سيـّـد الجـود بقلم فـــّلاوي

[فـــّلا111وي]

يسعد مساء جميع من يمر من هذا المتصفح

الموضوع باختصار انا كنت اسولف قبل فتره مع شاعر الجوهرة (الشاقي)

وماقصر اخوي كنت اقول له انو احيان انا اكتب بيت شعر من حسّي الشعري

ويطلع معاي البيت تمام لكن للأسف ما استطيع اكماله لأني غير ملم كثير في الاوزان والقوافي والثقل

ونصحني ان اكمل أي بيت يظهر معي ان اجعل منه قصيده من ست ابيات او ماشابه ذلك.

قبل فتره طلع معاي كم بيت والحمد لله وفقت فيها

كان في شطر او اثنين فيها ثقل شوي بس غيرت بعض الكلمات ومشى الحال

وحبيت اكتب الابيات وانتظر ارائكم مع العلم انها بدايه وخذوا راحتكم في النقد ..... الخ


ماعاد تفرق دامك اليوم موجود=حبك بقلبي فاتح"ن" له عمارات
جيّتك جود وحظرتك سيّد الجود=نسّيتني كل المتاعب والاهات
عطاك ربي بالحلا فالبشر زود=وميّزك عن خلقه وجمّلك بالذات
من كثر ما احبك ماهو حب محدود=كني ملكت النيل وأطراف الفرات
ياصاحبي ملّيت والحيل مهدود=وكل الدروب بدون شوفك متاهات

وســـــلامتكمـ وانا بانتظار ارائكم لأنها تهمني

أرق تحيه,,,

[روعةحلم]

صح لسانك أخوي ولاهنت

بالنسبة لي الأبيات في المجمل جميلة وأعتقد أن بإمكانك ان تواصل

وتكتب الأجمل

بالنسبة لبناء القصيدة أعتقد أن هناك من يستطيع أن يحللها بشكل أفضل

مني فقط لأني أتذوق الشعر ولاأنظمه

كل التحايا لك وبإنتظار القادم منك

[نبـ الـღـشاعرـض]

واسعد الله مساك بكل الخير والمسرات

حيـــــاكـ فـــــلاوي

وصح لســــــانكـ .. وبالنسبة لي أبيات رائعة بما احتوت
من إحســـــاس ومشاعر


جيّتك جـود وحظرتـك سيّـد الجـود
نسّيتنـي كــل المتـاعـب والاهــات

طرح أول أشهدهـ بقلمـ فلاوي ..وباذن الله يستمر
دام ابداع ورقي تواجد منك

وافر الاحترام والتقدير

/

نبـ المشاعرـض

[الــــــبدر]

هلا بك ولله شاعرنا

فلاااااوي

ولله ماظن يقول الابيات هذي احد في بداياته
لكن الشاقي فحل ما عندي راي بعد رايه

لكن ولله بدون مجامل انها بدايه حلوه

كل التوفيق لك

سيدي

[أميرة الحرف]

فلا111وي

حياك الله

أبيات ممتازة جداً جداً جداً

الوزن ممتاز والقافية سليمة

والشعر موجود وهذا مهم

لكن الشطر اللي قلت فيه :

كني ملكت النيل وأطراف الفرات

فيه ثقل شوي في الوزن

عموماً بداية رائعة وقوية

وإن شاء الله تتقدم أكثر

صح لسانك ملايين لاهنت وعساك عالقوة

دمت بخير

[HerExcellency]

فلا1111وي
قصيدتك حلووه
وننتظر باقي ابداعاتك

وان شاء الله مع الايام راح تتطوور قصايدك
بس انت حاول انك تستفيد من غيرك ومن السلبيات والايجابيات

اللي راح يقولوها شعراء المنتدى

ومن تقدم إلى آخر ان شاء الله

تحيتي..

[شاعر الأحزان]

السلااام عليكم ورحمة الله وبركاااته ..


اخوووي فلاااوي ..



هلا وغلا والله .. يا مرحبا بك وان شاااء الله ماهي اخر الزيارااات ..



