قصه من تاليفي....((الجزء الاول))

[نبض القصيد]

هااااااااااااايووووووووووووووو
هذي قصه طال عمركم كتبتها من فتره في منتدى من المنتديات
>>>>مبروك وش نسوي لك يعنيhttp://www.asmilies.com/smiliespic/smiliestxt/009.gif
هععع
قصه مضحكه تموت ضحك
عاد اقرؤها وردوا لان ظهري انكسر وانا اكتبها>>>مين قال لك تكتبينهاhttp://y1y1.com/hd0/albums/sm2/thumb_16.gif
بس احلى شئ
اني كنت جالسه ساعه وشوي اكتبها لاكن الحين سويت لها نسخ من المنتدى اللي كتبتها فيه ولصقتها عندكم>>>روحي بشري الوالده خخخ

وخرووووووووو نبوووووض تكتــــســــح الــعـــالــــم بـــاختــــراع


السلام عليكم ورحمة الله وبركاته اخواني واخواتي بعد طول غياب عن الساحه الفنيه رجعنا لكم بالجديد

>>>>>>ماخذه مقلب بعمرها

المهم جتني فتره حسيت الدنيا مالهاش طعم ولاريحه ولا لون

>>>>> كل شي يتحول عندها لاكل الله من الشاعريه بس

نرجع لموضوعنا حسيت الدنيا مالهاش طعم خصوصا اني وحده تقريبا متفرغه ماعندي الا نوم واكل و دراسه يعني الزبده ماعندي الا الحش في خلق الله والطلعات والروحات و فرفرة ذا الاسواق او العشعشه عند التلفيشن

>>>>>ثقافتها فرنسيه تلفيشن احم يعني لايفوتكم

وفجاة من غير سابق انذار حسيت اني ملييت وكرهت حياتي يعني
صباحي زي ليلي وليلي زي نهاري ونهاري زي وجهي حتى سواقنا طفش منى يقولي انت كل يوم في سيم سيم يسوي يدور شارع شارع
انتاومهل مهل انتا مافيه طفس انتا فيه لازم يسوي شي للبلد

<<<<<حتى الهندي طفش منها

وبديت احس في الطفش وكل يوم عن يوم اتعمق واغوص في درجات لطفش وبدت الحاله يوم عن يوم تزيد وفجاة وانا توي صاحيه من
النوم مادريت الا اختي داخله علي طبعا توها راجعه من المدرسه
وطفشانه من معلمتهم قلت لها وانا احك راسي خير ايش عندك
قالت عندي طفش في طفش
خير انشالله
اختي سوير: ابله فاطمه تقول المفروض تسوون ابداعات اختراعات
من وين بنجيبلها الابداعات والاختراعات احنا عندنا وقت نبدع ونخترع فيهن من قلة المناهج وكثرة الفراغ اللي عندنا....
وهناوانا في وسط عمليه الاستيقاظ والتعمق في حك راسي طلعت الفكره....http://www.al-bo7.com/vb/images/smilies/icon9.gif
وجدتها.....
وجدتها.........:

يعني لقيتها للي مايعرف فرنسي.....
بس خلاص لقيت اللي بينتشلني من حالة البطاله اللي انا فيها
مافيه الا اخترع ايه اخترع وقالهامحي الدين انتا فيه لازم يسوي شي للبلد......
وقررت اخترع.....
لكن فيه مشكله هي بسيطه بس تعتبر مشكله......
ايش اخترع....

