طفش ملل زهق الي بيجي بكفخه

[ناااايف]

السلام عليكم ورحمة الله وبركاته


مساكم الله بالخير


وش رايكم بس بالعنوان الخطير:)


لاوالله تبون الجد الموضوع خطير وأكيد مر على كثير منكم


تجي للواحد منا حالات مدري وش اسميها يمكن نقول طفش او زهق


أو نجمعهم مع بعض ونخليها اكتئاب نفسي ..


تحصل نفسك في بعض الايام ماشاءالله عليك الضحكه بتشق الوجه من الاذن للاذن


وتجي في يوم أخر وتلقاك كاره نفسك وماتواطن أحد ولا ودك تتكلم مع أحد


الحواجب متلويه مدري كيف جايه والنوم بعيونك حتى لو انت توك صاحي


يقولون عنها إكتئاب نفسي أو اضطراب نفسي الظاهر عاد انتم سموها على كيفكم


أكيد كل واحد بيحاول يبعد عن الحاله هذي وتلقاه يقول في نفسه


بروح افتح المنتدى وبقراء المواضيع وبرد عليها ومع الحماس بيروح الطفش


المهم يجي ويفتح المنتدى ويجذبه موضوع هواش السحالي والتماسيح


ويقول والله لقيت الموضوع الي بيروح الاكتئاب عني يقراء شوي بالموضوع


ويضحك من الكلام والحش الي فيه ..وده يرد بس ماعنده شي يقوله ..


يفصل النت من الطفش ويركب سيارته ويروح يدوج بهالشوارع لين يفتر راسه


ويرجع ماتغير شي ويحصل اخوانه الصغار أو زملائه يلعبون بلاستيشن ويلعب معهم


وتعال شوف انواع الهواش واذا هزمه احد بالبلايستيشن


الله يعينه على رفسه على الطاير


والا مايدري إلا يد البلايستيشن مسويه حفره بقلته << منتصف الرأس :D


يطفش زياده ويروح يكملها نومه اصرف له:d6u:


نجي للأهم الحين والي لازم تجاوبون عليها .


1_ ليه الواحد منا يخلي الطفش والهموم تسيطر عليه ؟


بعض الناس يقول لأني كنت اعيش ايام طويله ماعرفت الطفش فيها


ومع مرور الزمن تروح كل الاسباب الي كانت تساعدني على الوناسه


وأحس نفسي عايش لحالي !!


يعني الله يهديه جمع الماضي والحاظر والمستقبل وجلس يفكر فيها مع بعض


صار مايقدر يحكم عقله على شي معين .


2_ عشان نبعد الاكتئاب عنا وشهي الاشياء الي نسويها ؟


تهقون الرياضه تنفع وإلا ينخمد الواحد ويخلي الايام تمشيه على كيفها


أو يأخذ بالمثل القائل (طنش تعش تنتعش)


3_ هل أصدقائك أو اقربائك او المحيط الذي تعيش فيه لهم علاقة بالاكتئاب النفسي ؟


سواء بحالة سلبية أو ايجابيه ؟


وخلاص باح الموضوع وياليت اشوف الردود عليه:vfg:



نااااايف

[dala3]

وعليكم السلام ورحمة الله وبركاته


هلاااا والله نااايف صاحب المواضيع المميزة

شدني الموضوع حييييييييييل

وخاصة المقطع

المهم يجي ويفتح المنتدى ويجذبه موضوع هواش السحالي والتماسيح


ويقول والله لقيت الموضوع الي بيروح الاكتئاب عني يقراء شوي بالموضوع


ويضحك من الكلام والحش الي فيه ..وده يرد بس ماعنده شي يقوله ..

^^^

شكله تمساح والا مايطفش خخخخخخخخخخخخخ:5tg:

ماعلينا نرجع للب الموضوع ;)


1_ ليه الواحد منا يخلي الطفش والهموم تسيطر عليه ؟

أكيد يرجع لنفسية الشخص وتكون ارادته ضعيفه أمام أموره مهما كانت بساطتها يخلي الملل والاكتئاب يتمكنون منه فالمفروض الشخص منا مهما كان لازم يتمتع بإراده قوية تخليه يتقوى على الامور والمشاكل مهما كانت

