انت ظـالم وانا مـظـلوم !!

[][ مـلـك ][ الخيـآل ][]

السلام عليكم ورحمة الله وبركاته


صباح الخير /// مساء الخيـر


//


كعادتي أناجي خيالي وأناجي اصدقاء خيالي ,,

فتصورت الفراق وعشت العذاب في خيالي

وياليت دائما يكون بالخيال

ماحب فراق الإحبه بالواقع مع إنه لابد منه خاصه عندما يكون هناك رونق او خطاء !! :s32:

هاجت قريحتي بهذه الإبيات


اللي أتمنى ترقى إلى ذائقتكم الشعريه


وأتمنى تكون أفضل من شخبطاتي السابقه ,,


////



الدنيا الوسيعه ضاقت بالقلب الكبير=والروح فاضت من كثر الهموم
جلست لحالي كني طايح بوسط بير=ظلمة ونور مقطوع والحال مكتوم
انتظر متى الصبح يطلع والمكان ينير=وشريط حياتي يمر علي كانه يوم
كله بسبة حبيب(ن) ماله بقلبي خشير=عطيته قلبي وتركني وصرت محروم
وأصبحت أون واصيح كاني طفل(ن) كسير=هذا هو الحال وكل شي مقسوم
صح تركتني والقلب من بعدك مثل الزفير=بس لاتحسب اني بجيك ولاني بملزوم
مثلك وشرواك معرفتي بهم تقصير=بمعنى أصبحت أنت ظالم وصرت أنا المظلوم
توكل على الله وعيش حياتك بكل تيسير=روح الله يسهل دربك وانت مرحوم


//


أتمنـى تعجبكم :wink:


لاغنى عن نقدكم وتعليقاتكم ^_*


تقبلوا تحيآتي :z10:

[ksa girl]

وااااااااااااااااااو معانيها حييييييييييل قوية
وماعندي الخبرة الكافيه لنقد أبيات قد تكون أقرب للسلامة من الكسوووووووور


تقبل تواجدي بموضوع قصيدتك
والله لايجيب فراق بين الحبايب....

وإن شاء الله يبقى الفراق خيال بذهن كل الأحبة

تقبل مروري وتعليقي
أختك: ksa girl

[الصاااارووخ]

وعليكم السلام ورحمة الله وبركاته

هـــلأأ وغــــلآ

مـلك الخـيـآل

الف شكـر لك على هالابيـآت الرائعة

شوف وانا إخـوٍك في الشعر ما افهم فيه كثير

بس متذوق له بشكـل غير طبيعي

أعجبتني ابيات في قصيدتك

جلست لحالي كني طايح بوسط بير
ظلمة ونور مقطوع والحال مكتوم
انتظر متى الصبح يطلع والمكان ينير
وشريط حياتي يمر علي كانه يوم
8
8
ابداع وذوٍوٍق بجـد صح لسـآنك يالغالي

وتسـلم الايـآدي ولاتحرمنا من جـديدكـ

الله يعطيك العافية يارب

وتسـلم يمينك يالغـلا ولاهنت
*
*
يجمعنـآ وقت .. وتفرقنـآ إوقـآت .. ويظل الوٍد لكم باق
*
*
الصـآرووخ

[حنين الماضي]

هلا وغلا

مللك الخيال

اولا الله لايجيب فرااااق لانه مافي اقسى من لحظات فراق الاحبه

وياليت الفراق خيال في خيال كان احنا بخييييييييييير والله

وبالنسبه للقصيده مااقول الا صح لسانك وعلا شانك وسلمت يدك

واعجبتني اكثر شي هالابيات

جلست لحالي كني طايح بوسط بير
ظلمة ونور مقطوع والحال مكتوم
انتظر متى الصبح يطلع والمكان ينير
وشريط حياتي يمر علي كانه يوم
كله بسبة حبيب(ن) ماله بقلبي خشير
عطيته قلبي وتركني وصرت محروم
وأصبحت أون واصيح كاني طفل(ن) كسير
هذا هو الحال وكل شي مقسوم

تقبل مروري البسيط في صفحتك الشعريه الجميله

حنين الماضي

[صآحبة آلسمو]

هلا وغلا ملك الخيال ..


قصيدة قمة الجمال والاحساس..

ومن ناحيتي اشوف انها جميله كلماتها واحساسها ..

لان ماعندي خبرة النقد..

تسلم يمينك وصح لسانك لاهنت ...

لاحرمنا ملك الخيال جديدك الاجمل .............