المهم وتبدا رحلة التفكير ايش اخترع اها ولقيتهاالكاميرا العاديه تطلع صوره من غير صوت نخليها بصوت وحركه
<<<<<وكاميرة الفديو ليش اخترعوها يالذكيه بسhttp://www.kuwaitmax.com/vb/images/smilies/a17.gif

اها طيب ماينفع الاختراع هذا سبقوني عليه طيب كاشف الارقام بالهاتف ليش مانخليه بالمره كاشف للخشش (للي مايعرف خشش يعني فيسز)
مافيه الاكذا بس والله مشكله لاخترعته حراام يعني لو باخترع كاشف خشش بيصير مشاكله اكثر من فوايده وماراح ينفعنا خصوصااحنا يالحريم يعني تخيلو العايله مجتمعين ويدق التيلفون والبنات يقومن ركض عشان مو متغطين والا اذا دق التلفيون ومافيه رجال في البيت تروح المره المسكينه تجيب العبايه والغطا(عاد واذا هيا زيي بتاخذ راحتها لاني عبايتي في قلعة جدي وانا بقلعة وادرين)
والمتصل تطلع روحه وهو يتصل ومافيه احد يرد عليه لا واذا بغيت اتصل على صديقتي اروح البس عبايتي والله ياهي وهقه لا والرجال خخخخخخخ لانوى الواحد فيهم يتصل قعد يشخص قدام المرايه ساعه.
<<<<<بدت تفكر فيها اخرتها هي بتتوهق

ضاقت فيني الدنيا حرام يعني عندي موهبة الاختراع بس ماني لاقيه الفكره وبديت ادور في البيت وانا يائسه امر على غرفة امي باشكيلها مشكلتي الاقيه طابه هواش مع ابوي قلت يابنت اطلعي والحقي عمرك دام مانتبهوا انك هنا

<<<<<مسويه فيها مسلسل تراجيدي

المهم وادخل على اختي الا واشوف الخشه مــاش مــش ولا بــــد والحواجب معقوده قلت مو مشكله اقولها قلت ....نوير
<<<<<<بسم الله علينا مامداني انطق الاسم الا وفاكه علي بسيل وابل من الشتم والسب
<<<<لاتفوتكم وابل ذي مادري شلون جت

نوير: خير وشتبين جايه وناطه عندي بغرفتي ليش انشاالله تبيني اسويلك شي ترا مو فاضيه ليكي وبعدين انتي ووجهك مو عشانك فاضيه كل الناس فاضيين زيييك( اغمز عيني بنت خلاص بس بلا فضايحاحنا اللحين في وسط مشهد لقصه بالمنتدى)http://www.al-bo7.com/vb/images/smilies/1whistling.gif
نوير: خلاص اطلعي وقفلي الباب ويخلص المشهد..



طيب واطلع من الغرفه وتضيق فيني الدنيا وافكر ياربي ايش اسوي بس قلت مافيه غير اروح لخلود اخوي حبيبي وادخل غرفته والله لايوريكم طبعا تعرفون غرفة العيال لو عندك مليون شغاله ماينفع معها شي ايه غرفة عيال المهم واضطر اسبح من الباب بالملابس والاغراض لمكتب خلود...خلود وانادي وانا اسبح شاقه طريقي للمكتب حقه ووصلت للمكتب بعد تعب خلود كان ماشوف احد خلود والاقيه واقف عند الدولاب
خلود ليش ماترد
خلود : ماني فاضي (مادري ليش دايم ماعنده الا هالكلمه )
طيب خلود عندي مشكله
خلود : ماتفهمين انتي ماني فاضي طالع اللحين والبس
طيب خلود ليش واقف عند دولاب الملابس ومافيه شي بالدلاوب فاضي كل ملابسك بالارض
خلود : عشان المرايه.
اها طيب دامك فاضي تتكلم ابي استشيرك
خلود انا طالع ماتفهمين انتي..

<<<<<<تطلع من الغرفه وكلها حزن على كثر الغرف في البيت على قلة بركتها مافيه احد يستقبل

وانزل تحت مافيه الا الشغاله والاقيها مو فاضيه بعد تكنس
ميمون وصمخ
<<<<فضيحه قالت اسم شغالتهم(ميمون)
ميمون
يس ماما
اقول ايش قاعده تسوين انتي
ميمون : ايش قاعد يسوي انا فيه قشر بصل انا مافيه سوف انا فيه اكنس .

