كان ودي اني بنت اختي

[عسل]

ســــــــــــــلاميشن


في صباح يوم(ن) مشرق(ن) جميل

إستيقضت أنا وأختي على صوت زقزقة العصافير (يحلفون على نعله

تمشي مليون) مددت ساقي الطويلتين

وأخذت أتمغط وأتثاوب حتى كاد فمي أن ينفتق

ثم استلقيت مرتن أخرى على فراشي الحريري

وتلحفت بغطائي المخملي حيث ان الجو كان شديد البرودة

تأملت سقف غرفتي

فلفت انتباهي نقطه سوداء كانت تشوه منظر السقف

التفت إلى أختي وقلت لها

شاهه شاهه: بماذا تذكركي هذه النقطة

التفتت إلي أختي باستغراب(ن)

وقالت: أي نقطتن هذه التي تتحدثين عنها

قلت لها: يا عمياء ألا ترينها تلك التي في السقف

رفعت ناظريها باتجاه السقف تبحث عن تلك النقطة

إمتلاءت عينا أختي بالدموع

فقد عادت بها الذكريات إلى ذلك اليوم المشئوم

قلت لها: ما بال عينيك منها الماء ينسكب ؟

ألم ينسيك الوقت تلك الأيام الخوالي؟

نظرت إلى بعينين يشوبوهما الحزن والأسى

وقالت: عبطه كيف أنساها والنقطة السوداء ما تزال تشوه سقف غرفتنا:frd: .

.

.

والله يا أنكم مخفات توها ما بدت القصة ذيك بس المقدمة(تسمع بالمقدمة) :nhb:

تابعو معي ما وصلت له الأحداث
0
0
0
0
7

تبدأ القصة من يوم كنا صغار ببيتنا القديم

كان يوم الأربعاء يمثل لنا شي عظيم عشان خواتي الكبار يجونا ويجيبون

بزرانهم
معهم
المهم ومالكم بالطويله

وحده من خواتي لاجتنا هي وبناتها كنت أحس إنهم جايين من كوكب
ثاني

ماكان إحساسي لحالي كان إحساس مشترك بيني أنا واختي شاهه

إذا جتنا اختي وبناتها تقول كن الملك مسير علينا

نتجمع على بنتها ونقعد نتأملها كان شعرها مثل الحرير

بس مو هذا الشي اللي كان يشدنا لها

حتى اسمها كان له رنه موسيقيه خاصه

رنا

كنت أتمنى إني بنت اختي عشان يصير اسمي رنا

وعشان يصير شعري حرير

وعشان أروح مدرسه أهليه

والبس مريول قطعتين

وعشان اغني تونكل تونكل لتل ستار <--- كنا ذابحين بنت اختي كل

ماتجي نتطلبها تغنيها لنا لدرجة انه جانا إحساس انها امريكيه

والمشكله ماكنا ندري وش معناها

الين عرفت من افتح ياسمسم انهاهي نفسها هالاغنيه:


إلمع إلمع كالألماس

حلو النجم كالألماس

عال(ن) عال(ن) فوق الناس

إلمع إلمع كالألماس

8
0
0
0

كنت أصيح كل ما جابوها افتح يا سمسم مدري ليه


كان ودي إني بنت اختي

عشان أروح لصديقاتي ببيوتهم

وعشان يسوون لي أهلي عيد ميلاد

كان ودي إني بنت اختي عشان نشرب مويه من غراش الصحه

كنت أحس إن أهلهم يحبونهم أكثر من ما يحبونا أهلنا

عشان كذا مايبون يعرضونهم للمياه الملوثه

كان ودي إني بنت اختي عشان أبوي (رجل اختي) يودينا هرفي كل خميس

كان ودي اني بنت اختي عشان يصير ببيتنا مسبح

كان ودي اني بنت اختي عشان نفطر كورن فلكس

كان ودي اني بنت اختي عشان نروح لامريكا كل صيف

كان ودي اني بنت اختي عشان البس بنطلون جينز

كان ودي اني بنت اختي عشان يصير عندي باربي وفيديو ومجلة ماجد و اشرطة فيديو حقت ديزني وبلايستيشن


(احياناً كان ودي اني بنت جيرانا عشان يصير اسم اخوي عبدالعزيز

ويصير عندنا مرجيحه بالحوش ويصير عندنا جده عيونها زرق)


*فاصل اعلاني*

يوم اني صغيره كنا نروح للحرم بمكه وامي تقول صلو وادعو

واجي انا اكبر واصلي وانواع الخشوع والمناشق

وامي فرحانه عشاني

ماتدري ليه كنت اصيح؟

ماتدري اني كنت ادعي اني اصير بنت اختي

واصيح على حظي اللي ماخلاني اصير بنت اختي


****

وكنت ادعي ان عيوني تصير زرق

وشعري اشقر

وبيضاااااااااااااء

وجميله

واني اكبر واتزوج امير مثل سندريلا


واخيرا

كان ودي اني بنت اختي عشان اجي لبيتنا كل اربعاء'