نجي للقصيدة ..



بصراااحة وبدووون مجاااملة ما توقعت انها بهالقوة ..



ابداااع والله على الرغم من قصر ابياتها ..



الشاعرية موجوودة .. بس ماني فاهم هل اللي كتبت فيه القصيدة موجود والا لا ؟؟



في البداية كان موجوود ,, والنهاية حياتك في بعده متاهات ..



ممكن المعنى عند الشااعر وهذا من ابسط حقووقك ..



بيت اعجبني وطربت له ..



جيّتك جـود وحضرتـك سيّـد الجـود

نسّيتنـي كــل المتـاعـب والاهــات


بيت تستحق عليه لقب شاااعر ..




ولكن هناك بيت يفتقر الى الوزن .. وخلله بسيط اللي هو ..



من كثر ما احبك ماهو حب محدود

كني ملكت النيل وأطـراف الفـرات


هالبيت يبي له شي بسيييييييييط جدًا ..



لكن أنا عن نفسي ارى انها بدااااية قوووية جدا جدا جدا ..



بالتوفيق يا اخووووي ..



شاعر الأحزان

[رووان]

:qt6: <<<حظرت بالاول ولكن! تركت النقد للأصحابه


فلاوي

صح لسانك وسلمت يمناك

ابيات جميله منك وقلة القليل يكون مستوى شعريتة في البدايه كا سطورك

:tongue:

×
؛
عندك الشطر الاخير

ياصاحبـي ملّيـت والحـيـل مـهـدود
وكل الدروب بدون شوفك متاهـات

احلى سطور ع الرغم اجد فيها تناقض عن الشطر الاول بالمعنى
7
7

هنا الشطر الاول

ماعـاد تفـرق دامـك اليـوم موجـود<<<ليش ماتكون بدل كلمة موجود >>>"مفقود":qt6:

تخيل كذا
7
7

ماعـاد تفـرق دامـك اليـوم مفقود

حبك بقلبي فاتـح"ن" لـه عمـارات


بكذا تكتمل التصوير ع فقدان المقصود بالقصيده وتشكل محطه صله بالشطر الاخير:qt6:

أتمنى اني ماسبتت خلل في وجهه نظري

تقبل وجهه نظري ع الرغم اني فقط متذووقه للشعر

يعطيك ربي العاافيه

واصل وفالك المتابعـــه:qt6:

دمت بخير

رووان

[ريمانا]

فلااوي يسعد كل اوقاتك برضآه سبحآنه
ومحد منّآ انولد شآعر وبصرآحه من هالأبيآت متفآئلة اني قريب بقرآلك قصيدة متكآملة
وماعندي نقد غير على "اطراف الفرآت" لأنهآ كسرت البيت!
وعشآن اوضّح لك اكثر..
تعرف شيلة يآصآحبي مآني برآعي مهآداة//امآ ارضني ولّآ اجفني واستخيري!
الّي كآنوووا دآيم يجيبونهآ في البآدية :)
شيل ابيآتك على لحنها وشوف شلون بتطلع معك!
وانا مع رووان في كلمة موجود لو كآنت مفقود بتكون منآسبة فالمعنى!
وصح لسآآنك خييّ فلآآوي .. لآآهنت:)
وكلنآ شوق لقرآئة القآآآدم:)

[ღ الشـــــآقي ღ]

الموضوع باختصار انا كنت اسولف قبل فتره مع شاعر الجوهرة (الشاقي)

شرفتني بجلستي معك وكانت احلى جلسه لاعدمناك

عسى ان تتكرر ان شاء الله في اقرب وقت !!


ماعاد تفرق دامك اليوم موجود=حبك بقلبي فاتح"ن" له عمارات
جيّتك جود وحظرتك سيّد الجود=نسّيتني كل المتاعب والاهات
عطاك ربي بالحلا فالبشر زود=وميّزك عن خلقه وجمّلك بالذات
من كثر ما احبك ماهو حب محدود=كني ملكت النيل وأطراف الفرات
ياصاحبي ملّيت والحيل مهدود=وكل الدروب بدون شوفك متاهات

::

صح لسانك حييييييييييييييل حييييييييييييييييل

بداية رائعة جدا يالغالي وقوية فعلا

لكن لك مني كم نصيحه او ملاحظة بسيطة !!