<<<<<<يؤ يؤ حتى الشغاله طلعت حرتها فيها لا وبعد تعرف اقول اقشر بصل http://www.al-bo7.com/vb/images/smilies/roflmao.gif


طيب ميمون ابي اقولك شي
ميمون: ماما انا مو فاضي انا فيه لازم اكنس وشعر مال انا لازم فيه غسل وبعدين فيه روه غسل ملابس مافي فاضي انا
لقيتها بس خلاص لقيتها


لقيت الاختراع ...

ميمون:

تبي تكنس بعدين تغسل شعرهاليش ماخترع مكنسه باستشوار والله شي عملي لربة المنزل وتوفير للوقت واخترع 2 ×1

امواااااه ميمون صدق مايجيبها الا شغالتها

()

المهم واسهر ليلي احوس واخترع بالمكنسه واضبط وافكك وطلع الصباح وانا اضبط في المكنسه واركب في الاستشوار وماجا الظهر الا وانا خالصه من الاختراع ياناس اتاري الاختراعات سهله بس اخترع وامش.
المهم قلت باروح ابشر امي اكيد بتفرح بفلذة كبدهانزلت لامي الا وهي بالمطبخ قاعده تسوي الغدا وتضبط بذا الكشنه
قلت يمه باركيلي
امي : خير انشالله جا التعيين.
لا يمه
امي : وحده انهفت بعقلها وبتخطبك لولدها

<<<<<<صدق تحطيم امها
لا لا يمه
امي : اجل ايش....
يمه انا اخترعت اخترااع ...
خير ماجبتي شي جديد ايش السالفه الجديده اللي اخترعتي

لا لا لا يمه اختراع صدق هالمره شفتي مكنستنا انا فككتها وركبتـ...... ترنق تراااااخ طن ومادريت الا القدر الحامي براسي مع كشنته

<<<<<<امها ماعندها تفاهم الله يسامحك يبه قلت لك لاتتزوج امي ماتعرف تتفاهم بهدوء بس انت ماطعتني.

المهم ياجماعة الخيرالمخترعين دايما كذا لازم يلقون رفض فيه مخترعين راحو ضحية شعب وفيه اللي راحو ضحية حكومه

<<<<<وفيه اللي راحو ضحية كشنه

المهم










((ترى فيه تكمله تحت بمشاركه ثانيه هع...انزلوا وكملو)):losd:

[نبض القصيد]

واقعد اقنع امي يومين باختراعي واننا بنصير مشاهير واني باعرس وتفتك من خشتي وماعادبتشوفيني بعد هالاختراع وفي الا خير اقتنعت امي..:rft:
بس فيه مشكله وشلون اسوق الاختراع هذا وشلون اوصله للناس
وشلون بيدرون ان فيه مكنسه باستشوارقالولي مافيه الا تسوون دعايات في التلفزيون اما عاد دعاياااات
من بيسويها وافكر وافكر قلت بس مافيه الا اجمع بزارين حارتنا ونسوي دعايه وياسواد ليلي من بزارين حارتنا :76::l,k:تشوفون العجب العجاب هذا اسكت فيه يجعر وهذا ماسك الثاني بشوشته وهذا اخذ حلاوة اللي بجنبه يفترسها.
قالت اختي انتي ووجهك اللحين تسوين برنامج للاطفال
قلت: ليش
نوير : يعني مكنسه باستشوار وش دخل الاطفال فيها
: ايو الله صح وش دخلهم

نوير : ماتشوفين الدعايات اللحين شوي وتقلب على اغاني فيديو كليب وانتي بيتسوووين برنامج اطفال

ايوالله صادقه سوير بس من نجيب بالدعايه

نوير : ههههههه نجيب محفوظ... من بتجيبين انتي ووجهك اكيد وحده اول الدعايه شعرها منكووووش شعرها وتخررررع واخر الدعايه شعر سايح وتهبل .

اها طيب يالذكيه من نجيب يسوي الدعايه انا وانتي هو صح انك انتي تنطبق عليكي الحاله الاولى وانا الحاله الثانيه بس والله لايذبحنا ابوي وخلودمابقا الاهذي نطلع في التلفزيون

نوير : عشتو جيبي أي احد .


