ..
رعد الهموووم ..
قصيدة فااقت جميع التصورات ..
كنت موقن بشاعريتك , لكن ما توقعت هالابداااع ..
سلمت يمينك يالذييييب ..
خمسة عوام أشيد أبراج الغلا وأبنـي صـروح
ـــــــــــــــــــــــــ أحط من فوق جهدي جهـدن تعـدى بجهـدي
يالله على هالبيت ..
زاد الحزن مات الأمل في غيبتك ظاع الطمـوح
ـــــــــــــــــــ واقف وعيني تنظر وعجزت تلووح لـك يـدي
عيني عليك باردة ..
جزلة من راس جزل ..
صح لسااانك وبيض الله وجهك ..
سجل اعجااابي بالخط العريـــــــــض ...
سلمت على هالرائعه اللي مهما قلت ما بوفيها حقها ..
كان هنا بكل الاعجااااااااااااااااااااب ..
شاعر الأحزان

[روعةحلم]

زاد الحزن مات الأمل في غيبتك ظاع الطمـوح
واقف وعيني تنظر وعجزت تلووح لـك يـدي



رعد الهموم

صح لسانك وسلم منطوقك

شدتني أبيات عدة أبدعت في صورها كثيرا

كل الإمتنان لحمل الجمال الى هنا

[رووان]

الناس تسمع داخلي صوتن مثل دبـك الجمـوح
والا مثل صوت السيوف إن خالط العزوه حدي
وحرن مثل حر الجمـر لاقامـت الدلـه تفـوح
والا رعـد مسوددتـن أول مقادمهـا بــردي
زاد الحزن مات الأمل في غيبتك ظاع الطمـوح
واقف وعيني تنظر وعجزت تلووح لـك يـدي :
؛
:

اكثر الابيات جملاً في القصيده

هنا فقط لها وقفه خاصه عند تشيد في التشبيهات وتصوير بشكل يطرب القارىء

صح لسانك وعلا شااانك واصل في النزف

دمت بخير

رووان

[ღأم لسانين ღ]

كلا رائع تسلم
وماننحرم من ابداعك

[الــــــبدر]

http://www.algohrh.com/upload//upload/wh_37688089.gif


http://www.algohrh.com/upload//upload/wh_89358157.gif


تحيااااااااااتي

[الغلا كلمه]

هذا الـ هموم رعد مدهش إلى الحد الذي لايمكن وصفه !



صدقوني

[الصاااارووخ]

هلا وغلا

رعـــد الهـموٍم

إبـداع وتمـيز وذوٍوٍقّ

ماشاء الله تبـآرك الرحمن عيني عليك باردهـ

قصيدهـ قـويه فيها من الحـزن الشي الكثير

ابيـآت راقت لي كـثيراً واحتفظت بها بعـد اذنك

صـح لسـآنك ولاهنـت

الله يعطيك العافية يارب

وتسـلم يمينك يالغـلأأ ولاهنت
*
*
يجمعنـآ وقت .. وتفرقنـآ إوقـآت .. ويظل الوٍد لكم بـآق
*
*
الصـآرووخ

[ღ الشـــــآقي ღ]

وعليكم السلام والرحمة والاكرام

رعد الهمـوم

يالله حيه ومن جا مابطى < يبي يعتذر ولا يعرف وش يقول هع

صح لسانك وبيض الله وجهك على هالقصيدة المجلمة والمسكته

بصراحه اظلمك لو اقتبست بيت واحد او اثنين فقط

ماشاء الله عليك تبارك الله عيني عليك بارده

بصراحه كل عناصر القصيدة الجزلة المكتملة .. اكتملت هنا ..

تصوير دقيق ورائع ..

موسيقى حركية مابين الصوت والصورة ..

الفاظ اختيرت بعنايه .. ومكملة لبعضها ..

لمسات شعرية وحس شعري راقي ..

افكار طرحت بشكل مترابط وبطريقه جذابه ..

اختيار قافية رنانة .. واتقنتها ..

والكثير الكثير من الجماليات ....

بصراحه عجبتني القصيدة .. لاتحرمنا من جديدك ..

اخي الكريم تقبل مروري هنا بفائق التقدير لشخصك ..

دمت بالود ..