[][ مـلـك ][ الخيـآل ][]

هلا وغلا
ksa girl

الف شكر لتنويرك متصفحي

تشرفت بتواجدك


والحمدالله أنها راقت لكٍ

والله يسمع منكٍ


تقبلي تحيآتي

[][ مـلـك ][ الخيـآل ][]

هلا وغلا


الصااروخ



الف شكر لمرورك هناا


أسعدني تواجدك الجميل


ياعزيزي حتى ولو إنك ماتعرف النقد يكفيني أن بعض الإبيات راقت لك ووصلك الإحساس اللي بداخلها ,,


وصح بدنك يالغلاا ولاهنت


تقبل تحيآتي

[][ مـلـك ][ الخيـآل ][]

هلا وغلا


حنين الماضي

صح بدنك


والف شكر لتواجدك العطر


تشرفت بمرورك وتنويرك لمتصفحي

واللهم امين يارب مايطري الفراق ع قلوبنا ,,


والحمدالله أن بعض الإبيات راقت لكٍ


تقبلي تحيآتي

[][ مـلـك ][ الخيـآل ][]

هلا وغلا


صاحبة السمـو

معرف أشتقت لتواجده منذو فتره طويله في متصفحـي !!

لي شرف تواجدك وشرف تنويرك لمتصفحي ,,

الحمدالله إن الكلمات رإقت لكٍ والإحساس لإمس إحساسك ,,

صح بدنك ولاهنتي ...

الله يعطيك العافيه


تقبلي تحياتي

[مجموعة انسان]

مشرفنا المميز والرائع
أخوي الغالي
][ مـلـك ][ الخيـآل ][
هلا وغلا
/
الدنيا الوسيعه ضاقت بالقلب الكبير
والروح فاضت من كثر الهموم
دليل هموم وأحزان وجروح كبيرة بداخلك هنا وفاضت الروح
دليل أحساس مميت قاتل ؛
جلست لحالي كني طايح بوسط بير
ظلمة ونور مقطوع والحال مكتوم
انتظر متى الصبح يطلع والمكان ينير
وشريط حياتي يمر علي كانه يوم
البئر دليل ضيق وضنك وانتظار فرج اقترب من المستحيل ؛
كله بسبة حبيب(ن) ماله بقلبي خشير
مافهمت معنى كلمة خشير هل تقصد بها أنه لا يوجد بالقلب غيره ؟؟
عطيته قلبي وتركني وصرت محروم
وأصبحت أون واصيح كاني طفل(ن) كسير
هذا هو الحال وكل شي مقسوم
صح تركتني والقلب من بعدك مثل الزفير
قمة الألم أن تسلم قلبك لمن لم يقدره ويحافظ عليه وليته تركه سليماً
معافاً ولكنه أصر على تركه مثخن الجراح مدمل الآلام يزفر
سكرات موت كل يوم ؛
بس لاتحسب اني بجيك ولاني بملزوم
مثلك وشرواك معرفتي بهم تقصير
ندم على قرار
توكل على الله وعيش حياتك بكل تيسير
روح الله يسهل دربك وانت مرحوم
تأكيد أن الحبيب خسر هذا القلب وأنه لن يجد وفاء وتضحية
مثل هذا الحب الذي اعطي له ؛
/
ابيات مليئة بالألم والحزن ولكن أعجبني روح الثبات والصبر
فيها خصوصاً في آخر الأبيات رغم كل هذه الجراح والألم ؛
وفي نظري أن أجمل وأروع القصائد هي التي تعبر عن مشاعر
وأحاسيس الشاعر الصادقة التي تخرج من القلب لأن كلام القلب
يصل للقلب مباشرة ويحس به الآخرين ويفهمون معاناة الشاعر ؛
خطوات قوية نحو التميز والإبداع في عالم الشعر وطموح أبهرني
للوصول للقمة وأنت أهل وكفو لذلك ؛
صح لسانك مليووون وسلمت يمناك على هذه اللوحة الشعرية الرائعة ؛
دعواتي الصادقة لك بالتوفيق والسعادة الدائمة ؛
أرق تحياتي وفائق ودي وحبي لك ؛
دمت برعاية الله وحفظه؛

رجُــــل أبــــهــــا

[! إكليل الورد !]

هــلآ ملك الخيـآل


أنا يمكن مقصـرة مع بعض شعراء المنتدى

وما أرد على قصايدهم وأتمنى يتغاضوا عن إهمالي ويعذروا تقصيري ..

لكن يوم تنزل انت قصيدة

أحاول قد ما أقدر أقراها وانتبه لوجودها

لأن عارفة انت انسان يوم تصـر على شي تجيبه ماشالله عليك

ولأنك بالبدايات .. وأحب أكون بالبدايات عشان أكون أحد الذين صفقوا للموهبة

وأبرزوا تفاصيل إبداعها لحظة بلحظة ..