وهنا ترجع الحاله مره ثانيه وتضيق بي الوسيعه

وافكر وافكر واطلع لغرفتي وائعد اعييييط واقول ليش كذا قفلت بوجهي وتنزل دمعه ورا دمعه ليش مافيه احتضان للمواهب

<<<<<< اخصي بس يافاتن حمامه

وفجاه ودموعي ماسكه طابور وحده بعد الثانيه واسمع صوت برا في الحوش واحد يقول ( أيـــــــــــس فيــــه )


بس مافيه غيره ............
لقيته ....................
نويييييييييييير نوييييييييييير

<<<<<<< ترنق ترنق ترنق نبوضه تركض لاختها





لقيته نوير محي الدين اللي بيسوي الدعايه.

نويروعيونها اربع وخمس محي الدين

ايه نخليه وحده ويسويلينا الدعايه

وركض للحوش محي الدين تعال.

محي الدين : ايس فيه مدام .
محي الدين نبيك تسوي دعايه وبعدين تطلع في التلفزيون بعدين انتا فيه صير مشهوووور وفيه دنيا يعرف انتا

محي الدين : انا .... انا ...... فيه ....... سوووف.....انا .....تلفزيون:frd:
ايه محي الدين بتصير مشهوووور افرح من قدك.

المهم ويفرح محي الدين واخيرا لقى شي يفرحه ببيتنا .
وامسك محي الدين وافهمه ايش يسوي المهم ونبدا التصوير بس فيه شي غلط على الكاميرا يااااربي ايش القصه.....

اها.... بس...... الشــنــب

محي الدين ..... روح شيل الشنب.
محي الدين سمع الكلمه من هنا ووجهه قلب ع اللون الاصفر بتقولون شلون باقول مادري.

محي الدين: أيـــس ..... ايساانتـــا فيه قول....أيـــس هازا كلام......



خير شلون ايس اقول احلق شنب انتا.

محي الدين : لا.... لا...لا..

خير قلبنا سعودييين على غفله باقتلك انا شنب شيل فيه يرجع بعد ثلاثه يوم ...

محي الدين: نهي...نهي .... نهي

<<<<<< سوالها فيلم هندي

وجع يشق بطنك ايش نهي ذي قلت مافيه شنب يعني مافيه

محي الدين: انا مافيه يسوي فيلم خلاص روه دور بطل غير انا

صدق عمره انه بيسوي فيلملا وهو البطل فيه بعد؟؟؟

اسمع اللحين شلون فيه حرمه بشنب مافيه ماتعرف كذا تضبط دور البطوله

محي الدين :انا فيه حرمه في فيلم .
صدق انه هندي توه يدري ؟؟؟
:34:
اجل وشو انت وووجهك.
محي الدين : نهي.... نهي هازا فزيحه..... انا فيه موووت بعديين.

وخر بس قال فزيحه قال
خلود خلود مافيه الا اخوي يتفاهم معك

خلود : خير انشالله
واقول لخلود القصه وخلود مرتز بشماغه وماعنده الا ام .. ويهز راسه ... وام .... ام...

ترا عاد لو هو اخوي بس شايف عمره هالولد وش عليه مادري

المهم كان رد خلود :وبعدين انشالله تبين اكلمه

وانا جايبتك عشان تكلمه خله يواجه الامر الواقع وشيل الشنب

خلود : لزقه هو اشيله وبعدين ترا مانيب فاضيلك انتي وذا الهندي

خلود اخوي ترا كل شي بحسابه( اخوها وعارفته مايتعامل الا بالكاش)

طيب خلاص ادخلي جوه باروح اجيب صديقي ومالك الا يجيبلك شنبه حيا او ميتا.
المهم شوي واسمع صراخ محي الدين واسمع ركض قلت خليني اناظر واشوف من الشباك القصه.