2_ عشان نبعد الاكتئاب عنا وشهي الاشياء الي نسويها ؟

- طبعا أهم شيء الاكثار من ذكر الله والوضوء والصلاه مافيه زيها تتغلب على انواع الاكتئاب
- يغير من نمط حياته مابين الفتره والثانيه مايبقى على روتين واحد
- الترويح عن النفس أذكر حديث بس تعذروني مو حافظته بس أعتقد ( روحوا عن أنفسكم ولو بساعه فإنها تصدأ كما يصدأ الحديد ) فالترويح بأي شكل كان اما السفر او التنزهه مع الاهل والاصدقاء


3_ هل أصدقائك أو اقربائك او المحيط الذي تعيش فيه لهم علاقة بالاكتئاب النفسي ؟

شي أكيد لهم الدورين السلبي والايجابي لانهم من محيط الشخص ولهم التأثير المباشر على نفسيته وبالذات أصدقاؤه يعني لو صار زعل لاسمح الله بيناتهم بيكون الـتأثير سلبي ويعكس على النفسيه أنواع الاكتئاب أما لو كان هناك نوع من الاخوه والمحبه بتلاقي الشخص بنفسيه من أحسن مايكون

تقبل مروري
ولك أرق التحايا
دلــــــــــع

[ناااايف]

ياهلا فيك دلع


يعطيك العافيه على ردك المميز


اختي دلع الاكتئاب لابد يصيب الانسان مهما كانت قوة إرادته لتحمل الامور


هذا شي معروف للجميع ويمكن مر على الكثير منا


لكن يجب علينا عدم الاستسلام لهذه الأشياء


والاستمرار فيها حتى لا تصبح مرضاً خطيراً يهددنا


و مثل ماذكرتي الاكثار من الصلاة والذكر يجلي الاحزان والهموم ومنها


(لا إله إلا الله العليم الحليم لا إله إلا الله رب العرش الكريم، لا إله إلا الله رب السموات السبع ورب الأرض ورب العرش العظيم)


الف شكر لك اخت دلع على تميزك الواضح بالمنتدى


نااااايف

[*عازف شجن*]

وعليــكم السـلام ورحمــة الله وبركاته

الله يمسيــك بكــل خيــر

لا بصــرآحه العنوان متعوب عليـه

ولا قلت لي : بقلته << منتصف الرأس :D

استآذي : ناايف

الموضوع رآئـع ويهمنا كلنا لأنــك بهذا الموضوع لامست معاناة يمر فيها الكثير

وانا مو جآي أضيــف شيء بقدر ما ودي اسـجل اعجآبي بطرحـك واختيآرك

انت واختنا : دلع كفيتوا ووفيتوا

ومتفــق معكم بكل الي قلتوا

لكن بحآول اقول وجهة نظري بطريقتي :

1_ ليه الواحد منا يخلي الطفش والهموم تسيطر عليه ؟

فعلاً هذا المفروض ان الوآحد فينا يتجنـب بقدر المستطآع لا يغلبـه همه ؛

لكن لابد ان نتذكـر ان الانسآن ضعيف مهما كآن وظروف الحياه أحياناً تكون أقوى منه

وقد يتحمـل ويطنـش لكن صدقني يبي يوصـل لمرحـلة نزول الدمعه ؛

وهذا أفضــل من أنه يكتـم بقلبــه وقد تكون تلك الدمعـه تريحـه كثيـر 00


2_ عشان نبعد الاكتئاب عنا وشهي الاشياء الي نسويها ؟

السؤال هذا بالذات ما رآح أضيـف شيء على كلآم اختي دلــع 00


3_ هل أصدقائك أو اقربائك او المحيط الذي تعيش فيه لهم علاقة بالاكتئاب النفسي ؟

أكيــد لأن فيـه صديق لك يكون بمكآن الاخ ولا تقولوا اني مبآلغ لو قلـت

بعـض الاصدقاء تغليـه أكثـر من أخوك ؛

أما لأنه انسآن فآهـمك ويحــس بالي فيـك من فرح .. حزن .. هم ...الخ

ومثلاً لا سمــح الله فقدت رفيــق دربـك هذا

ربما مآت أو رحــل أو مثلاً لو بـس زعـل منـك ؛

صدقني رآح يكون له تأثير سلبي على تصرفآتـك مهما حآولت تخفـي شعورك ؛؛

والأقآرب كذلك قد يشتركون في صفة الصديق ويترتب عليها ما سبق 000


لكـن لابـد من التفآئل ولو بالابتسـامه فهي بدايـة السعآده ؛؛

ونعـلم جميعاً أن التفكـير بالمآضي شيء سلبي فحآول النسيآن ؛؛


أُستآذي : نااايف

مشكور يالغالي على هذا الطـرح الرآئـع والموضوع الهآدف ؛

وآسـف على الإطآله ؛؛

وأرجوا ان تقبــل وجهـة نظري المتوآضـعه ؛؛

لك مني كل الاحترآم والتقدير ؛؛



عــازفـ .........ـأ

[الجوهرة]

