~* موطـــــن الاحــــزان *~

[الجوهرة]

رسمـتك داخلي كذبه رسمتك داخلي عنوان=رسمت الحلم بعيونك واشوفك طحت من عيني


رسمتك درب للفرحه لقيتك موطن الاحزان=وهم قلوبنا تشهد وش اللي منك يرويني


سراب ولاح لعيوني بدا يكبر مع الازمان=سراب ولاح لعيونه وربي كان معميني


ابكشف عن خفى نفسي وابين خافي الوجدان=بغير مظهري لكن ابفضح كل ما فيني


انا اللي ما شكى مره ولكن عالمي خوان=اموت وحبك الباقي مهنيني ومرضيني


اجيك بصافي النيه واجي يا صاحبي ولهان=واشوفك ما تبادلني شعور وكان مشقيني


تعبت وقلبي اتعبته يكفي قلبي الشفقان=يكفي ما حصل منك يكفي ما ظهر فيني


صبرت وضاقت الدنيا وياليت الزمن ما كان=انـا اللي مــتــعـبه نفـسي واحـسب انك تواسيني

[نبض القصيد]

ابكشف عن خفى نفسي وابين خافي الوجدا ن ,,, بغير مظهري لكن ابفضـح كـل مـا فينـي

قصيده راائعه
استمتعت بقرائتها


تحياتي لك
اختك
نبض القصيد

[ناااايف]

تعبت وقلبي اتعبتـه يكفـي قلبـي الشفقـان *** يكفي ما حصل منك يكفي مـا ظهـر فينـي

صح لسااااااااانك الجوهرة

للمعاني الرائعه عنوان وعنوانها الجوهرة

الصراحه اجد نفسي عاجز عن الرد فاخاف ان انقص هذه القصيده حقها..

لمعنها وجمالها فاكتفي بان انظر اليها وأتأمل في ابداعاتك فيها

هنيئا لنا بكتاباتك وأبداعاتك.

مع التحيـــــــــــــــــــة

[الجوهرة]

نبض القصيد

هلاا بك عزيزتي

والرائع هو حظورك وردك:)



ناااايف

هلاااا بك

صح بدنك

تسلم لي على المرور وعلى هذا الكلام الرائع الذي اخجلني

يعطيك العافيه والقادم احلى باذن الله.

[نوار الهذلي]

السلام عليكم :
قصيدة في قمة الروعة ولو ماتستاهل ماقلت كذا .وأنا متيقن إنك ماتنتظرين إني أمدح قصيدة وإنتي جوهرة مضيئة في عالم الشعر .
رااااااااااااااائعة وحطيتي بين يدينا فعلاً جوهرة مكنونة .حتى الكلام ماقدر يوصفها .

أبكشف عن خفا نفسي وأبين خافي الوجدان......بغير مظهري لكن أبفضح كل مافيني

حوار روحاني يدور في داخل إحساس في داخل جوهرة في دنيا مليئة بالعواطف والأحاسيس .

صح لسااااااانك.ورائع ماكتبتي.

نوار الهذلي (مجروح)

[الجوهرة]

نوار الهذلي


عليكم السلام والرحمه

هلاااا بك معنا في ربوع الجوهرة

صح بدنك .. والرائع هو تواجدك وردك الاكثر من لطيف

سلمت يمينك ونتمنى من التواصل.



الجوهرة

[malek]

رسمـتك داخلي كذبه رسمتك داخلي عنوان=رسمت الحلم بعيونك واشوفك طحت من عيني


رسمتك درب للفرحه لقيتك موطن الاحزان=وهم قلوبنا تشهد وش اللي منك يرويني


سراب ولاح لعيوني بدا يكبر مع الازمان=سراب ولاح لعيونه وربي كان معميني


ابكشف عن خفى نفسي وابين خافي الوجدان=بغير مظهري لكن ابفضح كل ما فيني


انا اللي ما شكى مره ولكن عالمي خوان=اموت وحبك الباقي مهنيني ومرضيني


اجيك بصافي النيه واجي يا صاحبي ولهان=واشوفك ما تبادلني شعور وكان مشقيني


تعبت وقلبي اتعبته يكفي قلبي الشفقان=يكفي ما حصل منك يكفي ما ظهر فيني


صبرت وضاقت الدنيا وياليت الزمن ما كان=انـا اللي مــتــعـبه نفـسي واحـسب انك تواسيني



رحلتي مابقى لي غير دموع العين للحيران
اسامرها وانا اللي كنت اسامر روح مغليني
يجيني طيفك اللي مارحمني يوم انا ولهان
يعذبني ويجرحني وكاس الضيم يسقيني
كفايه ماجرى بالكون كفايه لوعة الحرمان
ابكتب للزمن حرف لعلك يوم ترضيني
انا عمري وعمرك صمت ومالي غير هالنسيان
الوذ بشاطيئ احزاني واعاند رحلة سنيني
سحايب حبنا كانت مع الديمه لها هتان
لها نبت النفل يرقص نسيتيها ايا عيني
وش اللي ذكرك فيني وش اللي حطني نيشان
على درب الجفا تمشين وصرتي ماتذكريني

الجوهرة
ماتعة رائعه
نابضة دافئه
عازفة على نغم المشاعر

اعذري خربشتي ضمن متصفحك
تقبلي تحياتي
دمتي بخير

[الجوهرة]

هلااااا ومية غلااااا مالك


صح لسانك على هالرد الاكثر من رائع

واللي بنظري تفوق على ما كتبته انا


شاكره لك تعليقك ورايك بما كتبت ..


يشرفني وجود اسمك بصفحاتي..دمت بود



الجوهرة

[سوسن]

الجوهره..

تسلم يمناك
ودي ارد ... وعجزت القى الرد
الموج عالي... وانا مبحر على قدي
يمكن بكره يتغير الحال..
المهم انك ابدعتي كعادتك

تحياتي وحبي
سوسن

[نـــدى]

الجوهرة

كلمات رائعــــــة جداً جداً .. وقد أحببتها ..
وعشت بعالمها .. وأحسست بها ..
.. أشكرك على ماخطته يمناك من خاطرة هزت قلوبنا من جمالها ..

تقبلي ارق واعذب تحيه

[الجوهرة]

سوسن

هلا بك والله يسلمك

ووجود اسمك بصفحتي يكفيني ..دمتي بخير.



نـــدى

هلا بك

الرائع هو تواجدك وردك عزيزتي

لا حرمنا الله تواجدك العطر... دمتي بخير



الجوهرة

[شوق الليالي]

مشاركه رائعه ,,,

وبلا شك لاتزيد عن روعة حضوركي ,,

كما عودتينا دائماً

تأتينا بكل ما هو رائع

جميل

عذب

و يشدنا إليه

دمت مبدعة

سلمت أناملكي بماسطرتي .. وصح لسااااانكـ ,, ولاهنتي

سجلي إعجابي بهذا الحضـور.. وفي انتضار جديدكـ وتواصلكـ

[ريم الشوق]

صح الله لسااان اختي الجوهره ولا هانت يمينك

الله الله على هالابداااع

ابيااات غاااية في الروعة والاداااء

جد جد ابدعتي اختي

عسانا ما ننحرم من ابداااعك

تحياتي واحترامي
ريم الشوق

[الجوهرة]

شووق الليالي

هااا فيك

الرائع هو تواجدك اختي وردك الحلو

سلمت يمينك عليه .. والقادم افضل باذن الله


ريم الشوق

هلااااا بك

صح الله بدنك

شاكره لك حظورك واطراءك الرائع.




الجوهرة