الا اخوي متلثم هو وصديقه ورافعين الثياب و مطارد بمحي الدين

وصرااااخ ومره بالسعودي....لا.....لا....لا....

ومره بالهندي ...نهي ....نهي...نهي

مسكين محي الدين لو وفرت على عمرك وحلقت الشنب وارتحت من المطارد وريحتني من دفع الفلوس

نــــــــــــــــــهـــــــــــــــ
ي وهنا سمعت صرخة محي الدين وعرفت انهم تمكنوا منه( الاوهو الشنب يعني )

ومادريت الاخلود جاي ومعه الشنب خوذي انتهت المهمه

طيب تمام اخوي الله لايحرمني منك

خلود خير وين ؟؟؟

باروح اشوف محي الدين

خلود : سلمي واستلمي قبي بالفوس.

طيب خذ صدق اخوان اخر زمن
المهم واطلع والاقي محي الدين يعيييييط

وربي حزنت عليه وشكله في الزوايه يبكي

<<<<<<<جابت له الحاله النفسيه هي واختراعها



قلت خلاص محي الدين اللي راح راح وخلنا في اللحين

وفجـــأه ومن غير مقدمات .................................................




تتابعون البقيه في الجزء الثاني من نبوووضه تكتسح العالم باختراااع ..

مقتطفات من الجزء الثاني::

في الحلقه القادمه ترون ....


1خلود ونبوض في قسم الشرطه.
2- ماذا حدث لنبوضه في شوارع الرياض .
3- ماذا حدث لام عليـان عندما اشترت المكنسه
4- ماهي التغيييرات التي حدثت للعائله بعد شهرتها:5tg:
5- ترقبـــــــوا نبوض و محي الدين في انـــــشـــــوده وطنيه
6- خلود يعتزل السربته لفتره غير محدوده
7- نبوض وتسابق الفضائيات بمقابله معها
8- نبوضه وسر محاصرة القوات المسلحه لبيتها .




مع تحــــــــيـــات

نبوووووووووووووووووووضه

هععععععععععععععععععععع

[الفيصل]

رائعة بالفعل يانبووووووضة:321::321::321:
بصراحة عقب هالقصص والتأليف
خايف تاكلين علينا الجو:l,k::l,k::l,k:
بس عليك بالعافية تستاهلين كل خير
وتراني بانتظار الأجزاء القادمة لاتتأخرين

الفـــــيــــــــصـــــــل..

[نبض القصيد]

ههههههههههههه
يسلمووو الفيصل
واخيرا باقي بالدنيا بشر يقدرون مواهبي خخخخ

[الجوهرة]

احلىىىى يافجر السعيد

الحمد لله ان العقاد مات والا كان قطعتي رزقه هالضعيف


الله يرجك يا نبوووضه

قصه روووعه وتحمس ههههه

اهم شي لا تنسين تحفظين براءة الاختراع لك


كلي شوق لمعرفة احداث الجزء الثاني


عجلي فيه علينا :)

[عزيز النفس]

ياربييييييييييييييييييييه يانبووضه ظهري انكسر وانا قاعد اقرأ


ابغى اشوف وش نهاية قصتك ؟


خفت صراحه ليكون انك دمرتي العالم باختراعك بس الحمد للّه للان كل النتائج ايجابيه <<<<مافيه من ناحيتها اي خووف

















دبه هيه تري امزززح معك وموفقه انشاء الله وبصراحه قصتك ممتعه وهاتي الاجزاء الثانيه بسرررعه هااه لايكثر زين

[نبض القصيد]

اي فجر السعيد انتي الثانيه
خخخخخ
اصلا فجر السعيد تحطمت بعد ماطلعت انا في الساحه الكتابيه>>>البنت ماخذه مقلب في نفسها هع
عموما
انتظريني في الحلقه الثانيه

[نبض القصيد]

اوكييييييييييييييك عزيزوه يالدب
مسكين انكسر ظهرك
شكلي ماراح انزل الجزءالثاني علشانك اخاف عليك>>>ايه هين خخخخخ


يسلمووو