..

القصيدة هالمرة ما أبغ أقول فيها إحساس قوي

يمكن لأنها مثل ماقــلت من خيـآلك ..

لكن في ميزة في خيالك وقد علقت عليه من قبل

انه واســع جداً والصور اللي تتخيلها بمنتهى الجمال والروعة ..

يعني لما قلت


جلست لحالي كني طايح بوسط بير
ظلمة ونور مقطوع والحال مكتوم


منتهى الغربة والوحشة والضيق

يمكن من أكثر الأماكن اللي تخيفني هي البير

الوصف دقيق للشعور اللي يحتويك بلحظة كتابة الأبيات ..

أبدعت في التشبيه فيصل ,,


عدا عن ذلك فالملاحظة نفسها وانت عارفها ..

أتمنـالك خيال أوسع وأوسع لأن الخيــال مملكتك

وهو نصف الحقيقة وبعض من ملامحها ..


إلى الأمام فيصل //

[][ مـلـك ][ الخيـآل ][]

هـلا وغـلا

مجمــوعـة أنسـان



الف شكر لمرورك يالغلااا


تسلم على هالتواجد المميز


حضورك يضفي لروعة القصيد ويضفي لكاتبها الشي الكثير

أعجبني تحليلك الجميل

تحليل دقيق لما يجول بالخاطر ..

وخشير === بمعنى لايشاركه أحد بالقلب زي ماتفضلت يالغالي ..


خطوات قوية نحو التميز والإبداع في عالم الشعر وطموح أبهرني
للوصول للقمة وأنت أهل وكفو لذلك ؛
شهادة أعتز فيها
وكفوك الطيب
وصح بدنك يالغلاا


تشرفت بمرورك


تقبل تحيآتي

[][ مـلـك ][ الخيـآل ][]

هـلا وغـلا

! إكليل الورد !


لكن يوم تنزل انت قصيدة

أحاول قد ما أقدر أقراها وانتبه لوجودها

لأن عارفة انت انسان يوم تصـر على شي تجيبه ماشالله عليك

ولأنك بالبدايات .. وأحب أكون بالبدايات عشان أكون أحد الذين صفقوا للموهبة

وأبرزوا تفاصيل إبداعها لحظة بلحظة ..

لي الشرف بتواجدكٍ في موضوعي
ولي الشرف لكلماتك العطره ..
دائما تغمريني بجمال وروعة كلماتك
ولاتخاافي إذا صرت شاعر معروف واطلع بالتلفزيون بقولهم إنك عطيتيني نصائح وساعدتيني وبخليك مديرة أعمالي :s7:

..




عدا عن ذلك فالملاحظة نفسها وانت عارفها ..

أتمنـالك خيال أوسع وأوسع لأن الخيــال مملكتك

وهو نصف الحقيقة وبعض من ملامحها ..

إي أكيد عارف الملاحظه وهي اللي مطفشتني يامديرة أعمالي هههههه

والله يديم هالخيال عندي
والله يعمر مملكتي بالحب والإخاء ..


الف شكر لتواجدكٍ
والله يعطيك العافيه
مرور ينير متصفحي دوما .



تقبلي تحيآتي

[شاعر الأحزان]

ملك الخيآآل ..
يعجبني اصراارك ..
وتعجبني معااانيك دووم ..
اخوووي انت شااعر << مع بعض التحفظ ..
الحين انت تجااوزت نوعا ما مسألة القافية فيصل ..
جرب تتجاوز عقباات الوزن ..
هالقصيدة تعتبر من ضمن البحر المسحووب << ولو اني مالقيت بيت موزوون ..
البحر المسحووب له عدة الحاان جرب تزبط ابياتك على احد هالالحااان ..
عندك اغنية عندي كلام < أريام ..
واغنية عزاه < راشد الفارس ..
واغنية اجيك يسلم راسك < راشد الماجد ..
هذي كلها الحان حااول تمشي ابياتك عليها ..
وتلقائيا رااح ينجبر الكسر بعد ما تعدل على هاللحن ..
يعني ممكن تكوون كلمة مرادفة لكلمة انت كاتبها بس حروفها اقل وتمشي مع اللحن...
فتغير هالكلمة بمرادفها << أتووقع فااهم ..

وأتمنى تكون أفضل من شخبطاتي السابقه ,,
وانا اشهد انها افضل بكثيييير ..
صح لساانك ولا هنت ..
سلمت والله يالذيب على هالقصيدة الرااائعه بمعانيها ..
تعيش وتكتب ملك الخيآال ..
ننتظر جديدك بكل فارغ صبر ..
كان هناك بكل الود والاحترام ..