البيت الاول ان استخدمت كلمة موجود =غزل وشاعرية حلوة

اما مفقود كما قال من سبقني =حزن وفراق وذكريات

فانت من يتحكم بالمعنى وتوظفه في مايخدم قصيدتك !!

غير كذا الشطر الثاني من البيت الاول مادري احس بعدم ترابط قد يكون للمناسبة دور !!


شطر الفرات والنيل قد يكون غير مكسور لانه احيان اللهجة تففرق ونطق الشاعر

هو من يحكم بالوزن وليس نطق القاري يعني مثلا :

كني ملكت النيل وأطراف الفرات < لو قلت اطراف لفرات بدون الف لانها احيان تنطق بدون الف < حقيقهً

لو كان نطقك لها كذا لما انكسر البيت اما انك تنطق الالف فهذا يسبب الثقل الشبية والقريب من الكسر

وقبلها من كثر ما احبك ماهو حب < اللي فهمته ان قصدك ما حبك <يعني اسم الحب وليس احبك

خصوصا ان بقة الشطر تؤكد ذلك من كثر ما حبك ماهو حب < يعني يدل الاسمية هنا

لو كان هذا صحيح لما احتجت للالف ( ا حبك )

::

غير ذا فانت على طريق الابداع ومن سار على الطريق وصل !!!

كل الاماني لك باروع واجمل مستقبل شعري لامع باذن لله

واكرر صح لساانك حييييييييييل مدد بلا عدد

كان هنا بكل الاعجاب والتقدير


الشـآآقي

[مجموعة انسان]

أخـوي الـغـالـي

فـــّلا111وي

هـلا وغـلا
.
.
مـن سـبـقـنـي كـفـو ووفـوا وهـم مـمـيـزوا الـشـعـر والـقـصـيـد بـمـنـتـدانـا ولـسـت

بـأفـضـل مـنـهـم فـأنـا اتـعـلـم مـنـهـم والـعـيـن مـا تـعـلـى عـلـى الـحـاجـب ؛

صـح لـسـانـك ومـنـطـقـوك مـلـيـووون ابـيـات بـسـيـطـة لـكـنـهـا ذات مـعـانـي كـبـيـرة

ورائـعـة عـبـرت عـن حـب وعـشـق كـبـيـر لـحـبـيـب غـايـب عـن الـعـيـن وشـوفـتـه

تـسـوى كـل الـدنـيـا وحـبـه بـالـقـلـب مـا يـكـفـيـه قـلـب بـل يـحـتـاج مـئـات الـقـلـوب ؛

تـسـلـم يـمـنـاك والله مـا قـصـرت الله يـعـطـيـك ألـف عـافـيـة ولاهـنـت يـالـغـلا ؛

تـقـبـل حـضـوري الـبـسـيـط هـنـا ولا تـحـرمـنـا مـن جـديـدك فـي الـشـعـر والـقـصـيـد

فـنـحـن فـي شـوق؛

حـفـظـك الله ورعـااااك ؛


رجُــــل أبــــهــــا

[! إكليل الورد !]

هلا أخوي فلاوي

قاعدة أعـد شعراء المنتدى وحسبتك معهم اشرايك :) ؟؟

ما شاء الله عليك ..

الله يحفظك على هالأبيات

جميلة ومؤثرة وأهم شي إحساسها رائع

وأجمل بيت سميت به القصيدة ..

كل الشكر لهذه المحاولة المتقنة والجريئة ..

سعيدين لولادة اول قصيدة لك بهذا الإتقان

ننتظر القادم بكل حماس ..