عليكم السلام ورحمة الله

يسعد مساءك نايف


عليك عنوان بصراحه يبعد

الطفش والملل والزهق هههههههههههههههههه


موضوع رائع وطرح بسيط ومحبب

حقيقه واقعه ..كلنا نمر فيها في ايام مو يوم بعد


وماشاء الله على الاخوان كفو ووفوا بردودهم ونقاشهم

ما عندي اي اضافه

بس حبيت اشيد بفكرة الموضوع

واسال الله لي ولكم حياة هانئه وسعيده

بعيده عن الملل والطفش والاكتئاب :)




الجوهرة

[ناااايف]

عاازف شجن & الجوهرة


ياهلا وغلا فيكم


أشوف العنوان أعجب الكل


والدليل ان كثير ماردوا خافوا من التكفيخ :D


يعطيكم الف عافيه على مشاركاتكم


وتواجدكم بالموضوع شرف لي


أسأل الله ان يبعد عني وعنكم وعن الجميع الطفش والملل


وأشوف السعاده ملازمه للجميع .


ناااايف

[وردة ابها]

موضوع حلو يا نااايف ويعطيك العافيه
ونبداء بالحش بهذا الاكتئاب
انا بصراحه كانت تمر على ايام ودي اقتل كل من حولي
او يدق على جوال وانا اكتب خاطرة ولا اسمع اي شي
المهم الطفش الي نعاني منه يمكن من الروتين الي نواجهه بحياتنا اليوميه
ما فيه شي يتغير هو روتين واحد دوام ورجعه وغداء ونوم والعصر فرفره بالحوش المغرب عشاء وبعدها النت
وبعدها نوم
وهكذا
ما ذبحنا الا وقت الفراغ الي مو عارفين بايش نقضي فيها وقتنا
اما بالنسبه لاوقات يسيطر علينا الحزن والعصبيه الي تضرنا وتضر من حولنا
اوقات وهذا ما يسبب الزعل واوقات الي الهواشات داخل العائله او مجتمع الاصدقاء
( العزابيين )
المهم بس لو سيطر الانسان على هذي الانفعلات وحاول انه يخرج نفسه من الاكتئاب والحزن والطفش وغير شوي من حياته ورجع لربه وذكر الله وتعوذ من الشيطان بصراحه راح يحس براحه مو طبييعيه
بصراحه انا استرسلت بكلامي لكن هذه اضفات وحبيت اني اضيفها هنا
لانكم وفيتم بس وجهت نظري
اما بالنسبه لاوقات يكون بعض الاصحاب من يجيب الطفش كان باسلوبه او طريقه المزح او حتى ولو بطرح موضوع بين الشباب
المهم انا دمجت كل الاسئله وحطيت اجاباتها مع بعض
واعذروني على الاطاله
مشكورين حبايبي

يمكن للحديث بقيه .............

اختكم
وردة ابها

[ناااايف]

ياهلا فيك وردة أبها


الله يحلي أيامك أن شاءالله


ولانشوف الطفش والملل يرجع لك مره ثانيه


كفيتي ووفيتي بردك الجميل الله يعطيك العافيه


شاكر لك تواجدك بمتصفحي لاعدمتك


نااااايف

[الصاااارووخ]

^&)§¤°^°§°^°¤§(&^][`~*¤!||!¤*~`][«®°·.¸.•°°·.¸¸.•°°·.¸.•°®»السلام عليكم ورحمه الله وبركاته
اخوووي نايف موضوعك اكثر من جميل لانك ضربت على الوتر الحساس لانني اعيش نفس الحاله بعض الاحيااااان بس الحمد الله انها ماااتطووول عندي
انا اذا طفشت وصرت متضايق وطفشااان عندي طريقتين
اما اجلس في المجلس وافرفر الدش والنت مع بعض
او اني اروووح اناااام لإريح نفسي واريح الناااس مني من رده الفعل اللي تصدر مني وبعدين اندم عليها

وووولكمممممم تحياتي

الصاااارووخ«®°·.¸.•°°·.¸¸.•°°·.¸.•°®»][`~*¤!||!¤*~`][^&)§¤°^°§°^°¤§(&^