بس يوم كبرت قلت الحمد لله اني ماصرت بنت اختي

عشان عمري ماراح القى مثل حنان امي وابوي

8
0
0
0

نهايه مأساويه


نستنتج من هذه القصه مايلي:

أن هذي مشكلة اللي عندهم خوات معرسات

مايتهنون بالويك اند

كل وحده تجي هي وبزرانها

ونقعد انا وشاهه بحسرتنا

ونستنتج ايضاً:

أن النقطه السوداء ذبانه صدناها وعجزنا ننظف مكانها سقفنا عالي

عشان كذا اللي بيعمر بيت جديد احسن له يوطي السقف

لايطلع لهم كل يوم نقطه تذكرهم بالايام الخوالي

وكذلك نستنتج:

ان مافيه حل لهالمشكله الا اننا نعرس عشان نصير نجي بيت اهلي كل اربعاء

واستنتاج اخير:

إن ماعندي سالفه وإذا المشرف يبي ينقله للمحذوفات حلاله

منيب قايله لا


على فكره تراي شاريه علبة الوان خشبيه

وأضظريت اكتب هالقصه عشان اشوف الالوان اصليه ولالا:l,k:


عسووووووووله

[حزن المشاعر]

خخخخخخخخخخخخخخخخ والله وانك منسمه ولا قالت عسل


اها بس اها وش اللي نقطه سوداء تذكرين ولا تدمع العيون وانا رحت ادمع

متاثر مع القصه في الاخير تلعبين علينا ولا مطلعه لسانك بعد

وين كراتين الاندومي خليني اكسرها على راسك بس قهر تدرين ليش..؟لان اخووي الدب الكبير معذبني

كل ما اشتري كرتون اندومي عشان اكسره على روس اللي يتحرشون فيني

يجي الدب ابوو كرشه ياكلها

على العموم مشكوره على القصه اللي خلتني امووووووووت من الضحك من كثر ما موتتني

ابي ارفع فيها قضيه خخخخخخخخخخ

<<=---------<<< يقاله ينكت هو وجه ثقيل الدم

عشان ما تموت احد غير ويروح ضحيه قصه عسل

ههههههههههههههههههههههههههههههههههه

ماقصرتي يا اختي عسل خليتيني اضحك على الصباح الله يسعدك على طوول

اخوووووك: حزن المشاعر

[ناااايف]

وعليكم السلاميشن .

هههههههههههههههههههههههههههههههههه

قمة الصرقعه والوناسة عندك عسل .

بس ودي اعرف وشلون تفكرين انتي .:l,k:
من وين تجيبين الخيال هذا كله .

أنتى تأكلين مثلنا وتشربين مثلنا والا كيف .
اشك انك من كوكب خيالي .
أو انك من الايام الخوالي مثل ماقلتي .<< اسمع الزير سالم يقولها .:p
يعني من زمن غير زمنا .

الله يستر منك ومن خيالك الجاي وشو . أنتي وأختك شاهه .;)

يعطيك الف عافيه عسووله على الموضوع الحلو .

وشكرا لك .

[Mr.SmRmDi]

هههههههههههههههههههههاااااااااااااااااااااااااي حلوه عسوله

والله يجي منك وبتنافسين شكلك وحده مضيعه :jhg:

[عسل]

:f777:
حزن المشاعر

هلا فيك اخوي

وجعلها دوم هالضحكه

والحمد لله ما عندك اندومي لاني ما حبه

بس لو فيه شعيريه عادي كسرها خخخخخخخخخخخ



ناااايف

ههههههههههههههههههههههههههههههههههههههه

ايه من كوكب اخر

وافطر حشيش قصدي حديد < جازورا على غفله


Mr.SmRmDi

الا على طاري وحده مضيعه وينها ؟؟

لا تكون رجعت ضاعت:f777:


عسووووووله

[الـ،،،ـا@ـر]

وعليكم السلاميشن

هههههههههههههههههههه

اللهم اشفي مرضانا ومرضا المسلمين

ذاحين القصه هذي كلها علشان شفتي نقطه بالسقف

كيف لو شفتي المروحه مكسوره

وإلى علشان تبين تجربين هاتلوين الي مليتيبها المنتدا

على فكره تراني دخلت جو على بالي ان القصه لها نهايه


يعطيك العافيه يا عسووووله


تحياااااااتي

[عسل]

الـ،،،ـا@ـر

اللهم امييين .. واقضي الدين عن المدينين:ci:

بعدين تعال انت تستهين بالنقطه هذي ..النقطه هذي تفتح بيوت في مصر:la1:

اما المروحه المكسروه اكيدب تذكرني بالزول اللي كفلته بالحرم < قريبا بالاسواق:wd4:


المهم الله يعطيك العافيه الساهر

وان كان بتترجى من وراي نهايه للقصه والا بدايه والا حتى هز وسط قصدي وسط

فاقول لك اغسل يدك ووجهك بعد :dkh:


عسووووووووله