كل التقدير

[فـــّلا111وي]

يسعد صبـــاحـكـــ م

تشكرات عالردود والنقد والملاحظات اللي توني انتبه لها بصراحه

روعة حلم /اشكرك على حظورك الرائع وحظورك اعتبره رد ايجابي @

نبض المـشـاعر /استطيع ان اقول لك (جيتك جود وحظرتك سيد الجود)

يعطيك الف عافيه على الرد الرائع وكلك ذوق@

اخوي البــدر / ولله ماظن يقول الابيات هذي احد في بداياته

الله كتب لي وقلتها وان شاءالله بقول غيرها

اسعدني تواجدك وبإذن الله ماتكون آخر الطلات

أميـرة الحـرف/ حظورك يشرفني ورأيك في محله

لأن هذا الشطر اللي احس انه مسوي لي قلق بالابيات ^_^

الله لايهينك لكن اعتقد ان الشاقي جاب الحل من ناحية هالشطر @

جريحة الدواسر/ هلافيك منوّره متصفحي بردك وطلتك الروقااان

ولاهنتِ على الحظور @

شـاعـر الأحـزان / هلابك ياباشا

بالنسبه للقصيده كتبتها بالدوام يعني :-

1- تفكيري مشتت
2- والتركيز من جمبها
3- انا اساساً كل ما اذكر مكان كتابة القصيده انه بالدوام استغرب واضحك !!!

بس معنى الابيات ان

البيت الأول اقصد فيه شخص كان غائب ولما حظر انفتح له قلبي من جديد

وان جيته جود وحظوره سيّد الجود وبطلته نسيت كل المتاعب والاهات اللي كانت بغيابه

البيت الثالث والرابع حاولت اعطي له وصف بسيط

لكن البيت الرابع مثل ماتفضل اخوي الشاقي فيه بعض الحروف لو شلتها راح تغطي عالثقل او الكسر

وهذي مثل مابينت لكم في البدايه ان بعض الامور اجهلها وتخفى علي

تشكرااات اسعدني حظورك ونقدك ولاهنت ياباشا @

روااان / هلافيك بالنسبه للبيت الأخير انا حاولت اني أختم بنثر مافي نفسي في ايام غياب هذا الشخص

لذلك ذكر ان الحيل مهدود في غيابك وان الدروب بدون شوفه فترة غيابه تكون متاهات

واتوقع الصوره الان وضحت بالنسبه لكم وقد تكون وجهة نظرك افضل من فكرتي

اسعدني حظورك ونقدك وان شاءالله تكوني سبب في نقلي لمرحله أفضل @

ريـمـانـا / المعنى أو المناسبه ذكرتها في ردي على شـاعـر الأحـزان

وصعب اني استخدم كلمة مفقود لأن انا كتبت بحظور الشخص بعد غيبته وليس وقت غيبته

ورجعت في الاخير اعاتبه على غيابه بأني مليت في غيابه والحيل مهدود والدروب بدون شوفه متاهات

تشكرااات واسعدني حظورك ووجهة نظرك وراح استفيد من كلامك الان ومستقبلاً @

الـشــاقــي/ ياهلا وسهلا فيك ياباشا

انا يمكن ما انتهبت لكتابة القصيده بالفعل المفروض حرف الألف في كلمة (ما احبك) تنشال

انا استفدت من ردك ان البيت الرابع راح يكون الشطر الأول

من كثر ماحبك ماهو حب محدود

واستفدت من الشيله اللي قالتها ريمانا

لأني غيّرت كلمة الفرات واستخدمت بدالها (لفرات) أو اسم منطقة (سيهات) وأعتقد كلها تمشي

عشان تمشي مع الوزن وكل الكلمتين تمشي مع تملك الاراضي من الحب اللامحدود (يعني تشبيه) @

مجمـوعــة إنـســان/ هلا وسهلا فيك ردك اسعدني جداً لأنه قريب جداً من الصوره التي اقصدها

لاهنت على التواصل والشريف تشكراااات @

إكليل الورد / أنا قاعد اشوف صورتك المزيه واضحك تدرين ليه بصراحه

أناظر صورتك اقول هذي نايمه توها تجي عشان كيذا صاير ردها اخر رد

ههههههههههههههههههههههههههههههههههه

بس لاتاخذي على خاطرك لأن حظورك يشرفني ولأني انا إلى الان قاعد أعدّك من المميزين

والله لايهينك عالتواصل الروقاااااان تشكرااااات


وبعد انتقادكم انا ابوضّـح الابيات بهذا الشكل

ماعاد تفرق دامك اليوم موجود@حبك بقلبي فاتح"ن" له عمارات

التوضيح :- الشخص المقصود يسئل عند عودته بعد غياب طويل ترى هل تغيرت مكانتي بالنسبة لك
وانا قطعت السؤال بهذا البيت الأول ماعاد تفرق دامك اليوم موجود اقصد فيه
ان اقاطعه وان لانفتح سيره للماضي وأبيّن له ان حبه بقلبي فاتح عمارات

باختصار القصد من البيت انك (لاتشيل هم بما انك الان موجود) @

جيّتك جـود وحظرتـك سيّـد الجـود نسّيتنـي كــل المتـاعـب والاهــات

التوضيح :- بحظوركمـ تم لنا الفرح والسرور ههههههههههههه

بحظورك وطلتك اكرمتني بجودك ياسيد الجود ونسيت كل الاهات في غيابك

عطـاك ربـي بالحـلا فالبـشـر زود وميّزك عـن خلقـه وجمّلـك بالـذات

التوضيح:- في البيت الثالث حاولت اوصف ولو بشيء بسيط

وهذا الوصف سببه اني أميل للوصف بالشعر وحبيت أحاول اوصف الشخص المقصود

بوصف من تعبيري وعلى قدّي @

من كثر ما احبك ماهو حب محدود كني ملكت النيل وأطـراف الفـرات

التوضيح:- من شدة حبي لك اللامحدود ومن بعد ماحبيتك كأني ملكت النيل واطراف الفرات

وكلمة الفرات مثل ماتفضل اخوي الشاقي راح تكون (لفرات) أو راح احط مكانها أسم ديره أو منطقه اللي هي (سيهات)

ياصاحبـي ملّيـت والحـيـل مـهـدود وكل الدروب بدون شوفك متاهـات

التوضيح:- حبيت أختم القصيده بكلمة عتاب

اقصد فيها ان غيابك ايها الشخص المقصود مليت منه وهد حيلي وان غيابك بالنسبه لي ضياع

والآن اتوقع الصوره وضحت بالنسبه للجميع

والف شكر على التواصل والنقد والإفادات

يعطيكم ربي العافيه ولاعدمتكم دوم

وان شاءالله أوافيكم بكل ماهو جديد


ماعاد تفرق دامك اليوم موجود=حبك بقلبي فاتح"ن" له عمارات
جيّتك جود وحظرتك سيّد الجود=نسّيتني كل المتاعب والاهات
عطاك ربي بالحلا فالبشر زود=وميّزك عن غيرك وجمّلك بالذات
من كثر ماحبك ماهو حب محدود=كني ملكت النيل واطراف لفرات
ياصاحبي مليت والحيل مهدود=وكل الدروب بدون شوفك متاهات

أرق تحيه,,,

[ღ الشـــــآقي ღ]

باك

هلا وغلا فلااااوي ويالله حيه مرة ثانية

انا قلت من اول ان المناسبة لها دور وراح تفسر كثير من الاشكاليات

بالقصيدة والتي اصبحت الان تدعم قصيدتك وتحسب لها وليس ليها

مسالة الوزن بس ممارسة وتتقنها ان شاء لله !!

فوق هذا كله انت شاعر وشاعر كبير وتستحق نوقف ونصفق لك !

وتمنياتي لك بدوام السعادة والتوفيق

الشااقي

[فـــّلا111وي]

اخوي الشاقي

كل اللي اقدر اقوله


بيّض الله وجه راعي الفكره=عز الله انها تنحسب لحسابه

وانت راعي الفكره في اني اكمل الافكار اللي تطلع معاي

ولاهنت ياغالي ,,,

[رووان]

يعطيك ربي العاافيه

ع التوضيح

نتظر جديدك القادم

دمت بخير

رووان