شاعر الأحزان ..

["..!هاجس الليل!.."]

يا هلا
*
ويا المسهلا
*
ويا تراحيب المطر

يا ا ا ا

ملك الخيال

عن جد قصيدة ذات معاني فتاااكة

لاكن

انا اخرت ردي لين ما رد اخووي شاعر الاحزاان

من جد اول ماقريت الشطر الاول من البيت حسيتها مكسوورة

واللي بعده اللي هي الشطر الثاني من البيت الاول كيف قارنها وانا اخوك

والروح فاضت من كثر الهموم

والله حااولت بالحن بالجبر بالزيادة مافي مكسوووره

بس ابيات حلوه

وانا بقول شي من خبرتي القليله

انا ممكن اكتب قصيدة في 15 دقيقة

وتكووون موزونه بس ما ترضيني

وممكن اكتب قصيدة لمدة اسبوعين

يالله ترضيني

لاكن ان بغيت الرضا تاخذ معاي شهر 3اسابيع

لان من العجلة الندااامة

بس انا اشوووفك شاعر واعد لو قريت القصااايد

وكثرت حبك لها

ولا تاخذها مسألة اكتب وبس

والقصيدة هذي منك انا بقبلها من معااانيها الفذه

جزاك الله عني جزيل الشكر

كان هنا بكل الود والاحترام

اخووك المحب

إمبراااااطور الشعر

[ياحلاتي]

مشالله كلماتت روعه


صح لسانك

[ღ الشـــــآقي ღ]

ياهلا وغلا والف مليون مرحبا

اول شي تعال وش هالكلام اللي بالرادار ؟؟

صح دخلت عليها ومارديت تدري ليه .؟

ياخي انت يبي للواحد يقرأ اي شي تكتبه اسبوع

يادوب يرد رد وراح يكون اقل من مستوااك

<< ايه رقع رقع هههههههههههههههههههههه


نعوود للقصيدة

صح لسانك وعلا شانك وكثر الله عيالك < على طاعه طبعاً

/
\
/

بدأت بعنونه رهيبة للهم بشكل عام جميلة الفكرة !!

ثم بدأت بدمج نفسك مع هالهم والحزن

ووصف حالتك بكل ظلمة !!

ثم طرحت سبب ما انت فيه ، وانك قمت بكل شي بعكسه

وشرحتك ماصرت اليه ولكن هذا هو القدر !!

ثم ختمت بكل عزة وقووووة

وتعجبني "الله يسهل دربك "

فمهما حصل يبقى الود والاحترام حتى لو حصل الفراق !



×?°فيصل×?°

صح الله لسانك حيييييييييل

لن اتكلم عن الوزن فمن سبقني تكلم بما فيه الكفايه

لكن اتمنى ان تقرأ اكثر حتى تدرك مايسمى قوة اللفظ

وليس الركاكه في بعض الابيات !!


لك مني فايق الود والتقدير

واسعدني كثيرا تواجدي بين اوراقك العطرة !!



الشـــــآقي

:

[نديمـ الشوقـ]

ملك الخيال


قصيده جميله ومعاني اجمل واحساس راقي


لك مني اجمل موده


دمتـ بأجمل ود

[][ مـلـك ][ الخيـآل ][]

شاعر الإحزان


أمبراطور الشعر


ياحلاتي

الشاقي


نديم الشوق


الف شكر لمروركم الجميل


الله يعطيكم العافيه


وصحت أبدانكم ولاهنتواا يالغالين ..

تشرفت بتواجدكم وأبداء أراءكم بالقصيده ..


أخذت كلامكم ووضعته نصب عيني ..

وبإذن الله أقدر أكتب أحلى من كذا .


من جد شرفتوني وأسعدت بتواجدكم


أعذروني على القصور ..


تقبلوا تحيآتي

[ملكة الاحساس]

انا عن نفسي في النقد مااعرف
بس القصيده بشكل عام جميله
وفي بيت لفت انتباهي

انتظر متى الصبح يطلع والمكان ينير
وشريط حياتي يمر علي كانه يوم
عجيب هالبيت من جد
صح لسانك ملك الخياال
عساك ع القوه
تحيااتي

[علي العايد]

شكرا ملك الخيال وتصوير جميل جميل جدا لاخلا ولاعدم وننتظر ما هو قادم من الجمال والخيال

[خيال الجوهره]

سؤال يسدح نفسه انت ظالم ولا مظلوم ؟؟؟؟