المساعد الشخصي الرقمي

مشاهدة النسخة كاملة : يــا فـــاتـــنـــه

رثـعـان
06 Apr 2008, 03:23 AM
احاول اكتب من الشعر المقفى بيت
مـانيب شـاعر ولكني اسـويها

ودي اترجم شعوري بين عل وليت
مدري ولكن بيوتي ويش تاليها

وان كان للشعر وقفه فأنت لك غنيت
اعذب بيوت المحبه دوك غنيها

يافاتنه والله اني عنك ماصديت
ياللي عيونك عن الخفرات هاويها

ياام الدلع والغنج بالله وش سويت
اعطيني الغلطه اللي فيك راضيها

مدري ولكن عشانك ياغلايه جيت
بمشي معاك الدروب اللي تطريها

وبصبر على الجرح تلو الجرح مامليت
وشلون املك وروحي معك ناسيها

وان كان صرتي مديرة بنك لك دقيت
اعظم تحيه وفيها من الغلا فيها


ووووبس
مسكت معي اكتب مثلكم
وحاولت وان شاء الله توفقت

توي اكتبها هنا هالحين :z10:
الــــــبدر
06 Apr 2008, 03:35 AM
احاول اكتب من الشعر المقفى بيت
مـانيب شـاعر ولكني اسـويها

ودي اترجم شعوري بين عل وليت
مدري ولكن بيوتي ويش تاليها

وان كان للشعر وقفه فأنت لك غنيت
اعذب بيوت المحبه دوك غنيها


هلا ولله اخوي

رثعان

صح لسانك وعلا شانك

مشالله عليك بدقايق ترثع بالقريحه
وتسترسل

عزالله انك ابوها

يالفحل

دمت

بخير
رثـعـان
06 Apr 2008, 03:45 AM
البدر
شكراً لك ياصديقي

واهم شي الرثع :tongue:
انا شفت العالم صبايا وشباب ماهم معبرينا
يعني بالعاميه معطيني اشكل :wink:

قلت وش اقصر الطرق الى روما :s32:
قلت معهم اصير شويعر اخو الشاعر الصغير

والله يسلمك يالبدر
ولاتحرمنا زيارتك دايم دايم :qt6:
الــــــبدر
06 Apr 2008, 04:15 AM
هلابك ثاني مره

استاذي رثعان

ابذكرك بقصيده هنا وجاريتها
انت وهي مالها ساعه نازله

واللي يرد بنفس الوق على القصيده

تدري انت من يكون

وشهادتي فيك مجروحه
ولله

اسف على الازعاج بس حبيت
اعلمك ان اللي يقرا قصيدك

يعرف انك
ابوها

دمت

بووود
رثـعـان
06 Apr 2008, 06:12 PM
صديقي البدر
اهلاً بك وشرف لي ان تكرر الزياره

وجزاك الله خير
وشهادتك وسام على صدري

ولكن مثل ماسبق وقلت لست بشاعر


دمت بكل ود ومعزه ياصديقي
شاعر الأحزان
07 Apr 2008, 12:10 PM
رثعااان ..
شاااعر وربي ..
وتعرف رأيي فيك من زماان ..
من أياام الألفية وانا اخووك ..
لا تحرمنا جديدك ..


كان هنا بكل الود والتقدير ..

شاعر الأحزان
أميرة الحرف
07 Apr 2008, 07:57 PM
رثعان

حياك الله

صح لسانك ولاهنت

أتمنى منك تكثيف القراءة حتى تتميز قصائدك أكثر

دمت بخير
رثـعـان
08 Apr 2008, 01:24 AM
شاعر الاحزان

اهلاً بك
وشهادة من استاذ كبير شرواك وسام افتخر به

شكراً لك ياصديقي
ولكن سنظل نتعلم الشعر دوماً


احترامي لك
رثـعـان
08 Apr 2008, 01:29 AM
اميرة الحرف

اهلاً بك
وصح بدنك وكذلك لاهنتي

واشكر مرورك الجميل
ولكن اي قراءه اكثفها حتى اصبح مميزاً

وانا لست بشاعر ولكن احاول :z10:

احترامي لك
أميرة الحرف
09 Apr 2008, 02:36 AM
ولكن اي قراءه اكثفها حتى اصبح مميزاً

وانا لست بشاعر ولكن احاول

انت تحاول يعني تبي تصير شاعر

عشان كذا أقول كثف قراءتك للشعر

ولكل مايكتب عن الشعر

حتى تتقوى ملكتك الشعرية

هذي نصيحة وقديماً قالوا النصيحة بجمل

دمت بخير
رثـعـان
10 Apr 2008, 01:56 AM
لاهنتي يا اميره

وحياك الله للمره الثانيه

وان شاء الله اكثف القراءه اكثر
حتى اصير شاعر

والله لايحرمنا نقدك ورأيك السديد

شكراُ لك يا اميره








هذي نصيحة وقديماً قالوا النصيحة بجمل




كلام صحيح
بس ماعندي جمل ولا كان اعطيتك اربعه :tongue: